Mika 2:1-13
2 “Bao ba logago maano a go dira dilo tše mpe,Le bao ba rerago go dira bobe ba le mepeteng ya bona, ba tlo welwa ke masetlapelo!
Ge letšatši le hlaba ba dira bobe bjoo,Ka gobane ba na le matla a go dira bjalo.
2 Ge ba nyaka mašemo ba a a tšea,Le gona ge ba rata dintlo ba a di tšea.Ba ropile monna gore ba hwetše ntlo ya gagweLe gore ba tšee bohwa bja gagwe.
3 Ka gona, Jehofa o re:
‘Ke loga maano a go dira batho bao dilo tše mpe tšeo ba ka se kgonego go di tšhabela.
Le ka se sa ikgogomoša, ka gobane ke nako ya masetlapelo.
4 Letšatšing leo batho ba tla bolela ka lena,E bile ba tla le llela gabohloko.
Ba tla re: “Go fedile ka rena!
Modimo o tšere bohwa bja rena a bo nea batho ba bangwe,
A tšea mašemo a rena a a nea setšhaba seo se sa botegego.”
5 Ka gona go ka se be le motho yo a arolelago batho ba Jehofa*Naga ka thapo ya go meta.
6 Eupša ba re: “Tlogelang go ruta!Le se ke la hlwa le sa bolela ka dilo tše.Re ka se ke ra gobošwa.”
7 Lena ba ntlo ya Jakobo le re:
“Na Jehofa o fela pelo?*
Na ruri o tla dira dilo tše?”
Na mantšu a ka ga a hole bao ba nkwago?
8 Matšatši a, batho ba ka ba iphetošitše manaba a ka.
Le apola bao ba fetago ka tsela ba sepela ka go itshepa seaparo le mokgabišo wa sona.Batho bao ba sepela go swana le banna bao ba fentšego ntweng.
9 Le rakile basadi ba setšhaba sa ka ka dintlong tšeo ba thabelago go dula go tšona.Le amogile bana ba bona dilo ka moka tše dibotse tšeo ke ba šegofaditšego ka tšona, e bile le di tšeetše sa ruri.
10 Emang le sepeleng, ka gobane le ga se lefelo la go khutša.
Ka baka la ge naga e šilafetše, e tlo senywa o šoro.
11 Ge e ba monna a dira dilo tša go hloka mohola, a le radia e bile a le botša maaka a re:
“Le tlo ba le beine e ntšhi le bjala,”
Gona le tlo mo amogela kapejana e le moporofeta wa lena.
12 Wena Jakobo, ke tla kgoboketša batho ba gago ka moka,Ruri ke tla kgoboketša gotee batho bao ba šetšego ba Isiraele.
Ke tla dira gore ba be le botee bjalo ka dinku ka lešakeng,Le bjalo ka mohlape mafulong a wona.Lefelong leo batho ba tla hlaba mašata.’
13 Yo a bulago lešoba lebotong o tla ba eta pele,Bona ba tla godiša lešoba leo ba sepela ba tšwa ka keiti.
Kgoši ya bona e tla ba eta pele ya tšwa,Le Jehofa a ba etile pele.”
Mengwalo ya tlase
^ Phetolelo ya lentšu ka lentšu e re, “phuthego ya Jehofa.”
^ Goba, “Na moya wa Jehofa o fela pelo?”
