Dhimma ijoo ta'etti seeni

Ittiin baafataa bira dhaqi

Gali (opens new window)
JW.ORG Irraa Barbaadi

Gaaʼela

Gaaʼela

Gaaʼela eenyutu hundeesse?

Uma 1:27, 28; 2:22-24; Mat 19:4-6

Kiristiyaanni tokko hiriyaa gaaʼelaa akkamii filachuu qaba?

Kiristiyaanni tokko, ilmi ykn intalli isaa cuuphaman nama cuuphamee tajaajilaa Yihowaa hin taanee wajjin gaaʼela yoo dhaabbachuuf yaadan, gaaʼela akkasii deggeruu kan hin qabne maaliifi?

1Qor 7:39; 2Qor 6:14, 15

  • Seenaa Kitaaba Qulqulluu si gargaaru:

    • Uma 24:1-4, 7—Abrahaam maanguddichi, ilmi isaa Yisihaaq, Kanaʼaanota warra waaqolii kan biroo waaqeffatan keessaa utuu hin taʼin, namoota Yihowaa waaqeffatan keessaa akka fuudhu murteessee ture

    • Uma 28:1-4—Yisihaaq, ilmi isaa Yaaqoob, Kanaʼaanota keessaa utuu hin taʼin, namoota Yihowaa waaqeffatan keessaa haadha manaa akka fuudhu isa ajajeera

Yihowaan, tajaajilaan isaa tokko, nama Dhugaa Baatuu hin taanee wajjin gaaʼela yommuu dhaabbatu maaltu isatti dhagaʼama?

Kes 7:3, 4

  • Seenaa Kitaaba Qulqulluu si gargaaru:

    • 1Mo 11:1-6, 9-11—Solomoon Mootichi akeekkachiisa Waaqayyoo tuffachuudhaan dubartoota ormaa waan fuudhee fi garaa isaa akka mancaasan waan heyyameef Yihowaan baayʼee isatti aaree ture

    • Nah 13:23-27—Nahimiyaa inni bulchaa ture, dhiironni Israaʼel dubartoota biyya ormaa Yihowaa hin tajaajille fuudhuu isaaniitti isaanitti aareera, isaan adabeera, akkasumas isaan sirreesseera; kun immoo ilaalcha Yihowaa akka qabu argisiisa

Nama amanamummaadhaan Yihowaa tajaajiluu fi maqaa gaarii qabu hiriyaa gaaʼelaa godhachuun ogummaa kan taʼe maaliifi?

Fak 18:22; 31:10, 28

Dabalataanis Efe 5:28-31, 33 ilaali

  • Seenaa Kitaaba Qulqulluu si gargaaru:

    • 1Sa 25:2, 3, 14-17—Naabaal sooressa taʼus, nama hamaa waan tureef, abbaa manaa Abigaayiliif taʼu hin turre

    • Fak 21:9—Hiriyaa gaaʼelaa gaarii hin taane filachuun nagaa fi gammachuu nu dhabsiisuu dandaʼa

    • Rom 7:2—Phaawulos ergamaan dubartiin tokko yommuu heerumtu aangoo abbaa manaa ishee isa mudaa qabuu jala akka taatu ibseera; kanaafuu, dubartiin ogeettiin tokko nama hiriyaa gaaʼelaa ishiidhaaf taʼu ogummaadhaan filatti

Gaaʼelaaf qophaaʼuu

Dhiirri tokko fuudhuu isaa dura, wanta maatii isaa ittiin jiraachisu qabaachuu isaa mirkaneeffachuu kan qabu maaliifi?

1Xi 5:8

  • Seenaa Kitaaba Qulqulluu si gargaaru:

    • Fak 24:27—Namni tokko fuudhuu fi ijoollee godhachuu isaa dura, maatii isaa gargaaruu akka dandaʼuuf jabaatee hojjechuu qaba

Dhiirrii fi dubartiin wal qorachaa jiran wanta alaan mulʼatu irratti xiyyeeffachuu mannaa, warra kaan gorsa gaafachuu fi sirriitti wal beekuuf carraaquu kan qaban maaliifi?

Fak 13:10; 1Phe 3:3-6

  • Seenaa Kitaaba Qulqulluu si gargaaru:

    • Rut 2:4-7, 10-12—Boʼaaz, akkaataa Ruut itti hojjettu sirriitti ilaaleera, akkasumas maqaa akkamii akka qabdu, maatii ishee wajjin hariiroo akkamii akka qabduu fi Yihowaa hangam akka jaallattu wanta warri kaan dubbatan irraa hubateera

    • Rut 2:8, 9, 20—Ruut gaarummaa fi arjummaa inni qabu, akkasumas jaalala inni Yihowaaf qabu ilaaluudhaan waaʼee Boʼaaz barteetti

Hiriyoonni gaaʼelaa yeroo wal qoratanii fi yeroo wal kaadhimatanii jiranitti naamusa qulqulluu qabaachuu kan qaban maaliifi?

Gal 5:19; Qol 3:5; 1Tas 4:4

  • Seenaa Kitaaba Qulqulluu si gargaaru:

    • Fak 5:18, 19—Wal tuttuquudhaan jaalala walitti argisiisuu kan qaban hiriyoota gaaʼelaa qofadha

    • Wed 1:2; 2:6—Dargaggeessi tiksee turee fi shamarreen Shulaam, karaa miira saalaa kakaasuun utuu hin taʼin, karaa kabaja qabuun jaalala isaanii waliif ibsaa turaniiru

    • Wed 4:12; 8:8-10—Shamarreen Shulaam qulqullina ishii eegdee jiraatteetti, amala of toʼachuus argisiisteetti; Akkuma iddoo biqiltuu cufamee turte

Dhiirrii fi durbi tokko gaaʼelli isaanii seera biratti akka beekamu gochuu kan qaban maaliif?

Mat 22:21; Rom 13:1; Tit 3:1

Gaʼee abbaa manaa

Abbaan manaa itti gaafatamummaa ulfaataa taʼe akkamii qaba?

Efe 5:23, 25, 28-31, 33

Abbaan manaa matummaa isaatti yeroo fayyadamu fakkeenya eenyuu hordofuu qaba?

1Qor 11:3; Efe 5:23

Abbaan manaa tokko haadha manaa isaatti jaalala argisiisuu, akkasumas fedhii ishii fi miira ishii hubachuu kan qabu maaliifi?

Qol 3:19; 1Ph 3:7

  • Seenaa Kitaaba Qulqulluu si gargaaru:

    • Uma 21:8-12—Yaanni Saaraan dhiheessite Abrahaamiin mufachiisus, Yihowaan akka inni ishee dhagaʼu isa ajajeera

    • Fak 31:10, 11, 16, 28—Caqasa kanarratti akka ibsametti, abbaan manaa hubataa taʼee fi haadha manaa ogeettii taate qabu, ishii hin hacuucu, dogoggora ishiis hin funaanu; kanaa mannaa, ishii amana, ishii jajas

    • Efe 5:33—Yaanni Phaawulos ergamaan hafuuraan geggeeffamee dubbate, abbaan manaa haati manaa isaa akka ishii jaallatu akka ishiitti dhagaʼamu gochuu akka qabu argisiisa

Gaʼee haadha manaa

Yihowaan haadhotii manaatiif itti gaafatamummaa akkamii kenne?

Uma 2:18; Qol 3:18; Tit 2:4, 5

Gaʼeen haadha manaadhaaf kenname gad aantuu akkasheen taate argisiisaa?

Uma 1:26-28, 31; 2:18

  • Seenaa Kitaaba Qulqulluu si gargaaru:

    • Fak 1:8; 1Qor 7:4—Dubartiin gaaʼela keessatti haadha manaa fi haadha taʼuun ishii aangoo Waaqayyo ishiidhaaf kenne akka qabdu argisiisa

    • 1Qor 11:3—Phaawulos ergamaan, qophii Yihowaan godhe keessatti Waaqa hundumaa dandaʼu irraa kan hafe hundumtuu mataa akka qabu ibseera

    • Ibr 13:7, 17—Dhiironnii fi dubartoonni gumii keessatti argaman hundi warra gumii keessatti dura buutota taʼaniif ni bitamu

Haati manaa abbaa manaa hin amanne qabdu Yihowaa gammachiisuu kan dandeessu akkamitti?

1Qor 7:13-16; 1Ph 3:1, 2

Haati manaa Kiristiyaana taate tokko abbaa manaashee kabajuu kan qabdu maaliifi?

Efe 5:33

  • Seenaa Kitaaba Qulqulluu si gargaaru:

    • Uma 18:12; 1Ph 3:5, 6—Saaraan abbaa manashee baayʼee kabajji turte. Garaa isheettillee ‘gooftaa koo’ jettee isa waamuudhaan akka mataa isheetti akka isa fudhattu argisiisteetti

Haati manaa Kitaaba Qulqulluu keessatti jajamte haadha manaa akkamiiti?

Fak 19:14; 31:10, 13-31

  • Seenaa Kitaaba Qulqulluu si gargaaru:

    • Uma 24:62-67—Ribqaan, Yisihaaq haadha isaa duʼaan erga dhabee booda isa jajjabeessiteetti

    • 1Sa 25:14-24, 32-38—Abigaayil, gad of qabuudhaan Daawititti dhihaattee isa kadhachuudhaan abbaa manaa ishee isa gowwaa taʼee fi miseensota maatiishee hunda oolchuu dandeesseetti

    • As 4:6-17; 5:1-8; 7:1-6; 8:3-6—Asteer Mootittiin, lubbuu ishee balaadhaaf saaxiluudhaan utuu hin waamamin siʼa lama Mooticha duratti dhihaattee Saba Waaqayyoof eegumsi akka godhamu kadhatteetti

Rakkina Furuu

Qajeelfamoonni rakkina gaaʼela keessatti mudatu furuuf gargaaran warra kamfaʼi?

1Qo 13:4-8; Efe 5:33; Qol 3:12-14

Hiriyoonni gaaʼelaa qarshiidhaaf ilaalcha madaalamaa qabaachuuf qajeelfamoota kamfaatu isaan gargaara?

Luq 12:15; Flp 4:5; 1Xi 6:9, 10; Ibr 13:5

Dabalataanis “Maallaqa” isa jedhu ilaali

Hiriyoonni gaaʼelaa firoota, amaatii fi abbiyyuuwwan isaanii wajjin walii galanii jiraachuuf qajeelfamoota kamfaa hordofuu dandaʼu?

Fr 34:14; Mat 19:5, 6; 1Qo 13:4, 5

Hiriyoonni gaaʼelaa saalqunnamtii ilaalchisee qajeelfamoota kamfaʼiin geggeeffamuu dandaʼu?

Fak 5:15-20; Mat 5:27, 28; 1Qo 7:3-5; 10:24; Flp 2:4; Ibr 13:4

Dadhabina hiriyaa gaaʼelaa ofii irratti utuu hin taʼin, amala gaarii inni qabu ykn isheen qabdu irratti xiyyeeffachuun gaarii kan taʼu maaliifi?

Fr 103:14; 130:3, 4; Fak 17:9; 1Ph 4:8

Haaloo qabannee ykn walitti aarree turuu mannaa, rakkoowwan uumaman jaalalaan dafnee furuu kan qabnu maaliifi?

Fr 37:8; Fak 14:29; Efe 4:26, 27; Yaq 1:19, 20

Hiriyoonni gaaʼelaa Kiristiyaanota taʼan, aariidhaan finiinuu, walitti iyyuu, wal arrabsuu fi wal tumuu kan hin qabne maaliifi?

Fr 11:5; Gal 5:19-21; Efe 4:31, 32; Tit 3:2

Walitti buʼiinsi yeroo uumamutti haati manaas, abbaan manaas maal gochuu qabu?

Fr 34:14; Mat 5:9; Rom 12:17, 18, 21

Gaaʼelli buʼuurri isaa Yihowaa taʼe eebba akkamii argata?

Lal 4:9-12

Ulaagaalee gaaʼelaa

Yihowaan saalqunnamtii fi gaaʼelaaf ulaagaa akkamii baase?

Fak 6:32; Mat 5:27, 28; 1Qo 6:9, 10; Ibr 13:4

Kiristiyaanonni tokkoo ol fuudhuu ykn tokkoo olitti heerumuu qabuu?

Mat 19:8, 9; 1Qo 7:2; 1Xi 3:2, 12

Wal fuudhuu kan qaban dhiiraa fi durba qofa akka taʼe akkamitti beekna?

Uma 2:18, 22, 24; Mat 19:4-6; Rom 1:23-27

Namoonni wal fuudhan hanga dhumaatti waliin jiraachuu kan qaban maaliifi?

Mar 10:6-9; Rom 7:2, 3; 1Qo 7:10, 11

Kitaabni Qulqulluun Kiristiyaanonni akka wal hiikan kan heyyamu yoo maal taʼe qofadha?

Mat 5:32; 19:9

Sababa quubsaa malee wal hiikuu ilaalchisee Yihowaatti maaltu dhagaʼama?

Mil 2:13-16

Hiriyaan gaaʼelaa keessan yoo duʼe fuudhuu ykn heerumuu ni dandeessuu?

Rom 7:2, 3; 1Qo 7:39

 

Kanneen Armaan Gadiis ni Jaallatta Taʼa

DAMMAQAA!

Maatiiwwan Milkaaʼan—Wal Deggeranii Hojjechuu

Hiriyaan gaaʼelaa keessan akkuma nama akkasumaan kutaa tokko keessa waliin jiraattaniitii?

GAAʼELAA FI MAATII

Jaalala Argisiisuun kan Dandaʼamu Akkamitti?

Hiriyoonni gaaʼelaa dhugumaan akka wal jaallatan argisiisuu kan dandaʼan akkamitti? Yaadawwan qajeelfama Kitaaba Qulqulluu irratti hundaaʼan afur ilaali.

GAAFFII DARGAGGOOTAA

Saala Faallaa Wajjin Walitti Dhufeenya Jaalalaa Jalqabuuf Umuriin Koo Gaʼeeraa?

Qabxiiwwan shanan qorannaa gochuufi gaaʼela godhachuuf gaʼuu kee murteessuuf si gargaaran.

MASARAA EEGUMSAA

Abbootiin Manaa Manni Keessan Bakka Tasgabbiin Jiru Akka Taʼu Godhaa

Maatiin tokko wanta isaan barbaachisu akka gaariitti argatanis wanta caalaatti barbaachisaa isa taʼeen garuu dagatamuu dandaʼu.

WAAʼEE KEENYA

Dhufnee Si Haasofsiisnuu?

Gaaffii Kitaaba Qulqulluu tokkorratti nu wajjin mari‵adhu ykn waa‵ee Dhugaa Baatota Yihowaa caalaatti baradhu.

CAQASOOTA JIREENYA KIRISTIYAANAATIIF TAʼAN

Gaaʼela

Afaan Oromoo
Gaaʼela
https://assetsnffrgf-a.akamaihd.net/assets/ct/e8b2bff3b7/images/syn_placeholder_sqr.png
scl ful. 42-46
FILANNAA BUUFACHUUF QABDU
Gaaʼela
Filannaawwan barreeffamoota buufachuuf qabdu Caqasoota Jireenya Kiristiyaanaatiif Taʼan