Bakeng sa Bafsa

Lwela Borapedi bja Therešo!

Ditaelo: Dira mošomo wo lefelong le le homotšego. Ge o dutše o bala mangwalo, ipone o le karolo ya tiragalo yeo. Bona tiragalo. Ekwa mantšu. Ikwe kamoo baanegwathwadi ba ikwago ka gona. Dira gore taba e phele.

Baanegwathwadi: Eliya, Ahaba le baporofeta ba Baali ba e ka bago ba 450

Kakaretšo: Eliya o hlatsela gore Jehofa o phagametše Baali.

1 SEKASEKA TIRAGALO YE.—BALA 1 DIKGOŠI 18:17-40.

Letlakaleng la ka thoko, thala seswantšho seo se bontšhago moo o naganago gore Eliya o eme gona, moo go emego baporofeta ba Baali le moo go lego dialetare.

O “kwa” medumo efe nakong ya modubaduba wo o hlaloswago go ditemana 26 go ya go 29?

․․․․․

Ke maikwelo afe ao o a kwago lentšung la Eliya ge a bolela le baporofeta ba Baali?

․․․․․

2 NYAKIŠIŠA.

Ke ka baka la’ng go be go nyakega gore Eliya a be le sebete sa go yo bolela le Ahaba le go ya go dira pontšho yeo e bego e tla goboša baporofeta ba Baali ba makgolo? (Go go thuša go hwetša karabo: Bala 1 Dikgoši 18:4, 13, 14.)

․․․․․

O diriša dilo tšeo o nago le tšona tša go dira nyakišišo, nyakišiša selo se itšego ka borapedi bja Baali. Ka mohlala, ke ditirelo le mekgwa efe yeo e bego e tswalanywa le bjona? Borapedi bja Baali bo be bo na le tutuetšo e efe go Baisiraele?

․․․․․

 O nagana gore ke ka baka la’ng Eliya a ile a epa molete go dikologa aletare ya Jehofa gomme a laela gore o tlatšwe meetse?

․․․․․

3 DIRIŠA SEO O ITHUTILEGO SONA. NGWALA SEO O ITHUTILEGO SONA KA . . .

Sebete seo se nyakegago bakeng sa go lwela borapedi bja therešo.

․․․․․

Ditšhegofatšo tšeo di tlelago bao ba bontšhago sebete se bjalo.

․․․․․

DINTLHA TŠE OKETŠEGILEGO TŠE O KA DI DIRIŠAGO.

Ke maemong afe a bophelo moo o ka bontšhago sebete kutšwanyana ge o lwela borapedi bja therešo?

․․․․․

4 KE KAROLO EFE YA PEGO YE YEO O HWEDITŠEGO E LE E HOLAGO KUDU, GOMME KA BAKA LA’NG?

․․․․․

Ge e ba o se na Beibele, e kgopele go Dihlatse tša Jehofa, goba o bale dikgatišo tše dingwe tše theilwego Beibeleng go www.watchtower.org

[Lepokisi go letlakala 31]

Tsebišo ka Kopano ya Selete

Tsebišo mabapi le matšatšikgwedi le mafelo a dikopano tša selete tša ngwaga le ngwaga e ka hwetšwa Wepesaeteng ya jw.org.