Segopotšo sa Lehu la Jesu

Mošupologo, March 22, 2027

Dihlatse tša Jehofa di gopola lehu la Jesu gatee ngwageng o mongwe le o mongwe go etša ge a laetše gore: “Dulang le dira se e le go nkgopola.”—Luka 22:19.

Re laletša wena le lapa la gago go ba gona tiragalong ye.

Dipotšišo Tšeo di Botšišwago Kudu

Go ka tla bomang?

Motho yo mongwe le yo mongwe a ka tla. O ka lokologa go tla le bagwera ba gago goba ba lapa.

Seboka se se tlo tšea nako e kaakang?

Se tlo tšea mo e ka bago iri e tee.

Se tlo swarwa kae?

Boledišana le yo mongwe wa Dihlatse tša Jehofa e le gore o hwetše lefelo la kgauswi le mo o dulago gona.

Na o swanetše go patela gore o be gona?

Aowa.

Na go ntšhiwa dikoleke?

Aowa. Dibokeng tša Dihlatse tša Jehofa ga go ntšhiwe dikoleke.—Mateo 10:8.

Na go na le tsela yeo re swanetšego go apara ka yona?

Aowa. Le ga go le bjalo, Dihlatse tša Jehofa di leka go apara ka tsela yeo e bontšhago hlompho bakeng sa tiragalo ye e kgethwa.

Go tlo direga eng Segopotšong?

Go tlo ba le polelo yeo e tlago go re botša ka bohlokwa bja lehu la Jesu le gore re ka holwa bjang ke seo Modimo le Kriste ba re diretšego sona. Seboka se se tlo thoma le go tswalelwa ka kopelo le thapelo.

Ge o nyaka go tseba ka mo go oketšegilego, bala sehlogo seo se rego: “Go Reng Dihlatse tša Jehofa di Swara Selalelo sa Morena go Fapana le Dikereke tše Dingwe?”

Segopotšo se tlo swarwa neng mengwageng e tlago?

2027: Mošupologo, March 22

2028: Sontaga, April 9

2029: Labone, March 29

Dihlatse tša Jehofa