6 DHJETOR 2023 | PËRDITËSUAR MË 7 MARS 2025
RUSI

PËRDITËSIM—VËLLANË TONË E BURGOSIN | «Asnjë sprovë nuk e thyen dot besimin e vërtetë»

LUAJ

Më 6 mars 2025, Gjykata Krahinore e Kaltanskit në Rajonin e Kemerovos shpalli fajtor vëlla Aleksandër Tsikunovin dhe e dënoi me 6 vjet burg. Atë e arrestuan menjëherë në sallën e gjyqit.

Të dhëna

Aleksandër Tsikunovi

Lindur: 1967 (Kaltan)

Biografia: Ka punuar si inxhinier ndërtimi

Në vitin 1989 u martua me Jelenën

Ishte ateist. Mësoi për Biblën nga një koleg pune që ishte një Dëshmitar i Jehovait. Para se të pranonte të studionte Biblën, fillimisht e lexoi vetë të gjithën për 6 muaj. U pagëzua më 1997. I foli për të vërtetën mamasë, motrës së madhe dhe bashkëshortes, të cilat u bënë Dëshmitare të Jehovait

Komente personale

Cila ngjarje nga Bibla të ka ndihmuar veçanërisht gjatë kësaj periudhe të vështirë?

Më ka dhënë shumë zemër shembulli i profetit Daniel. Te Danieli 6:4, 5, thuhet: «Në atë kohë, zyrtarët e lartë dhe satrapët kërkonin të gjenin ndonjë pretekst që ta akuzonin Danielin për punët e mbretërisë. Por nuk arritën të gjenin asnjë bazë për ta akuzuar a ndonjë pandershmëri, sepse ishte i besueshëm dhe tek ai s’gjendej asnjë pakujdesi a korruptim. Kështu, ata burra thanë: ‘S’kemi për të gjetur asnjë bazë për ta akuzuar Danielin, vetëm nëse gjejmë diçka kundër tij në ligjin e Perëndisë së tij.’» Ata nuk kishin asnjë akuzë të mirëqenë kundër Danielit, prandaj sajuan një, duke u bazuar te besnikëria dhe adhurimi që i bënte Perëndisë. E vunë nën vëzhgim, në pritje të kohës së duhur për ta zënë në kurth. Por ai vazhdoi ta adhuronte Perëndinë siç kishte bërë gjithmonë. Duke vepruar kështu, Danieli provoi atë që edhe shumë shërbëtorë të tjerë kanë vërtetuar: asnjë sprovë nuk e thyen dot besimin e vërtetë. Shembulli i tij më ka ndihmuar të qëndroj sa më aktiv në adhurimin e Jehovait.

Sa mirënjohës jemi për shembujt e shumtë të besnikërisë që na kujtojnë se, kushdo që tregon besim te Jehovai dhe Biri i tij, Jezu Krishti, nuk do të zhgënjehet!—Romakëve 10:11.

Tabelë kronologjike

27 prill 2021

Ngrihet çështja penale
2 maj 2021

I kontrollojnë shtëpinë. E arrestojnë dhe e çojnë në një qendër paraburgimi
4 maj 2021

E lirojnë nga paraburgimi dhe e futin në arrest shtëpie
24 qershor 2021

E lirojnë nga arresti i shtëpisë dhe i vënë kufizime për udhëtimet
25 korrik 2023

Fillon procesi penal

Mund të të pëlqejë edhe . . .

LAJME

Burgosen për shkak të besimit—Rusi

Dëshmitarët e Jehovait në Rusi janë burgosur për shkak të besimit. Lexo historinë e tyre dhe shih listën e printueshme që ka të gjithë Dëshmitarët që janë në burg në këtë moment.

LAJME