Odeeffannoo Daawwannaa
Daawwachuuf dhufuu kee dura beellama qabsiisuu qabdaa? Eeyyee. Namni baayʼatee iddoon akka hin dhiphannee fi namoonni hundi daawwannaa isaaniitti akka gammadaniif, warri daawwannaadhaaf dhufuu barbaadan hundi baayʼinni isaanii hammamiyyuu yoo taʼe, dursanii beellama akka qabsiisan gaafanna.
Namni dursee beellama hin qabsiisne daawwachuu ni dandaʼaa? Daawwachuuf dursitee beellama hin qabsiisne yoo taʼe, si daawwachiisuu dhiisuu dandeenya. Bakki qabnu muraasa waan taʼeef guyyaa tokko keessatti namoota murtaaʼan qofatu daawwachuu dandaʼa.
Daawwannaa keetiif saʼaatii meeqatti gaʼuu qabda? Namni baayʼatee iddoon akka hin dhiphanneef, maaloo yeroon daawwachuuf beellama qabatte gaʼuu isaa dura daqiiqaa 15 ol dursitee hin dhufin.
Daawwachuuf beellama qabsiisuu kan dandeessu akkamitti? Liinkii “Daawwachuuf Beellama Qabsiisi” jedhu tuqi.
Beellama qabsiiste jijjiiruu ykn haquu ni dandeessaa? Eeyyee. Liinkii “Beellama Kee Ilaali ykn Jijjiiri” jedhu tuqi.
Guyyaan ati daawwachuuf filatte qabamaa yoo taʼe hoo? Beellamni daawwannaa tokko tokko yeroo jijjiiraman ykn yeroo haqaman iddoon jiraachuu waan dandaʼuuf, weebsaayiticha irra deddeebiʼii ilaali.
Daawwachuuf Beellama Qabsiisi
Beellama Kee Ilaali ykn Jijjiiri
Birooshura Daawwannaa Buufadhu
Agarsiisa
Daawwannaa ofiin daawwatamu dabalatee agarsiisawwan lama daawwachuu dandeessa. Agarsiisni tokko hojii lallabaa waggaa 100 duraa kaasee hanga harʼaatti Yuukreen keessatti hojjetamaa jiru argisiisa. Agarsiisni kun ariʼatama yeroo Yuukreen kutaa Tokkummaa Sooviyeet turtetti Dhugaa Baatota Yihowaarra gaʼaa turee fi obboloonni kumaan lakkaaʼaman gara Saayibeeriyaatti kan geeffaman akkamitti akka taʼe ibsa. Agarsiisni kan biraanimmoo Kitaabota Qulqulluu salphaatti hin argamne kan argisiisu yeroo taʼu, maqaan Waaqayyoo hiikawwan Kitaaba Qulqulluu Afaan Raashiyaa fi Afaan Yuukreen keessaa utuu hin baafamin kan ture akkamitti akka taʼe argisiisa. Daawwattoonni ofiin daawwachuu fi wiirtuu keessummootaatti nyaataa fi dhugaatii salphaa argachuu dandaʼu.
Teessoo fi Lakkoofsa Bilbilaa
вул. Львівська, 64
79491 ЛЬВІВ-БРЮХОВИЧІ
УКРАЇНА
Lvivska Street 64
79491 LVIV-BRIUKHOVYCHI
UKRAINE
+380 32 240 92 00
Kallattiisaa Ilaali
