Esera 2:1-70
2 Ba ke batho bao ba bego ba dula profenseng yeo,* bao ba bego ba etšwa bothopša Babilona, bao Kgoši Nebukadinetsara wa kua Babilona a bego a ba thopile gomme ka morago ba boela Jerusalema le Juda. Yo mongwe le yo mongwe wa bona o ile a ya motseng wa gabo.
2 Baetapele ba bona e be e le Serubabele ke Jeshua, Nehemia, Seraya, Reelaya, Morodekai, Bilishana, Misipara, Bigifai, Rehuma le Baena.
Palo ya banna ba bangwe ba Baisiraele bao ba ilego ba boa ke ye:
3 Barwa* ba Paroshe e be e le ba 2 172 (dikete tše pedi-lekgolo-masomešupa-pedi).
4 Barwa ba Shefatia e be e le ba 372 (makgolotharo-masomešupa-pedi).
5 Barwa ba Eira e be e le ba 775 (makgološupa-masomešupa-hlano).
6 Barwa ba Pahathe-moaba, Jeshua le Joaba e be e le ba 2 812 (dikete tše pedi-makgoloseswai-lesomepedi).
7 Barwa ba Elama e be e le ba 1 254 (sekete-makgolopedi-masomehlano-nne).
8 Barwa ba Sathu e be e le ba 945 (makgolosenyane-masomenne-hlano).
9 Barwa ba Sakai e be e le ba 760 (makgološupa-masometshela).
10 Barwa ba Bani e be e le ba 642 (makgolotshela-masomenne-pedi).
11 Barwa ba Bebai e be e le ba 623 (makgolotshela-masomepedi-tharo).
12 Barwa ba Asikadi e be e le ba 1 222 (sekete-makgolopedi-masomepedi-pedi).
13 Barwa ba Adonikama e be e le ba 666 (makgolotshela-masometshela-tshela).
14 Barwa ba Bigifai e be e le ba 2 056 (dikete tše pedi-masomehlano-tshela).
15 Barwa ba Adine e be e le ba 454 (makgolonne-masomehlano-nne).
16 Barwa ba Atere wa leloko la Hesekia e be e le ba 98.
17 Barwa ba Betsai e be e le ba 323 (makgolotharo-masomepedi-tharo).
18 Barwa ba Jora e be e le ba 112 (lekgolo-lesomepedi).
19 Barwa ba Hashuma e be e le ba 223 (makgolopedi-masomepedi-tharo).
20 Barwa ba Gibara e be e le ba 95.
21 Batho ba Betlelehema e be e le ba 123 (lekgolo-masomepedi-tharo).
22 Banna bao ba tšwago Netofa e be e le ba 56.
23 Ba Anathothe e be e le ba 128 (lekgolo-masomepedi-seswai).
24 Banna ba Asimafete e be e le ba 42.
25 Banna ba Kiriathe-jearima, Kefira le Beerothe e be e le ba 743 (makgološupa-masomenne-tharo).
26 Banna ba Rama le Geba e be e le ba 621 (makgolotshela-masomepedi-tee).
27 Banna ba Mikimase e be e le ba 122 (lekgolo-masomepedi-pedi).
28 Banna ba Bethele le Ai e be e le ba 223 (makgolopedi-masomepedi-tharo).
29 Banna ba Nebo e be e le ba 52.
30 Banna ba Makabishi e be e le ba 156 (lekgolo-masomehlano-tshela).
31 Barwa ba monna yo mongwe gape yo a bitšwago Elama e be e le ba 1 254 (sekete-makgolopedi-masomehlano-nne).
32 Barwa ba Harima e be e le ba 320 (makgolotharo-masomepedi).
33 Banna ba Lodi, Hadidi le Ono e be e le ba 725 (makgološupa-masomepedi-hlano).
34 Banna ba Jeriko e be e le ba 345 (makgolotharo-masomenne-hlano).
35 Banna ba Senaa e be e le ba 3 630 (dikete tše tharo-makgolotshela-masometharo).
36 Baperisita ke ba: Barwa ba Jedaya wa ntlo ya Jeshua e be e le ba 973 (makgolosenyane-masomešupa-tharo).
37 Barwa ba Imere e be e le ba 1 052 (sekete-masomehlano-pedi).
38 Barwa ba Pashuri e be e le ba 1 247 (sekete-makgolopedi-masomenne-šupa).
39 Barwa ba Harima e be e le ba 1 017 (sekete le lesomešupa).
40 Balefi ke ba: Barwa ba Jeshua, bao e bego e le ba lapa la Kadimiele e bile e le ditlogolo tša Hodafia e be e le ba 74.
41 Diopedi e be e le barwa ba Asafa ba 128 (lekgolo-masomepedi-seswai).
42 Batho bao ba šomago go leta dikeiting e be e le ba 139 (lekgolo-masometharo-senyane). Bona e be e le barwa ba Shalume, ba Atere, ba Talamoni, ba Akuba, ba Hatita le ba Shobai.
43 Bao ba bego ba hlankela ka tempeleng e be e le barwa ba Siha, barwa ba Hasufa, barwa ba Tabaothe,
44 barwa ba Kerose, barwa ba Sia, barwa ba Padone,
45 barwa ba Lebana, barwa ba Hakaba, barwa ba Akuba,
46 barwa ba Hakabe, barwa ba Salamai, barwa ba Hanana,
47 barwa ba Gidele, barwa ba Gahara, barwa ba Reaya,
48 barwa ba Retsini, barwa ba Nekoda, barwa ba Gasama,
49 barwa ba Utsa, barwa ba Pasea, barwa ba Besai,
50 barwa ba Asena, barwa ba Meuni, barwa ba Nefushesima,
51 barwa ba Bakabuke, barwa ba Hakufa, barwa ba Harahuri,
52 barwa ba Basaluthi, barwa ba Mehida, barwa ba Haresha,
53 barwa ba Barakose, barwa ba Sisera, barwa ba Tema,
54 barwa ba Netsia le barwa ba Hatifa.
55 Barwa ba bahlanka ba Solomone e be e le barwa ba Sotai, barwa ba Soferethe, barwa ba Peruda,
56 barwa ba Jaalaa, barwa ba Darikone, barwa ba Gidele,
57 barwa ba Shefatia, barwa ba Hatili, barwa ba Pokerethe-hatsebaimi le barwa ba Ami.
58 Batho ka moka bao ba bego ba hlankela ka tempeleng le barwa ba bahlanka ba Solomone e be e le ba 392 (makgolotharo-masomesenyane-pedi).
59 Batho ba ba latelago ke bao ba ilego ba boa ba etšwa Thele-mela, Thele-harasha, Keruba, Adoni le Imere, eupša ba be ba se na bohlatse bja gore ke bona Baisiraele, goba gore ba malapa a gabo bona* e be e le Baisiraele.
60 Bona e be e le barwa ba Delaya, barwa ba Tobia le barwa ba Nekoda, gomme e be e le ba 652 (makgolotshela-masomehlano-pedi).
61 Barwa ba baperisita ke ba: Ke barwa ba Habaya, ba Hakotse wa Barasilai yo a ilego a nyala yo mongwe wa barwedi ba Barasilai wa Mogileada gomme a bitšwa ka leina la ratswale wa gagwe.
62 Ba ke bao ba ilego ba nyaka go bona moo maina a malapa a gabo bona a ngwadilwego gona gore ba kgonthišiše meloko ya malapa a gabo bona, eupša ga se ba ka ba a hwetša, ka gona ba ile ba se swanelege gore e be baperisita.
63 Mmuši* o ile a re ba se ke ba ja dijo tše kgethwa go fihlela moperisita a diriša Urime le Thumime* go kwa gore Modimo o reng.
64 Batho ka moka bao ba ilego ba boela morago e be e le ba 42 360 (dikete tše masomenne-pedi-makgolotharo-masometshela),
65 go sa balwe makgoba a bona a banna le a basadi a 7 337 (dikete tše šupa-makgolotharo-masometharo-šupa), le diopedi tša banna le tša basadi tše 200 (makgolopedi).
66 Dipere tša bona e be e le tše 736 (makgološupa-masometharo-tshela), dimeila tša bona tšona e be e le tše 245 (makgolopedi-masomenne-hlano),
67 dikamela tša bona e be e le tše 435 (makgolonne-masometharo-hlano) gomme ditonki tša bona e le tše 6 720 (dikete tše tshela-makgološupa-masomepedi).
68 Ba bangwe ba dihlogo tša malapa a botatago bona ge ba fihla ntlong ya Jehofa yeo e bego e le Jerusalema, ba ile ba neela dimpho ka go rata ntlong ya Modimo wa nnete, gore e agwe leswa lefelong la yona.
69 Ba ile ba neela ka mokgwa wo ba ka kgonago gore ntlo yeo e agiwe. Ba neela ka diterakema* tša gauta tše 61 000 (dikete tše masometshela-tee), dimina* tša silifera tše 5 000 (dikete tše hlano) le diaparo tše 100 (lekgolo) tša baperisita.
70 Le gona baperisita, Balefi, batho ba bangwe, diopedi, batho bao ba šomago go leta dikeiting le bao ba hlankelago ka tempeleng, gotee le Baisiraele ba bangwe ka moka ba ile ba dula metseng ya gabo bona.
Mengwalo ya tlase
^ Mohlomongwe ye ke profense ya Babilona goba profense ya Juda.
^ Kgaolong ye “barwa” e ka šupa gape le go “ditlogolo.” Le gona mafelong a mangwe e ka šupa le go badudi ba motse.
^ Phetolelo ya lentšu ka lentšu e re, “ba ntlo ya botatago bona.”
^ Goba, “Tirishata,” e lego leina leo dintona tša diprofense tša Peresia a bego a bitšwa ka lona.
^ Bona Tlhaloso ya Mantšu.
^ Terakema e be e lekanywa le tšhelete ya gauta ya Peresia yeo e bego e imela dikgerama tše 8,4. Ye ga se terakema yeo e lego ka Mangwalong a Segerika. Bona Dit. B14.
^ “Mina e tee” e be e imela digrama tše 570.
