Lindja e re​—Sa e rëndësishme është?

GJATË gjithë bisedës me Nikodemin, Jezui theksoi se të përjetosh lindjen e re ose të lindësh përsëri, është shumë e rëndësishme. Si e bëri të qartë këtë?

Vër re se si Jezui gjatë bisedës me Nikodemin nxori në pah rëndësinë e lindjes së re. Ai tha: «Në qoftë se dikush nuk lind përsëri, nuk mund ta shohë mbretërinë e Perëndisë.» (Gjoni 3:3) Shprehjet ‘në qoftë se nuk’ dhe «nuk mund», theksojnë se lindja e re është e domosdoshme. Të bëjmë një shembull: kur dikush thotë «në qoftë se dielli nuk ndriçon, nuk mund të ketë dritë ditën», ai po thotë se ndriçimi i diellit është më se i domosdoshëm që të ketë dritë ditën. Po kështu, Jezui tha se të lindësh përsëri, është më se e domosdoshme për të parë Mbretërinë e Perëndisë.

Në fund, si për të hequr çdo dyshim të mbetur në lidhje me këtë temë, Jezui tha: «Duhet të lindni përsëri.» (Gjoni 3:7) Është e qartë, pra, se sipas Jezuit, të lindësh përsëri është një kërkesë—një domosdoshmëri—‘për të hyrë në mbretërinë e Perëndisë’.—Gjoni 3:5.

Meqë Jezui e konsideronte lindjen e re si një çështje me kaq rëndësi, të krishterët duhet të sigurohen se e kuptojnë saktë këtë temë. Për shembull, a mendon se një i krishterë mund të zgjedhë që të lindë përsëri?

[Diçitura në faqen 5]

«Në qoftë se dielli nuk ndriçon, nuk mund të ketë dritë ditën»