Psalme 115:1-18
115 Ga se ra swanelwa ke letago hle Jehofa, ga se la re swanela.Eupša go tagafatšwe leina la gagoKa gobane o Modimo yo a nago le lerato le le botegago le yo a tshepegago.
2 Go re’ng ditšhaba di swanetše gore:
“Modimo wa bona o kae?”
3 Modimo wa rena o magodimong,O dira selo se sengwe le se sengwe seo a se ratago.
4 Medingwana ya bona e dirilwe ka silifera le gauta,E dirilwe ke diatla tša motho.
5 E na le molomo, eupša ga e kgone go bolela.E na le mahlo, eupša ga e kgone go bona.
6 E na le ditsebe, eupša ga e kgone go kwa.E na le nko, eupša ga e kgone go dupa.
7 E na le diatla, eupša ga e kgone go swara.E na le dinao, eupša ga e kgone go sepela.Ga e kgone go ntšha lentšu.
8 Bao ba e dirago ba tla swana le yona,Le bohle bao ba e tshepilego.
9 Wena Isiraele, tshepa Jehofa.Ke mothuši wa gago le kotse ya gago.
10 Lena ba ntlo ya Arone, tshepang Jehofa.Ke mothuši wa lena le kotse ya lena.
11 Lena bao le boifago Jehofa, tshepang Jehofa.Ke mothuši wa lena le kotse ya lena.
12 Jehofa a ka se re lebale e bile o tla re šegofatša.O tla šegofatša ba ntlo ya Isiraele.O tla šegofatša ba ntlo ya Arone.
13 Jehofa o tla šegofatša bao ba mmoifago,Ba banyenyane le ba bagolo.
14 Jehofa o tla dira gore le oketšege,Lena le bana ba lena.
15 Anke Jehofa a le šegofatše,Yena Modiri wa legodimo le lefase.
16 Ge e le magodimo ona ke a Jehofa,Eupša lefase o le file batho.
17 Bahu bona ga ba tumiše Jah,Le bao ba lego mabitleng ga ba mo tumiše.
18 Eupša ge e le rena re tla reta JahGo tloga ga bjale le go ya go ile.
Tumišang Jah!*
Mengwalo ya tlase
^ Goba, “Haleluya!” “Jah” ke tsela e kopana ya go bitša leina Jehofa.
