Jona 2:1-10
2 Ke moka Jona a rapela Jehofa Modimo wa gagwe a le ka mpeng ya hlapi
2 a re:
“Jehofa ke go biditše ke le mathateng gomme wa nkaraba.
Ke be ke le kgauswi le go hwa, go le bjalo ka ge eka ke ka garegare ga Lebitla.*
Ka kgopela gore o nthuše gomme wena wa nkwa.
3 Ge o be o ntahlela ka tlasetlase ga lewatle,Ke ile ka dikologwa ke meetse a mantšhi,
Gomme ka khurumetšwa ke maphoto a gago a matla.
4 Ke moka ka re: ‘O nthaketše kgole le wena!
Tempele ya gago e kgethwa ke sa tlo e bona bjang?’
5 Ke nyakile go hwa ke kgangwa ke meetse,Ke nweletše ka tlasetlase lewatleng.
Ke tateditšwe ke malele mo hlogong.
6 Ke be ke nweletše tlasetlase moo dithaba di thomago gona.
Ka kwa eka ke šetše ke boloketšwe sa ruri ka lebitleng.
Bjale wena Jehofa Modimo wa ka wa mphološa lehung bjalo ka ge eka o nntšha ka lebitleng.
7 Ge ke be ke le kgauswi le go hwa, ke ile ka gopola Jehofa.
Ke moka a kwa thapelo ya ka a le tempeleng ya gagwe e kgethwa.
8 Bao ba rapelago medimo ya go se re selo, ba tlogetše Modimo yo a ba bontšhago lerato le le botegago.
9 Eupša nna ke tla go tumiša ka ba ka go direla sehlabelo.
Seo ke se ennego ke tla se phetha.
Jehofa ke wena feela o re phološago.”
10 Ke moka Jehofa a laela hlapi gore e hlatšetše Jona nageng, gomme ya dira bjalo.
Mengwalo ya tlase
^ Bona Tlhaloso ya Mantšu.
