Zaburi 60:1-12
Kwa kiongozi; umepatanishwa na mtindo wa “Yungiyungi la Kikumbusho.” Miktamu.* Wa Daudi. Wa kufundisha. Alipopigana na Aram-naharaimu na Aram-Soba, kisha Yoabu akarudi na kuwaua Waedomu 12,000 katika Bonde la Chumvi.+
60 Ee Mungu, ulitukataa; ulipenya katika vikosi vyetu vya ulinzi.+
Ulitukasirikia; lakini sasa tupokee tena!
2 Uliifanya dunia itetemeke; uliipasua ikafunguka.
Ziba nyufa zake, kwa maana inaporomoka.
3 Uliwafanya watu wako wateseke.
Ulitufanya tunywe divai inayosababisha tuyumbeyumbe.+
4 Wape* ishara wale wanaokuogopaWakimbie na kuukwepa upinde. (Sela)
5 Ili wapendwa wako waokolewe,Tuokoe kwa mkono wako wa kuume na utujibu.+
6 Mungu ameongea katika utakatifu wake:*
“Nitashangilia, nitawagawia Shekemu kuwa urithi,+Nami nitawapimia Bonde la* Sukothi.+
7 Gileadi ni yangu, na Manase ni yangu,+Na Efraimu ni kofia ya kukinga* kichwa changu;Yuda ni fimbo yangu ya kiongozi.+
8 Moabu ni beseni langu la kuogea.+
Nitatupa kiatu changu juu ya Edomu.+
Nitapaza sauti kwa ushindi juu ya Ufilisti.”+
9 Ni nani atakayenipeleka kwenye jiji lililozingirwa?*
Ni nani atakayeniongoza mpaka Edomu?+
10 Je, si wewe, Ee Mungu, ambaye umetukataa,Mungu wetu, ambaye haendi tena na majeshi yetu?+
11 Tusaidie katika taabu yetu,Kwa maana wokovu kutoka kwa wanadamu hauna faida yoyote.+
12 Kwa msaada wa Mungu tutapata nguvu,+Naye atawakanyagia chini maadui wetu.+
Maelezo ya Chini
^ Au labda, “Umewapa.”
^ Au labda, “mahali pake patakatifu.”
^ Au “Nchi Tambarare ya Chini ya.”
^ Tnn., “ngome ya.”
^ Au labda, “lenye ngome.”
