Nëse klikon te lista e gjuhëve në këtë faqe të sitit jw.org, do të vëresh një listë me mbi 300 gjuhë—diçka që s’ka gjasa ta gjesh në ndonjë sit tjetër.

Si ndryshon ky numër në krahasim me site të tjera të njohura? Shqyrto këtë: deri në korrik të 2013-s, faqja zyrtare e Kombeve të Bashkuara disponohej në gjashtë gjuhë. Europa, faqja zyrtare e Bashkimit Evropian, mund të lexohet në 24 gjuhë. Google është në 71 gjuhë, kurse Wikipedia në 287.

Duhen orë të tëra pune për të përkthyer një faqe Interneti në më tepër se 300 gjuhë. Një pjesë e mirë e kësaj pune kryhet nga qindra Dëshmitarë të Jehovait në mbarë botën, të cilët duan t’i sjellin lavdi Jehovait. Ata punojnë në skuadra të organizuara për secilën gjuhë, duke përdorur aftësitë e tyre për të përkthyer tekstin nga anglishtja.

Siti JW.ORG ka shumë faqe me informacione që janë përkthyer në mbi 300 gjuhë, prandaj numri total i faqeve në këtë sit është i stërmadh—më tepër se 200.000!

Siti JW.ORG jo vetëm që është i disponueshëm gjerësisht, por është edhe mjaft i pëlqyer. Ky fakt pasqyrohet në një renditje sitesh të përpiluar nga Alexa, një firmë që analizon trafikun global të Internetit. Në kategorinë «Feja dhe besimi» gjendet një listë me rreth 87.000 site, ku përfshihen fetë më të mëdha në botë, botues fetarë dhe organizata të tjera të ngjashme. Që nga korriku i 2013-s, jw.org renditet i dyti në këtë listë. I pari renditet një sit komercial që ofron online një larmi përkthimesh të Biblës.

Deri në tetor të vitit 2013, jw.org është vizituar mesatarisht nga më shumë se 890.000 persona në ditë. Ne do të vazhdojmë të nxjerrim informacione praktike nga Bibla dhe do t’ua vëmë në dispozicion falas njerëzve në çdo vend.