Bakeng sa go Boeletšwa ke Lapa

Seswantšho se se Fošagetše Kae?

Bala Genesi 13:5-17. Bjale lebelela seswantšho se. Ke dilo dife tšeo di sego gona mo seswantšhong? Ngwala dikarabo tša gago methalading ye e lego ka mo tlase. Thala o kgomaganye dikhutlo gore o feleletše seswantšho gomme o se tsenye mebala.

1. ․․․․․

2. ․․․․․

[Seswantšho]

(Bona kgatišo)

BAKENG SA POLEDIŠANO:

Go ile gwa tsoga ntwa efe magareng ga Lota le Aborahama le magareng ga badiši ba mehlape ya bona? Le ge Aborahama e be e le yena hlogo ya lapa, o ile a dira khutšo bjang?

GO GO THUŠA GO HWETŠA KARABO: Bala Genesi 13:7-9.

Na Aborahama o ile a dula a swaretše Lota sekgopi?

GO GO THUŠA GO HWETŠA KARABO: Bala Genesi 14:12-16.

Aborahama o ile a putswa bjang ka baka la go ba le dika tše di kgahlišago Modimo?

GO GO THUŠA GO HWETŠA KARABO: Bala Genesi 13:14-17.

O ka bontšha bjang gore o modirakhutšo?

GO GO THUŠA GO HWETŠA KARABO: Bala 1 Bakorinthe 13:4, 5; Jakobo 3:13-18.

MODIRO WA LAPA:

Ka ntle le go bolela, setho se tee sa lapa se ka diragatša karolo ya ba bangwe ba bakgathatema ba ka Beibeleng bao go boletšwego ka bona ka mo godimo. Ditho tše dingwe ka moka tša lapa di swanetše go leka go akanyetša gore mokgathatema yoo ke mang.

 Di Kgoboketše Gomme o Ithute

E sege, e phuthe gomme o e boloke

KARATA YA BEIBELE 3 RUTHE

DIPOTŠIŠO

A. Feleletša mantšu a ao Ruthe a a boditšego Naomi: “Batho ba geno e . . . ”

B. Ke bjang Ruthe e lego mohlala o mobotse go bao ba hlokometšego bao ba babjago le batšofadi ?

C. Tlatša dikgoba tše. Ruthe o ile a nyalwa ke ․․․․․ gomme a ba makgolokhukhu wa ․․․․․ le ․․․․․.

[Tšhate]

4026 B.C.E. 1 C.E. 98 C.E.

Adama o a bopša O phetše mo e Puku ya mafelelo

ka bago ka bo-1200 B.C.E. ya Beibele e a ngwalwa

[Mmapa]

O hudugile Moaba a ya Betlelehema

MOABA

Betlelehema

RUTHE

KANEGELO YA BOPHELO BJA GAGWE

Mohlologadi yo a botegago wa Momoaba yo a ilego a thekga mmatswalagwe yo a tšofetšego, Naomi. Lerato la Ruthe go Naomi le go ikemišetša ga gagwe go rapela Jehofa go ile gwa mo nea matla a go tlogela naga ya gabo gomme a ye Betlelehema. Ba bangwe ba boditše Naomi gore: “Ngwetši ya gago . . . wena o e [rata] go feta barwa ba šupago.”—Ruthe 4:14, 15.

DIKARABO

A. “. . . tla ba ba gešo, gomme Modimo wa gago ya ba Modimo wa ka.”—Ruthe 1:16.

B. Ruthe o bontšhitše gore o na le moya wa boikgafo e bile ke seroto.—Ruthe 2:7, 10-12, 17; 3:11.

C. Boase, Kgoši Dafida, Jesu Kriste.—Mateo 1:5, 6, 16.

KARATA YA BEIBELE 4 ESITERE

DIPOTŠIŠO

A. Esitere o tšeetše kgošigadi efe legato?

B. Feleletša mantšu a a Beibele: “Nakong ye ka moka Esitere o be a . . .”

C. Tlatša dikgoba tše. Leina la Seheberu la Esitere e be e le ․․․․․, gomme kgaetšedi ya gagwe ․․․․․ e bile mohlokomedi wa gagwe.

[Tšhate]

4026 B.C.E. 1 C.E. 98 C.E.

Adama o a bopša O phetše mo e Puku ya mafelelo

ka bago ka bo-400 B.C.E. ya Beibele e a ngwalwa

[Mmapa]

Esitere o dutše Shushani, motse wa Mmušo wa Bameda le Baperesia

MEDIA

Shushani

PERESIA

ESITERE

KANEGELO YA BOPHELO BJA GAGWE

Tšhiololo yeo e ilego ya ba kgošigadi ya Kgoši ya Peresia e lego Ahasiwerosi. Esitere o ile a bea bophelo bja gagwe kotsing ka go bega leano leo le diretšwego go fediša Bajuda. (Esitere 4:11, 15, 16) Sebete sa gagwe, temogo le go ikokobetša ga gagwe di ile tša ba bohlokwa kudu go feta go bogega ga gagwe.—Esitere 2:7; 1 Petro 3:1-5.

DIKARABO

A. Wasithi.—Esitere 1:12; 2:16, 17.

B. “. . . kgahla bohle bao ba bego ba mmona.”—Esitere 2:15.

C. Hadasa (yeo e rago gore Mehlakolane), Morodekai—Esitere 2:7.

 Di Kgoboketše Gomme o Ithute

E sege, e phuthe gomme o e boloke

KARATA YA BEIBELE 5 ABORAHAMA

DIPOTŠIŠO

A. Aborahama o be a na le nywaga e mekae ge Isaka morwa’gwe a be a belegwa?

B. Ke’ng seo Jehofa a ilego a se holofetša Aborahama?

C. Tlatša sekgoba se. Ka baka la tumelo le mediro ya gagwe e megolo, Aborahama o ile a bitšwa ․․․․․.

[Tšhate]

4026 B.C.E. 1 C.E. 98 C.E.

Adama o a bopša O phetše mo e Puku ya mafelelo

ka bago ka bo-1900 B.C.E. ya Beibele e a ngwalwa

[Mmapa]

O ile a tloga Uri gomme a ya Kanana

Uri

Harane

KANANA

ABORAHAMA

KANEGELO YA BOPHELO BJA GAGWE

Monna yo a botegago yo a ilego a tlogela motse o humilego wa Uri e le gore a phethagatše thato ya Jehofa, le ge a be a sa tsebe gore o ya go dula kae. (Baheberu 11:8-10) Ka mehla o be a ruta ba lapa la gagwe gore “ba lote tsela ya Jehofa ya gore ba phethe toko.” (Genesi 18:19) Beibele e mmitša “tatago bohle bao ba nago le tumelo.”—Baroma 4:11.

DIKARABO

A. O be a na le nywaga e lekgolo.—Genesi 21:5.

B. Ditšhaba tšohle di tla šegofatšwa ka peu ya gagwe.—Genesi 22:16-18.

C. “Mogwera wa Jehofa.”—Jakobo 2:21-24.

KARATA YA BEIBELE 6 ABELE

DIPOTŠIŠO

A. Abele o bolailwe ke mang?

B. Jehofa o ile a lebelela bjang Abele le sehlabelo sa gagwe?

C. Tlatša sekgoba se. Abele o be a šoma e le ․․․․․.

[Tšhate]

4026 B.C.E. 1 C.E. 98 C.E.

Adama o a bopša O phetše mo e ka Puku ya mafelelo

bago ka bo-3900 B.C.E. ya Beibele e a ngwalwa

[Mmapa]

O phetše ka ntle ga tšhemo ya Edene

Na ke Tšhemo ya Edene?

ABELE

KANEGELO YA BOPHELO BJA GAGWE

Morwa wa bobedi wa Adama le Efa e bile ke monna wa mathomo wa tumelo yo a bontšhitšwego ka Beibeleng. Abele o ile a bontšha gore o nyaka go amogelwa ke Modimo ka go dira sehlabelo seo se amogelegago. Le ge Beibele e sa bolele ka selo le ge e le sefe seo Abele a ilego a se bolela, mohlala le tumelo ya gagwe di re beetše mohlala o mobotse.—Genesi 4:1-11; Baheberu 11:4.

DIKARABO

A. Ngwanabo Kaine.—1 Johane 3:11, 12.

B. “Ka lerato.”—Genesi 4:4.

C. Modiši.—Genesi 4:2.

● Dikarabo tša “Bakeng sa go Boeletšwa ke Lapa’ di go letlakala 29

DIKARABO TŠA LETLAKALA 21

1. Kgomo.

2. Nku.