Methali 14:1-35
14 Mwanamke ambaye kwa kweli ana hekima huijenga nyumba yake,+Lakini aliye mpumbavu huibomoa kwa mikono yake mwenyewe.
2 Mtu anayetembea kwa unyoofu wake anamwogopa Yehova,Lakini yule ambaye njia zake ni zenye hila* humdharau Yeye.
3 Fimbo ya kiburi imo kinywani mwa mpumbavu,Lakini midomo ya wenye hekima itawalinda.
4 Mahali pasipo na ng’ombe, hori ni safi,Lakini nguvu za ng’ombe dume huleta mavuno mengi.
5 Shahidi mwaminifu hatasema uwongo,Lakini shahidi wa uwongo husema uwongo kila anapopumua.+
6 Mtu mwenye dhihaka hutafuta hekima lakini haipati kamwe,Lakini ujuzi humjia kwa urahisi mtu aliye na uelewaji.+
7 Kaa mbali na mtu mpumbavu,Kwa maana hutapata ujuzi katika midomo yake.+
8 Kwa hekima, mtu mwerevu huelewa njia anayofuata,Lakini wapumbavu hudanganywa* na ujinga wao.+
9 Wajinga hufanyia mzaha hatia,*+Lakini wanyoofu wako tayari kufanya mapatano.*
10 Moyo hujua uchungu wake wenyewe,*Na hakuna mgeni yeyote anayeweza kushiriki shangwe yake.
11 Nyumba ya mwovu itaharibiwa,+Lakini hema la mnyoofu litasitawi.
12 Kuna njia inayoonekana kuwa sawa machoni pa mtu,+Lakini mwishowe inaongoza kwenye kifo.+
13 Hata katika kicheko moyo unaweza kuhisi maumivu,Na shangwe inaweza kuishia katika huzuni.
14 Mtu aliyepotoka moyoni atavuna matokeo ya njia zake,+Lakini mtu mwema huvuna thawabu ya matendo yake.+
15 Mjinga* huamini kila neno,Lakini mwerevu hutafakari kila hatua.+
16 Mwenye hekima hujihadhari na kuepuka uovu,Lakini mpumbavu hajali,* naye anajiamini kupita kiasi.
17 Yule anayekasirika upesi hutenda kipumbavu,+Lakini mtu anayechanganua mambo* huchukiwa.
18 Mjinga* atarithi upumbavu,Lakini werevu huvikwa ujuzi kama taji.+
19 Watu wabaya watalazimika kuinama chini mbele ya watu wema,Na waovu watainama katika malango ya waadilifu.
20 Maskini huchukiwa hata na majirani zake,+Lakini tajiri ana marafiki wengi.+
21 Anayemdharau jirani yake anatenda dhambi,Lakini yeyote anayewahurumia watu wa hali ya chini ni mwenye furaha.+
22 Je, wale wanaopanga njama zinazodhuru hawatapotea njia?
Lakini wanaokusudia kutenda mema watapata upendo mshikamanifu na uaminifu.+
23 Kila aina ya kazi ngumu ina faida,Lakini maneno matupu huleta umaskini.+
24 Taji la wenye hekima ni mali yao;Lakini ujinga wa wapumbavu ni ujinga tu.+
25 Shahidi wa kweli huokoa uhai,*Lakini shahidi mdanganyifu husema uwongo kila anapopumua.
26 Anayemwogopa Yehova humtumaini kwa uthabiti,+Na woga huo utakuwa kimbilio kwa watoto wake.+
27 Kumwogopa Yehova ni chemchemi ya uzima,Humwepusha mtu na mitego ya kifo.
28 Umati wa watu ni fahari ya mfalme,+Lakini mtawala asiye na raia huangamia.
29 Mtu asiyekasirika upesi ana utambuzi mwingi,+Lakini asiye na subira hudhihirisha upumbavu.+
30 Moyo mtulivu huupa mwili uzima,*Lakini wivu huozesha mifupa.+
31 Anayempunja mtu wa hali ya chini anamtukana Muumba wake,+Lakini yeyote anayewahurumia maskini humtukuza Mungu.+
32 Mtu mwovu ataangamizwa na uovu wake mwenyewe,Lakini mwadilifu atapata kimbilio katika utimilifu wake.+
33 Hekima hutulia katika moyo wa mtu mwenye uelewaji,+Lakini miongoni mwa wapumbavu ni lazima ijitangaze.
34 Uadilifu hulikweza taifa,+Lakini dhambi hulifedhehesha taifa.
35 Mfalme hufurahishwa na mtumishi anayetenda kwa ufahamu,+Lakini hasira yake huwaka dhidi ya yule anayetenda kwa aibu.+
Maelezo ya Chini
^ Au “zimepotoka.”
^ Au labda, “wapumbavu huwadanganya wengine.”
^ Au “hufanya mzaha wanapoambiwa wafanye marekebisho.”
^ Au “Lakini kuna nia njema kati ya wanyoofu.”
^ Au “uchungu wa nafsi yake.”
^ Au “Asiye na uzoefu.”
^ Au “ana hasira kali.”
^ Au “mwenye uwezo wa kufikiri.”
^ Au “Asiye na uzoefu.”
^ Au “nafsi.”
^ Au “afya.”
