Sipas Lukës 3:1-38
3 Në vitin e 15-të të mbretërimit të Tiber Cezarit, Ponc Pilati ishte guvernator i Judesë, Herodi*+ ishte sundimtari i krahinës* së Galilesë, Filipi, vëllai i tij, ishte sundimtari i krahinës së Ituresë dhe të Trakonitidës, Lisania ishte sundimtari i krahinës së Abilenës,
2 Hanai ishte njëri nga krerët e priftërinjve dhe Kajafa ishte kryeprift.+ Në atë kohë fjala e Perëndisë iu drejtua Gjonit,+ birit të Zakarisë, ndërsa ishte në shkretëtirë.+
3 Kështu, ai filloi të përshkonte gjithë vendin përreth Jordanit dhe predikonte pagëzimin si simbol të pendimit për faljen e mëkateve,+
4 ashtu siç është shkruar në librin e fjalëve të profetit Isaia: «Dëgjohet zëri i dikujt që thërret në shkretëtirë: ‘Përgatitni udhën për Jehovain!* Drejtojini rrugët për të!+
5 Çdo luginë do të mbushet dhe çdo mal e kodër do të rrafshohet; udhët dredharake do të drejtohen dhe udhët me gunga do të bëhen të sheshta.
6 Çdo njeri* do të shohë mjetin nëpërmjet të cilit Perëndia do të sjellë shpëtimin.’»*+
7 Atëherë, ai nisi t’u thoshte turmave që vinin për t’u pagëzuar: «Pjellë nepërkash, kush ju tha se mund t’ia mbathni nga zemërimi i furishëm që po vjen?!+
8 Jepni, pra, fryte të denja për pendim! Mos thoni me vete: ‘Ne kemi atë Abrahamin’, sepse unë po ju them se Perëndia është në gjendje t’i japë Abrahamit fëmijë edhe nga këta gurë.
9 Vërtet, sëpata është vënë tashmë në rrënjë të pemëve. Çdo pemë që nuk jep fryt të mirë, do të pritet e do të hidhet në zjarr.»+
10 Prandaj turmat e pyetën: «Çfarë duhet të bëjmë, pra?»
11 Gjoni iu përgjigj: «Kush ka dy palë veshje,* le t’i ndajë me atë që s’ka asnjë, dhe ai që ka për të ngrënë, le të bëjë njëlloj.»+
12 Erdhën për t’u pagëzuar edhe disa taksambledhës+ dhe e pyetën: «Mësues, po ne çfarë duhet të bëjmë?»
13 Ai iu përgjigj: «Kërkoni* vetëm taksën e caktuar dhe asgjë më shumë.»+
14 Edhe ushtarët e pyetën: «Po ne, çfarë duhet të bëjmë?» Ai u tha: «Mos i bini askujt në qafë* dhe mos ngrini akuza të rreme,+ por kënaquni me atë që merrni.»*
15 Ndërkohë njerëzit ishin në pritje të Krishtit dhe mendonin me vete për Gjonin: «A thua të jetë ai Krishti?»+
16 Prandaj Gjoni u tha të gjithëve: «Unë ju pagëzoj me ujë, por po vjen ai që është më i fortë se unë, të cilit nuk jam i denjë t’i zgjidh lidhëset e sandaleve.+ Ai do t’ju pagëzojë me frymë të shenjtë dhe me zjarr.+
17 Ai ka në dorë terploten* që të pastrojë tërësisht lëmin* e vet dhe të mbledhë grurin në depo. Kurse bykun do ta djegë me një zjarr që nuk mund të shuhet.»
18 Gjoni i bëri thirrje popullit edhe për shumë gjëra të tjera e vazhdoi t’i shpallte lajmin e mirë.
19 Mirëpo Herodi, sundimtari i krahinës, ngaqë Gjoni e kishte qortuar për shkak të Herodiadës, gruas së vëllait të vet, dhe për shkak të të gjithë të ligave që kishte bërë,
20 u shtoi gjithë këtyre edhe këtë: e futi Gjonin në burg.+
21 Kur u pagëzua gjithë populli, u pagëzua edhe Jezui+ dhe, ndërsa po lutej, qielli u hap,+
22 fryma e shenjtë u shfaq porsi një pëllumb dhe zbriti mbi të. Nga qielli u dëgjua një zë: «Ti je Biri im, Biri im i dashur; unë të kam miratuar.»+
23 Jezui+ ishte rreth 30 vjeç+ kur nisi veprën e tij. Për të mendohej se ishte birii Jozefit,+bir i Helit,
24 bir i Matatit,bir i Levit,bir i Melkit,bir i Janait,bir i Jozefit,
25 bir i Matatisë,bir i Amosit,bir i Naumit,bir i Eslit,bir i Nagait,
26 bir i Mathit,bir i Matatisë,bir i Semeinit,bir i Josekut,bir i Jodait,
27 bir i Joananit,bir i Resait,bir i Zorobabelit,+bir i Shealtielit,+bir i Nerit,
28 bir i Melkit,bir i Adit,bir i Kosamit,bir i Elmadamit,bir i Erit,
29 bir i Jezuit,bir i Eliezerit,bir i Jorimit,bir i Matatit,bir i Levit,
30 bir i Simionit,bir i Judës,bir i Jozefit,bir i Jonamit,bir i Eliakimit,
31 bir i Meleasit,bir i Menait,bir i Matatait,bir i Natanit,+bir i Davidit,+
32 bir i Jeseut,+bir i Obedit,+bir i Boazit,+bir i Salmonit,+bir i Nahasonit,+
33 bir i Aminadabit,bir i Arnit,bir i Hezronit,bir i Perezit,+bir i Judës,+
34 bir i Jakobit,+bir i Isakut,+bir i Abrahamit,+bir i Terahut,+bir i Nahorit,+
35 bir i Serugut,+bir i Reut,+bir i Pelegut,+bir i Eberit,+bir i Shelahut,+
36 bir i Kainanit,bir i Arpakshadit,+bir i Semit,+bir i Noesë,+bir i Lamekut,+
37 bir i Metuselahut,+bir i Enokut,bir i Jaredit,+bir i Mahalalelit,+bir i Kainanit,+
38 bir i Enosit,+bir i Setit,+bir i Adamit,+bir i Perëndisë.
Shënimet
^ Fjalë për fjalë «tetrarku».
^ Domethënë, Herod Antipa. Shih Fjalorthin.
^ Shih Shtojcën A5.
^ Fjalë për fjalë «mish».
^ Ose «shpëtimin e Perëndisë».
^ Ose «një veshje shtesë».
^ Ose «Vilni; Mblidhni».
^ Ose «Mos zhvatni asnjë».
^ Ose «me rrogën tuaj».
^ Lopatë e gjerë që përdoret për të hedhur në erë drithin kur pastrohet.
^ Shih Fjalorthin.
