BOPHELO BJA BOKRISTE
Nka tla ka Tšea Neng Gape Bobulamadibogo bja go Thuša?
Pono ya Hesekiele ya tempele e bontšha gore batho ba Jehofa ba be ba tla nea Modimo dihlabelo ka go ithaopa. Rena re ka nea Modimo sehlabelo sa tumišo bjang?—Heb 13:15, 16.
Tsela e nngwe e botse ke ka go tšea bobulamadibogo bja go thuša. Ngwaga wa tirelo wa 2018 o na le dikgwedi tše mmalwa tšeo di nago le Mekibelo goba Disontaga tše hlano. Dikgwedi tše di ka thuša kudu bao ba šomago gare ga beke bao gantši ba yago tšhemong mafelobekeng. Go oketša moo, bagoeledi ba ka kgetha go šoma diiri tše 30 goba tše 50 kgweding ya March le ya April le kgweding ya ketelo ya molebeledi wa tikologo.
Go thwe’ng ge e ba maemo a rena a sa re dumelele go tšea bobulamadibogo bja go thuša? Re ka leka go kaonefatša bokgoni bja rena bja go ruta le go oketša diiri tšeo re di begago. Go sa šetšwe gore re tla kgona go tšea bobulamadibogo goba re ka se kgone, eka tsela yeo re ratago Jehofa ka yona e ka re tutueletša go dira sohle seo re ka se kgonago ngwageng wa tirelo wa 2018!—Hos 14:2.
Nka ekiša phišego ya Sabina Hernández bjang?
BOGELANG BIDIO YEO E REGO, JEHOFA O NTHUŠA GORE KE KGONE GO DIRA MO E KA BAGO SELO LE GE E LE SEFE, GOMME LE ARABENG DIPOTŠIŠO TŠE DI LATELAGO:
-
Sabina o thušwa ke eng gore a dire sohle seo a ka se kgonago ge a hlankela Jehofa?
-
Mohlala wa Sabina o go kgothatša bjang?
-
Ngwageng wa tirelo wa 2018, ke kgwedi goba dikgwedi dife tšeo o ka tšeago bobulamadibogo bja go thuša?
