Ayyaana Yaadannoo Duʼa Yesuus
Sanbadduraa, Ebla 12, 2025 (Ebla 4, 2017)
Dhugaa Baatonni Yihowaa ajaja Yesuus, “Kana yeroo hundumaa yaadannoo kootiif godhaa” jechuudhaan kennerratti hundaaʼuudhaan waggaatti al tokko ayyaana yaadannoo duʼa Yesuus ni kabaju.—Luqaas 22:19.
Ayyaana kanarratti akka argamtan kabajaan isin affeerra.
Gaaffilee Yeroo Baayʼee Gaafataman
Sagantichi hangam dheerata?
Gara saʼaatii tokkoo fudhata.
Eessatti kabajama?
Naannoo keessanitti eessatti akka kabajamu beekuuf Dhugaa Baatota Yihowaa gaafadhaa.
Sagantaa kanarratti argamuun kaffaltii gaafataa?
Lakki.
Qodaan buusii ni naanneffamaa?
Lakki.
Uffata akkamiin uffachuu qaba?
Sagantaa kanarratti argamuuf akkaataa uffannaa taʼe tokko hordofuun dirqama taʼuu baatus, Dhugaa Baatonni Yihowaa gorsa Kitaabni Qulqulluun karaa kabaja qabuu fi hubannaadhaan akka uffannu kennu hojiirra oolchu. (1 Ximotewos 2:9) Uffata gatii miʼaa ykn adda taʼe uffachuun isin hin barbaachisu.
Ayyaana Yaadannoo kanarratti maaltu raawwatama?
Sagantichi kan jalqabamus taʼe kan xumuramu faarfannaadhaani, akkasumas jalqabaa fi dhumarratti tajaajilaan Dhugaa Baatuu Yihowaa taʼe tokko kadhannaa dhiheessa. Ayyaana kanarratti haasaan Kitaaba Qulqulluurratti hundaaʼee dhihaatu barbaachisummaa duʼa Yesuusii fi wanta Waaqayyoo fi Kiristoos nuu godhanirraa akkamitti fayyadamuu akka dandeenyu ibsa.
Odeeffannoo dabalataa argachuuf mata duree, “Dhugaa Baatonni Yihowaa Irbaata Gooftaa Karaa Amantiiwwan Kaan Irraa Adda Taʼeen kan Kabajan Maaliifi?” jedhu ilaali.
Ayyaanni Yaadannoo ittaanu yoom kabajama?
2025: Sanbadduraa, Ebla 12 (Ebla 4, 2017)
2026: Kamisa, Ebla 2 (Bitootessa 24, 2018)
Kanneen Armaan Gadiis ni Jaallatta Taʼa
AYYAANA YAADANNOO
Duʼa Yesuus Yaadadhaa
Ayyaana adda taʼe kana irratti akka argamtu si afeerra. Jireenyii fi duuti Yesuus dhuunfaatti kan si fayyadu akkamitti akka taʼe baradhu.
ESSENTIAL BIBLE TEACHINGS
Yesuus kan Duʼe Maaliifi?
Kitaabni Qulqulluun duuti Yesuus baayʼee barbaachisaa akka taʼe dubbata. Duuti isaa kaayyoo qaba turee?