KA 2013, phuthego ya gabo rena e nyenyane ya kua Tugala Oyo e ile ya tsebišwa ditaba tše di kgahlišago tša gore re tlo agelwa Holo e mpsha ya Mmušo! Balaodi ba moo ba mmušo ba ile ba dumelela modiro wa go aga gore o tšwele pele, gomme baagišani ba rena ba 60 ba ba tlatša ka go saena kgopelo yeo ya go aga. Moagišani yo mongwe wa rena o ile a re botša gore: “Le ge le ka re le nyaka go saena batho ba 200, ba tla saena.”

Baithaopi ba babedi bao ba nago le phihlelo ya go aga Diholo tša Mmušo ba ile ba tla go tlo etelela pele modiro wa go aga holo yeo e mpsha, gomme modiro woo wa fela ka November 2014. Re be re sa lore gore ka letšatši le lengwe phuthego ya gabo rena e ka tsoga e bile le lefelo le lebotse ka tsela ye la go rapela Modimo. Ruri Jehofa o re šegofaditše go feta kamoo re bego re nagana ka gona!