• Die 17:24—Ke ka tsela efe “mahlo a setlaela a dula a lebelela kua le kua go fihla mafelelong a lefase”? (it-1-E 790 ¶2)

  Karabo

• Ke dintlha dife tšeo o ka re anegelago tšona tšeo o di hweditšego mmalong wa Beibele wa beke ye?

  Karabo

E le gore le kgone go ba le lapa le le thabilego, le swanetše go boledišana gabotse. Ge batho ka moka ka lapeng ba boledišana gabotse, ba ka kgona go šomišana le go thekgana ge go na le mathata. (Die 15:22) O ka dira eng gore batho ba bangwe ka lapeng ba ikwe ba lokologile go bolela ka tsela yeo ba ikwago ka yona le dilo tšeo ba di naganago?

Fetšang nako le le mmogo. (Doi 6:6, 7) Batho ka moka ka lapeng ba tlo ratana kudu le go tshepana ge ba dira mešomo ya ka gae, ba ya dibokeng, tšhemong le go ithabiša ba le mmogo. Ebile ba kgona go ba le nako e ntšhi ya go boledišana. Ka dinako tše dingwe, o ka swanelwa ke go dira dilo tšeo o sa ratego go di dira mola ba bangwe ka lapeng ba rata go di dira. Ge o ka ikemišetša go di dira o tlo thaba! (Fil 2:3, 4) Le ka diriša bjang nako ya lena ka bohlale ge le le mmogo?—Ef 5:15, 16.

Bapala BIDIO ya O ka Dira’ng Gore go be le Khutšo ka Lapeng la Gago?—Boledišanang Gabotse. Ke moka o botšiše batheetši gore:

• Di dirišwa tša elektroniki di ka senya bjang tsela yeo lapa le boledišanago ka yona ge e ba di sa dirišwe gabotse?

  Karabo

• Ke’ng se sengwe seo o ithutilego sona ka go boledišana mo bidiong ye?

  Karabo

Eba motheetši yo botse. (Jak 1:19) Bana ba ikwa ba lokologile go bolela ka tsela yeo ba ikwago ka yona ge e ba ba sa tšhabe gore batswadi ba bona ba tlo ba kwatela le go ba ahlola. O se ke wa kwata ge e ba ngwana wa gago a bolela ka selo seo o bego o sa nagane gore a ka bolela ka sona. (Die 17:27) Go e na le moo ge o mo theetša mmontšhe gore o mo kwela bohloko. Leka go kwešiša gore o nagana bjang le gore o ikwa bjang e le gore o tle o kgone go mo thuša ka tsela e lerato.