Tlhohlo ya go Hlokomela Bana

Brithania ke naga e atlegilego kudu ya ka Bodikela. Lega go le bjalo, go akanyetšwa gore ngwaga o mongwe le o mongwe mo e ka bago bana ba gona ba fetago 100 000—gabedi go feta kamoo ba bantši ba bego ba nagana ka gona pele—ba tšhaba ka gae. Ka baka leo, o tee go ba 7 o tlaišwa ka bošoro le ditlhaselo tša kopano ya botona le botshadi.

Ian Sparks yo e lego molaodi-mogolo wa Mokgatlo wa Bana o bolela gore: “Ge bana ba ikwa gore ba arotšwe le go lahlwa, go tšhaba go ka bonagala e le mohuta wa tharollo. Taba ye e kgoma bana bao ba tšwago ditlogong ka moka—go bonagala bana gantši ba tšhaba mafelong a atlegilego go no swana le metseng e diilago.”

Ke boikarabelo bjo boima go hlokomela le go tlwaetša bana. Thušo e hwetšagala kae? Puku ya Sephiri sa Lethabo la Lapa e reretšwe go kgotsofatša senyakwa se. Dikgaolo tša yona tše 16 di akaretša: “Tlwaetša Ngwana wa Gago go Tloga Boseeng,” “Thuša Ngwana wa Gago yo a Lego Mahlalagading go Atlega” le “Šireletša Lapa la Gago Ditutuetšong tše di Senyago.” Dikgaolo ka moka tše 16 tšeo di lego ka pukung di hupere keletšo e šomago, gomme sa bohlokwa kudu e diriša Beibele e le mothopo wa bohlale bjo bo phagametšego bja rena kudu.

O ka kgopela kopi ya Sephiri sa Lethabo la Lapa ka go tlatša le go romela setlankana seo se sepelago le sehlogo se atereseng yeo e bontšhitšwego setlankaneng goba atereseng e swanetšego e lokeleditšwego go letlakala 5 la makasine wo.

□ Hle nthomeleng kopi ya puku ya Sephiri sa Lethabo la Lapa.

Bontšha gore ka leleme lefe.

□ Hle ikopanyeng le nna mabapi le thuto e sa lefelelwego ya legae ya Beibele.