Mohlomongwe o šetše o lemogile gore keletšo yeo e lego ka makasineng wo e tšwa ka Beibeleng. Beibele e na le tlhahlo e di phalago tšohle, yeo e ka thušago yo mongwe le yo mongwe ka lapeng. Melao ya yona ya motheo e ka thuša motho gore a be le tlhaologanyo le go kgona go dira diphetho tše dibotse.—Diema 1:1-4.

BEIBELE GAPE E ARABA DIPOTŠIŠO TŠE BOHLOKWA TŠEO RE NAGO LE TŠONA, GO SWANA LE TŠE DI LATELAGO:

• Re phelela’ng?

• Na mathata ao a lego gona a bakilwe ke Modimo?

• Go direga’ng ka rena ge re ehwa?

Re kgopela gore o ithute Beibele gore o hwetše dikarabo tša dipotšišo tše le tše dingwe. Bogela bidio yeo e rego, Ke ka Baka la Eng o Swanetše go Ithuta Beibele? Eya go jw.org/nso.