Dëshmitarët e Jehovait kanë një privilegj të veçantë. Si të krishterë të kushtuar e të pagëzuar, vazhdojmë ta thellojmë miqësinë e ngushtë që kemi me Zotërinë Sovran Jehova. Ai na ka tërhequr drejt vetes nëpërmjet të Birit dhe i dëgjon lutjet tona.—Gjo 6:44; Ps 34:15.

Si ta ruajmë miqësinë e çmuar me Perëndinë? Pikësëpari, nuk duhet të bëjmë gjërat e gabuar që kryen izraelitët. Pak pasi bënë një besëlidhje me Jehovain, izraelitët bënë një viç të artë dhe ranë pre e idhujtarisë. (Eks 32:7, 8; 1Ko 10:7, 11, 14) Mund të pyesim veten: «Si reagoj përballë tundimeve? A tregojnë veprimet e mia se e çmoj miqësinë me Jehovain?» Dashuria e madhe për Atin tonë qiellor, do të na ndihmojë të ikim e t’i rrimë larg çdo gjëje që ai urren.—Ps 97:10.

SHIHNI VIDEON MBRONI MARRËDHËNIEN TUAJ ME JEHOVAIN (KOL. 3:5), DHE PASTAJ PËRGJIGJJUNI PYETJEVE TË MËPOSHTME:

• Çfarë është lakmia?

• Pse duhet ta hedhim poshtë lakminë dhe idhujtarinë?

• Çfarë lidhjeje ka kurorëshkelja me idhujtarinë?

• Pse duhet të bëjnë veçanërisht kujdes ata që kanë përgjegjësi teokratike që të plotësojnë nevojat e bashkëshortit?