Diema 23:1-35
23 Ge o dutše le kgoši gore o je le yona,O ele hloko dilo tšeo di lego pele ga gago.
2 ItshwareGe e ba o eja kudu.
3 O se ke wa duma dijo tša kgoši tše dibose,E le gore di se be molaba go wena.
4 O se ke wa itapišetša go hwetša lehumo.
Tlogela go dira seo gomme o bontšhe bohlale.*
5 Ge o sa re o le lebeletše, o tla no makala le se gona.Ka gobane le tla phurolla maphego go swana le ntšhu gomme la fofela magodimong.
6 O se ke wa ja dijo tša motho yo a timanago,E bile o se ke wa duma dijo tša gagwe tše dibose.
7 Ka gobane o swana le motho yo a go lebeletšego gore o ja dijo tše di kaakang.
O re go wena: “Eja o be o nwe,” eupša a sa bolele ka pelo ya gagwe ka moka.
8 O tla hlatša dijo tšeo o di jelego,Gomme mantšu a gago a go reta e tla ba a lefeela.
9 O se ke wa bolela le setlaela,Ka gobane se tla nyatša mantšu a gago a bohlale.
10 O se ke wa tloša mollwane woo o dirilwego kgale,Goba wa tsena tšhemong ya bana bao ba hlokago botatago bona o sa dumelelwa.
11 Ka gobane Modimo yo a ba lwelago ke yo matla.O tla ba emelela gomme a lwa le wena.
12 Dira gore pelo ya gago e amogele tayo,Gomme tsebe ya gago e kwe mantšu a bohlale.
13 O se ke wa tlogela go laya ngwana wa gago,
Le ge o ka mo itia ka thupa a ka se hwe.
14 O mo itiye ka thupaE le gore o mo phološe Lebitleng.*
15 Morwa wa ka, ge o ka hlalefaGona le nna ke tla thaba.
16 Ge molomo wa gago o ka bolela se se lokilego,Ke tla thaba kudu.
17 O se ke wa jela badiradibe mona,Eupša o boife Jehofa ka dinako ka moka.
18 Ge o ka dira bjalo o tla ba le bokamoso bjo bobotse,Gomme o ka se felelwe ke kholofelo.
19 Wena morwa wa ka, theetša gomme o be bohlale.Le gona, hlahla pelo ya gago e le gore o kgone go dira dilo tše dibotse.
20 O se ke wa swana le* batho bao ba nwago beine kudu,Le bao ba jago nama e ntšhi ka megabaru.
21 Ka gobane motho wa setagwa le wa sejagobe ba tla diila.Le gona ka ge ba rata boroko ba tla apara diaparo tša maratha.
22 Theetša tatago yo a go belegego,Le gona o se ke wa nyatša mmago feela ka gobane a tšofetše.
23 Reka therešo, bohlale, tayo le tlhaologanyo,Gomme le ka mohla o se ke wa di rekiša.
24 Tate yoo morwa wa gagwe e lego moloki o tla thaba.Ruri o tla thaba ge e ba morwa wa gagwe a le bohlale!
25 Tatago le mmago ba tla thaba,Gomme mmago yo a go belegego o tla thaba.
26 Morwa wa ka, ntheetše ka ditsebe tše pedi.Eka o ka thabela go ekiša mohlala wa ka.
27 Mogweba-ka-mmele o swana le molete o išago,Gomme mosadi wa go hloka boitshwaro* o swana le sediba se se sesane.
28 O dula a laletše batho go swana le motho wa go swara poo.O oketša palo ya banna bao ba sa tshepegego.
29 Ke mang yo a nago le madimabe? Ke mang yo a sa dudišegego?
Ke mang yo a ratago dingangišano? Ke mang yo a nago le dipelaelo?
Ke mang yo a tšwilego dintho ka ntle le lebaka? Ke mang yo mahlo a gagwe a sa bonego gabotse?
30 Ke bao ba dulelago go nwa beine nako e telele,Bao ba tšamago ba nyakana le beine yeo e tswakilwego.
31 O se ke wa lebelela mmala o mohwibidu wa beineGe e phadima ka galaseng ya go dirwa ka letsopa, le ge e bonagala e le bose ge e nwewa.
32 Ka gore mafelelong e loma go swana le noga,E bile e swana le mpholo wa marabe.
33 Mahlo a gago a tla bona dilo tša go se be gona,Gomme pelo ya gago e tla bolela dilo tšeo di tšwilego tseleng.
34 Le gona o tla swana le motho yoo a robetšego gare ga lewatle,Le yoo a robetšego godimo ga kota yeo e swarago seila ya sekepe.
35 O tla re: “Ba nteile eupša ga se ka kwa selo.
Ba mpethile, eupša ga ke gopole ke bethwa.
Ke tla tsoga neng
Gore ke yo nwa gape?”
Mengwalo ya tlase
^ Goba mohlomongwe, “Tlogela go ithekga ka tlhaologanyo ya gago.”
^ Bona Tlhaloso ya Mantšu.
^ Goba, “o se ke wa gwerana le.”
