Psalme 75:1-10
-
Modimo o ahlola ka go loka
-
Batho ba babe ba tla nwa beine ye e lego ka komiking ya Jehofa (8)
-
Ditaelo tšeo di yago go mohlahli. Diriša modumo wa koša yeo e rego, “O se ke wa Senya.” Koša ya Asafa.
75 Re a go leboga wena Modimo, re a go leboga.Leina la gago le kgauswi le rena,Gomme batho ba tla bolela ka mediro ya gago e makatšago.
2 Wena o re: “Ge ke beile nako ya go ahlola,Ke ahlola ka go loka.
3 Ge lefase le be le šišinyega gotee le badudi ba lona ka moka,Ke nna ke ilego ka dira gore diphilara tša lona di se šišinyege.” (Selah)
4 Ke re go batho bao ba ikgantšhago: “Le se ke la ikgantšha,”
Ke moka ka re go ba babe: “Le se ke la kgantšha matla* a lena.
5 Le se ke la ikgantšha la re le na le matlaGoba la bolela ka go ikgantšha.
6 Gobane go godišwa ga go tšweKa bohlabela, ka bodikela goba ka borwa.
7 Ka ge Modimo e le Moahlodi,
O kokobetša motho yo mongwe gomme a godiša yo mongwe.
8 Ka seatleng sa Jehofa go na le komiki,Beine e hlakantšhitšwe gabotse e bile e na le lehulo.
Ruri o tla e tšhelela batho ba babe ka moka lefaseng,Bona ba tla e nwa go fihlela ba e fetša.”
9 Eupša ge e le nna ke tla bolela ka seo Modimo a se dirilego go ya go ile.Ke tla opelela Modimo wa Jakobo dikoša tša go mo tumiša.
10 Ka gobane o re: “Ke tla dira gore batho ba babe ba se sa ba le matla,Gomme ka dira gore batho ba bone matla a baloki.”
Mengwalo ya tlase
^ Phetolelo ya lentšu ka lentšu e re, “lenaka.”
