Daawwachuuf dhufuu kee dura beellama qabsiisuu qabdaa? Eeyyee. Namni baayʼatee iddoon akka hin dhiphannee fi namoonni hundi daawwannaa isaaniitti akka gammadaniif, warri daawwannaadhaaf dhufuu barbaadan hundi baayʼinni isaanii hammamiyyuu yoo taʼe, dursanii beellama akka qabsiisan gaafanna. Maaloo yoo xinnaate torban tokko dursii beellama qabsiisi. Guyyoota sanbataa ykn saʼaatii hojii booda daawwannaan hin jiru.

Namni dursee beellama hin qabsiisne daawwachuu ni dandaʼaa? Daawwachuuf dursitee beellama hin qabsiisne yoo taʼe, si daawwachiisuu dhiisuu dandeenya. Bakki qabnu muraasa waan taʼeef guyyaa tokko keessatti namoota murtaaʼan qofatu daawwachuu dandaʼa.

Daawwannaa keetiif saʼaatii meeqatti gaʼuu qabda? Namni baayʼatee iddoon akka hin dhiphanneef, maaloo yeroon daawwachuuf beellama qabatte gaʼuu isaa dura daqiiqaa 30 ol dursitee hin dhufin.

Daawwachuuf beellama qabsiisuu kan dandeessu akkamitti? Gareen waliin daawwattu namoota 20 gadi yoo taʼe liinkii “Daawwachuuf Beellama Qabsiisi—Namoota 20 Gadi” jedhu tuqi. Yookiin liinkii “Daawwachuuf Beellama Qabsiisi—Namoota 20 ykn Isaa Ol” jedhu tuqi.

Beellama qabsiiste jijjiiruu ykn haquu ni dandeessaa? Eeyyee. Liinkii “Beellama Kee Ilaali ykn Jijjiiri” jedhu tuqi.

Guyyaan ati daawwachuuf filatte qabamaa yoo taʼe hoo? Beellamni daawwannaa tokko tokko yeroo jijjiiraman ykn yeroo haqaman iddoon jiraachuu waan dandaʼuuf, weebsaayiticha irra deddeebiʼii ilaali.

Beelada fidnee dhufuu dandeenyaa? Lakki. Beelada fidanii dhufuun mooraa Beetel keessatti hin heyyamamu; haa taʼu malee, beeladoota leenjiʼanii tajaajila kennan garuu fidanii dhufuun ni dandaʼama.

Via della Bufalotta 1281

I-00138 ROMA RM

ITALIA – ITALY

+39 06 872941