Diema 31:1-31
31 Mantšu a Kgoši Lemuele. Molaetša o bohlokwa woo mmagwe a mo filego wona e le go mo hlahla šo:
2 Ke re’ng go wena morwa wa ka?Ke re’ng go wena, wena morwa yo a tšwago popelong ya ka?Ke re’ng go wena, wena morwa yo ke dirilego dikeno ka yena?
3 O se dumelele basadi ba go fetša matla,Goba wa phela ka tsela yeo dikgoši di phelago ka yona, yeo e dirago gore di feleletše di hwile.
4 Wena Lemuele, ga se gwa swanela dikgoši,Ga se gwa swanela dikgoši go nwa beine.Le gona babuši ga se ba swanela gore: “Bjala bja ka bo kae?”
5 Gore ba se ke ba nwa gomme ba lebala molao,E bile ba se hlomphe ditokelo tša batho ba maemo a tlase.
6 Efa bao ba lego kgauswi le go hwa bjalaGomme beine o e fe bao ba kwelego bohloko kudu.
7 A ba nwe gomme ba lebale ka bodiidi bja bonaE bile ba se sa gopola mathata a bona.
8 Emelela bao ba sa kgonego go bolela,Gomme o lwele ditokelo tša bao ba lego kgauswi le go hlokofala.
9 Ba emelele gomme o ahlole ka toka.Lwela ditokelo tša batho ba maemo a tlase le badiidi.
א [Aleph]
10 Ke mang yo a ka hwetšago mosadisadi?
O bohlokwa kudu go phala maswika a bohlokwa.
ב [Beth]
11 Monna wa gagwe o mo tshepa ka pelo ya gagwe ka moka,E bile ga a hloke selo se bohlokwa.
ג [Gimel]
12 Bophelong bja gagwe ka moka,O direla monna wa gagwe dilo tše dibotse e sego tše mpe.
ד [Daleth]
13 O hwetša boya le lešela,E bile o thabela mošomo wo a o dirago ka diatla tša gagwe.
ה [He]
14 O tla le dijo tšeo di tšwago kgoleGo swana le dikepe tša barekiši.
ו [Waw]
15 Le gona o tsoga e sa le bošego,A fa ba lapa la gagwe dijoLe bahlanka ba gagwe ba basadi.
ז [Zayin]
16 O bona tšhemo gomme a e reka,O diriša tšhelete yeo a e šometšego ka thata go bjala meterebe.
ח [Heth]
17 O itokišetša go šoma ka thataGomme a tiiša matsogo a gagwe.
ט [Teth]
18 O a bona gore kgwebo ya gagwe e sepela gabotse,Le gona o šoma go fihlela bošego.
י [Yod]
19 O tšea kota yeo e nago le garaneGomme a loga lešela ka yona.
כ [Kaph]
20 O thuša batho ba maemo a tlaseGomme a fa badiidi dilo tšeo ba di hlokago.
ל [Lamed]
21 Ge go tonya, ga a tšhogele ba lapa la gagwe,Ka gobane ka moka ga bona ba na le diaparo tše borutho.
מ [Mem]
22 O itirela mašela a go ala mpete wa gagwe.
Diaparo tša gagwe di dirilwe ka lešela la linene le boya bjo bo phepolo.
נ [Nun]
23 Monna wa gagwe o tumile dikgorongMoo a dulago le banna ba bagolo ba motse.
ס [Samekh]
24 O dira diaparo* ka lešela la linene gomme a di rekiša,Le gona o tšea mapanta ao a a dirilego a a rekišetša borakgwebo.
ע [Ayin]
25 O na le sebete e bile batho ba bangwe ba a mo hlompha,Le gona ga a tshwenyege ka seo se ka diregago ka moso.
פ [Pe]
26 O bolela dilo tšeo di bontšhago gore o bohlaleE bile o na le botho.*
צ [Tsade]
27 O hlokomela dilo tšeo di dirwago ka lapeng la gagwe,E bile ga a no dula a se dire selo
ק [Qoph]
28 Bana ba gagwe ba a emelela gomme ba mo reta,Le monna wa gagwe o a emelela gomme a mo reta.
ר [Resh]
29 Go na le basadisadi ba bantšhi,Eupša ge e le wena, o ba phala ka moka.
ש [Shin]
30 Go bogega go ka fora gomme bobotse bo ka fela ka pela,Eupša mosadi yo a boifago Jehofa, o tla retwa.
ת [Taw]
31 Mo nee moputso wa seo a se dirago,Gomme anke a retwe dikgorong tša motse ka baka la mediro ya gagwe.
Mengwalo ya tlase
^ Goba, “diaparo tša ka gare.”
^ Goba, “o hlahla ba bangwe ka lerato, goba, o na le lerato le le botegago.”
