Jesaya 12:1-6
12 Letšatšing leo o tla bolela o kgodišegile wa re:
“Ke a go leboga wena Jehofa,Ka gobane le ge o be o nkgalefetše kudu,Gona bjale ga o sa nkgalefetše e bile o a nkhomotša.
2 Modimo ke yena a mphološago.
Ke tla mo tshepa e bile nka se tšhoge selo.Ka gobane Jah,* yena Jehofa ke yena a mphago matla e bile ke yena a ntšhireletšago,Le gona ke yena a mphološago.”
3 Le tla ga meetse le thabileDinokaneng tša phološo.
4 Letšatšing leo le tla re:
“Lebogang Jehofa, bitšang leina la gagwe.Botšang batho ba ditšhaba tše dingwe dilo tšeo a di dirago.
Bolelang gore leina la gagwe le phagamišitšwe.
5 Opelelang Jehofa le mo tumiše, ka gobane o dirile dilo tše dikgolo kudu.
Anke batho ka moka lefaseng ba tsebišwe se.
6 Lena badudi ba Tsione, hlabang mekgolokwane le be le goeletše le thabile,Ka gobane Modimo yo mokgethwa wa Isiraele yo a lego gare ga lena ke yo mogolo.”
Mengwalo ya tlase
^ “Jah” ke tsela e kopana ya go bitša leina Jehofa.
