Mohlala—Mohlologadi wa Modiidi

Jesu o lebeletše bahumi ge ba lahlela meneelo ka bobolokelong bja matlotlo bja tempeleng. Gare ga lešaba o bona mohlologadi wa mohloki yo a neelago “ditšheletiana tša tšhipi tše pedi tša theko e nyenyane kudu.” (Luka 21:2) Jesu o a mo reta ka baka la go nea ga gagwe ka seatla se se bulegilego. Ka baka la’ng? Ka gobane ba bangwe ba neetše “ba ntšha go tše di ba tlaletšego, eupša yena bohloking bja gagwe, o lahletše sohle seo a bego a na le sona, sohle se a iphedišago ka sona.”—Mareka 12:44.

Na le wena go na le dilo tše di swanago tšeo o di etišago pele go etša mosadi yo? Na o ikemišeditše go diriša nako ya gago le tšhelete go hlankeleng Modimo? Go swana le mohlologadi yo wa mohloki, le wena o ka ntšha moneelo gore go hlokomelwe mafelo a borapedi. Le gona o ka diriša nako ya gago le tšhelete go thuša ba bangwe gore ba ithute ka Jehofa Modimo. Jehofa o ile a lemoga le go leboga tšheletiana yeo mohlologadi yoo a e ntšhitšego go thekga modiro wa gagwe. Le wena Modimo o tla go leboga le go go thuša ge e ba o etiša pele go dira thato ya gagwe.—Mateo 6:33.