Isaayyaas 59:1-21
59 Kunoo, harki Yihowaa gabaabbatee fayyisuu hin dadhabne,+Gurri isaas duudee* dhagaʼuu hin dadhabne.+
2 Lakki, Waaqa keessan irraa kan adda isin baase balleessaa keessani.+
Fuula isaa akka isin jalaa dhoksu kan godhe cubbuu keessani,Innis isin dhagaʼuu ni dide.+
3 Sababiin isaas, barruun keessan dhiigaan,Qubni keessanis yakkaan faalameera.+
Hidhiin keessan soba dubbata,+ arrabni keessanis waaʼee jalʼinaa gunguma.
4 Eenyu illee qajeelummaa hin waammatu,+Eenyu illees dhugaadhaan gara mana murtii hin deemu.
Isaan wanta hin jirretti* amanamu,+ wanta gatii hin qabnes ni dubbatu.
Rakkina ni ulfaaʼu, wanta nama miidhus ni dhalu.+
5 Hanqaaquu bofa summii qabuu keessaa cuucii ni yaasu,Manʼee sarariitiis ni dhaʼu.+
Namni hanqaaquu isaanii nyaatu kam iyyuu ni duʼa,Hanqaaquu cabe sana keessaas buutiin ni yaaʼa.
6 Manʼeen sarariitii sun uffata hin taʼu,Isaanis wanta tolfatan sana hin uffatan.+
Hojiin isaanii miidhaa kan geessisu dha,Gochi jalʼinaas harka isaanii keessa jira.+
7 Miilli isaanii hammina raawwachuutti fiiga,Isaan dhiiga qulqulluu dhangalaasuuf ariifatu.+
Yaanni isaanii kan nama miidhu dha;Badiisnii fi gadadoon daandii isaanii irra jira.+
8 Isaan daandii nagaa hin beekan,Karaa isaanii irras haqni hin jiru.+
Daandii isaanii micciiramaa ni godhu;Namni achi irra deemu kam iyyuu nagaa hin beeku.+
9 Haqni kan nu irraa fagaate,Qajeelummaanis nu bira kan hin geenye kanaafi.
Nuti ifa abdanne, garuu kunoo, dukkanatu taʼe;Guyyaa ifaa taʼe ni abdanne, garuu kunoo, dukkana keessa deemaa jirra.+
10 Akkuma namoota jaamaatti dallaa qaqqabanna;Akkuma warra ija hin qabneettis qaqqabachaa deemna.+
Akkuma dukkana galgalaatti guyyaa saafaa ni gufanna;Warra jajjaboo gidduuttis akkuma namoota duʼanii taaneerra.
11 Akkuma amaaketaatti ni gururiina,Akkuma gugeettis gaddaan ni aadna.
Haqa abdanne, garuu homtuu hin jiru;Fayyina abdanne, inni garuu nu irraa fagoo dha.
12 Sababiin isaas, yakki keenya si duratti hedduu dha;+Cubbuun keenya hundis nu irratti ragaa baʼa.+
Yakki keenya nuu wajjin jira;Balleessaa keenyas akka gaariitti beekna.+
13 Yakka raawwanneerra, Yihowaas ganneerra;Waaqa keenya irraa garagalleerra.
Waaʼee cunqursaa fi waaʼee yakkaa dubbanneerra;+Soba ulfoofneerra, garaadhaas waaʼee dubbii sobaa gungumneerra.+
14 Haqni duubatti deebifameera,+Qajeelummaanis fagoo dhaabbata;+Sababiin isaas, dhugaan addabaabayii keessatti gufateera,Wanti qajeelaanis seenuu hin dandeenye.
15 Dhugaan badeera,+Namni hammina irraa goru kam iyyuu saamameera.
Yihowaan kana ni arge, ni gaddes,*Sababiin isaas, haqni hin jiru ture.+
16 Inni namni tokko illee akka hin jirre ni arge,Namni araarsu tokko illee dhabamuun isaa isa ajaaʼibsiise,Kanaafuu, irreen isaa fayyina* fide,Qajeelummaan isaas isa deggere.
17 Achiis inni akkuma kootii sibiilaatti qajeelummaa ni uffate,Baarmeexaa sibiilaa fayyinaas* mataa irra ni kaaʼate.+
Uffata haaloo baʼuu akkuma uffata isaatti ni uffate,+Hinaaffaas akkuma kootiitti* ofitti ni mare.
18 Inni wanta isaan raawwataniif gatii isaanii isaaniif ni kenna:+
Amajaajota isaatti dheekkamsa, diinota isaattis adaba fida.+
Odolawwaniifis gatii isaanii ni kenna.
19 Inni akkuma laga isa guuteIsa hafuurri Yihowaa oofutti waan ol seenuuf,Dhiha biiftuu irraa maqaa Yihowaa,Baha biiftuu irraas ulfina isaa ni sodaatu.
20 “Inni furu+ gara Xiyoon,Gara warra Yaaqoob keessa jiranii fi yakka irraa deebiʼanii+ ni dhufa”+ jedha Yihowaan.
21 “Gama kootiin, kakuun isaanii wajjin gale kana dha”+ jedha Yihowaan. “Ammaa jalqabee bara baraaf, hafuurri koo inni si irra jiruu fi dubbiin koo inni ani afaan kee keessa kaaʼe, afaan kee, afaan ijoollee* keetii yookiin afaan ijoollee ijoollee* keetii keessaa hin badu” jedha Yihowaan.
Miiljaleewwan
^ Kal., “ulfaatee.”
^ Ykn., “duwwaa taʼetti.”
^ Kal., “ija isaa durattis hamaa ture.”
^ Ykn., “injifannoo isaaf.”
^ Ykn., “qolootti.”
^ Ykn., “injifannoos.”
^ Kal., “sanyii.”
^ Kal., “sanyii sanyii.”
