DIRA SOHLE BODIREDING | OKETŠA LETHABO LA GAGO TŠHEMONG
Diriša Didirišwa tša Rena tša go Dira Nyakišišo
Jehofa o re nea didirišwa tšeo di re thušago gore re rute ka bokgoni, tša go swana le dibidio, dipampišana, dimakasine, diporoutšha, dipuku le sedirišwa sa rena se segolo e lego Beibele. (2Ti 3:16) O re nea le didirišwa tšeo di ka re thušago go hlalosa Mangwalo. Tše dingwe tša didirišwa tšeo ke Watchtower Library, JW Library® app, LAEPRARI YA INTHANETENG le Tlhahlo ya go Dira Nyakišišo ya Dihlatse tša Jehofa.
Ge o diriša didirišwa ka moka tšeo re nago le tšona tša go epa matlotlo a ka Beibeleng, o tlo thaba. Kgonthišetša gore o ruta barutwana ba gago go diriša didirišwa tše. Le bona ba tlo thaba kudu ge ba ikhweletša dikarabo tša dipotšišo tšeo ba bego ba na le tšona ka Beibele.
BOGELANG BIDIO YA HWETŠA LETHABO MODIRONG WA GO DIRA BATHO BARUTIWA—AMOGELA THUŠO YA JEHOFA—DIDIRIŠWA TŠA GO DIRA NYAKIŠIŠO, KE MOKA LE ARABE DIPOTŠIŠO TŠE:
-
Jane o ile a reng ka tlholo?
-
Maki o ile a diriša sedirišwa sefe sa go dira nyakišišo?
-
Ge re hwetša matlotlo a ka Beibeleng e bile re botša ba bangwe ka ona, re a thaba
Maki o ile a kgetha bjang taba yeo e ka holago Jane?
-
Go diriša didirišwa tša rena tša go dira nyakišišo go ile gwa dira gore Maki a ikwe bjang?
