KA 1956, bana babo rena ba kua Freetown ba ile ba bontšha batho filimi ya The New World Society in Action. Ba begile gore:

“Re ile ra hira holo e kgolo go di feta ka moka Freetown gomme ra aba ditaletšo tše 1 000. Re be re ipotšiša gore go be go tla tla batho ba bakae. Ge go šetše seripa sa iri gore filimi e thome, go be go fihlile batho ba 25 feela. Ka morago ga metsotso e 15, gwa tla ba bangwe ba 100. Go se go ye kae ke ge ditulo ka moka tše 500 di tletše ka batho. Ba bangwe ba lekgolo ba ile ba se be le bothata bja go ema ka maoto. Ba bangwe ba 500 ba ile ba ema ka ntle ka ge go be go tletše. Na ba be ba tla leta go fihlela sehlopha sa pele se feditše go e bogela? Ba ile ba re: ‘Ee!’ Ka gona ba ile ba leta gaešita le ge pula e be e tšhologa!”

Go theoša le nywaga, batho ba ka godimo ga 80 000 nageng ka moka ya Sierra Leone ba ile ba tla go bogela filimi ye le tše dingwe tše di kgahlišago.