1. Tatago rena Jehofa

O hlotše legohle.

Ke mong wa tšohle lefaseng,

Ee, o di bopile.

O re neile bophelo

A ba a re ruta.

Ruri o swanelwa ke theto

Le gore a rapelwe.

2. Jesu o phethile toko

Ka go kolobetšwa.

A rapelela go dira

Thato ya Modimo.

A re go tšwa Jorodane

Bjalo ka Motlotšwa,

A dula a ekwa Modimo

E le wa go botega.

3. Re tla go wena Jehofa

Gore re go rete.

Re ineela go wena

Ka boipoetšo.

Re go gafela dipelo,

Maphelo a rena.

Ga re sa hlwa re iphelela,

Re tla phelela wena.