Na ke a Swanelega?
Na ke Swanelega go ya Tšhemong le Phuthego?
O ka swanelega go ba mogoeledi yo a sa kolobetšwago ge e ba o dira dilo tše di latelago:
O ithuta Beibele ka mehla, o rapela, e bile o eba gona dibokeng ka mehla.
O rata dilo tšeo o ithutago tšona le go di tshepa, e bile o nyaka go di botša batho ba bangwe.
O rata Jehofa e bile o kgetha bagwera bao ba mo ratago.
O ngwaletše kereke yeo o bego o e tsena lengwalo goba mokgatlo le ge e le ofe wa dipolotiki, go ba botša gore ga o sa le yo mongwe wa bona.
O phela ka melao ya Jehofa e bile o nyaka go ba Hlatse ya Jehofa.
Ge e ba o bona gore o swanelega go ya tšhemong le phuthego, botša motho yo o ithutago le yena Beibele gomme yena o tla botša bagolo gore ba tle ba boledišane le wena go bona ge e ba o swanelega.
Na ke Swanelega go Kolobetšwa?
O ka swanelega go kolobetšwa ge e ba o dira dilo tše di latelago:
O le mogoeledi yo a sa kolobetšwago.
O fetša nako e ntšinyana o eya tšhemong.
O thekga “mohlanka yo a botegago le wa temogo” e bile o ekwa ditaelo tšeo a re neago tšona.—Mateo 24:45-47.
O ineetše go Jehofa ka go mo rapela gomme o mo tshepišitše gore o tla mo hlankela go ya go ile.
Ge e ba o bona gore o swanelega go kolobetšwa, botša motho yo o ithutago le yena Beibele gomme yena o tla botša bagolo gore ba tle ba boledišane le wena go bona ge e ba o swanelega.
