April 1-7
DIPSALME 23-25
Kopelo 4 le Thapelo | Mantšu a go Bula (1 mots.)
1. “Jehofa ke Modiši wa ka”
(10 mets.)
Jehofa o a re hlahla (Ps 23:1-3; w11 5/1 31 ¶3)
Jehofa o a re šireletša (Ps 23:4; w11 5/1 31 ¶4)
Jehofa o a re fepa (Ps 23:5; w11 5/1 31 ¶5)
Jehofa o hlokomela bahlanka ba gagwe go no swana le ge modiši yo lerato a hlokomela dinku tša gagwe.
IPOTŠIŠE GORE, ‘Jehofa o bontšhitše bjang gore o a ntlhokomela?’
2. Matlotlo a ka Beibeleng
(10 mets.)
Ps 23:3—‘Ditsela tša toko’ ke eng, gona ke eng seo se tlago go re thuša gore re se ke ra aroga go tšona? (w11 2/15 24 ¶1-3)
Ke dintlha dife tšeo o ka re anegelago tšona tšeo o di hweditšego mmalong wa Beibele wa beke ye?
3. Mmalo wa Beibele
(4 mets.) Ps 23:1–24:10 (th thuto 5)
4. Go Thoma Poledišano
(3 mets.) GO NEA BOHLATSE BJO BO SA RULAGANYETŠWAGO. Diriša Beibele go kgothatša motho yo a tshwenyegilego ka gore batho ba senya lefase. (lmd thuto 2 ntlha 5)
5. Go Dira Maeto a go Boela
(4 mets.) KA NTLO LE NTLO. Bontšha motho yo a amogetšego poroutšha ya O ka Thabela Bophelo go ya go Ile! gore thuto ya Beibele e swarwa bjang. (lmd thuto 9 ntlha 3)
6. Go Dira Barutiwa
(5 mets.) lff thuto 14 ntlha 4 (lmd thuto 11 ntlha 3)
Kopelo 54
7. Re Gana go Theetša “Lentšu la Bašele”
(15 mets.) Poledišano.
Dinku di latela modiši wa tšona ka gobane di tseba lentšu la gagwe. Eupša ge di ekwa lentšu la motho o šele di a tšhaba. (Joh 10:5) Ka mo go swanago, le rena re theetša lentšu la Jehofa le la Jesu, e lego Badiši ba rena ba moya bao ba tshepegago le go ba le lerato. (Ps 23:1; Joh 10:11) Eupša re gana mantšu a batho ba šele bao ba nyakago go fokodiša tumelo ya rena ka go bolela “mantšu a bofora.”—2Pe 2:1, 3.
Genesi kgaolo 3 e re botša kamoo lentšu la motho o šele le ilego la kwewa la mathomo mo lefaseng. Sathane o ile a bolela le Efa a diriša noga gore Efa a se ke a tseba gore o bolela le mang. Sathane o ile a itira e ka ke mogwera wa Efa. O ile a fetoša seo Jehofa a se boletšego a ba a bolela maaka ka maikemišetšo a Modimo. Sa go nyamiša ke gore Efa o ile a mo theetša, gomme seo sa dira gore yena le lapa la gagwe ba tlaišege.
Lehono Sathane o leka go re dira gore re se ke ra tshepa Jehofa le mokgatlo wa gagwe ka go phatlalatša ditaba tša go se kgahliše, nnete e sa felelago le maaka a matala ka Jehofa le mokgatlo wa gagwe. Ge re e kwa lentšu la yo šele, re swanetše go tšhaba! Le go no theetša ganyenyane feela go kotsi. Ge Sathane a be a boledišana le Efa ka nako e kopana, ga se a diriša mantšu a mantšhi go mo aroša. (Ge 3:1, 4, 5) Re tlo dira eng ge motho yo re mo tsebago, yo a re ratago e bile a na le maikemišetšo a mabotse a nyaka go re botša dilo tše di sa kgahlišego ka mokgatlo wa Jehofa?
Bapala BIDIO ya Gana go Theetša “Lentšu la Bašele.” Ke moka o botšiše batheetši gore:
Tsela yeo Jane a ilego a araba mmagwe yo a sa hlankelego Jehofa ge a be a nyaka go mmotša dilo tše di ša kgahlišego ka mokgatlo wa Jehofa e go ruta eng?
8. Thuto ya Beibele ya Phuthego
(30 mets.) bt kgao. 8 ¶1-4, le mapokisi go matl. 61-62
