Modimo o na le Maina a Makae?
Karabo ya Beibele
Modimo o na le leina letee. Ka Seheberu ke יהוה gomme ka Sepedi ke “Jehofa.” a Modimo o ile a diriša moporofeta Jesaya go ngwala gore: “Ke nna Jehofa. Ke lona leina la ka.” (Jesaya 42:8) Leina le le tšwelela ka makga a e ka bago a 7 000 ka dingwalweng tša kgale tša Beibele. Leina le la Modimo le tšwelela gantši go feta leina le ge e le lefe ka Beibeleng. b
Na Modimo o na le maina a mangwe?
Le ge Beibele e re ruta gore Modimo o na leina letee, e diriša direto tše dintši le dipolelwana tše di mo hlalosago. Ka mo tlase go na le direto le dipolelwana tšeo di re botšago se sengwe ka semelo sa Jehofa.
Leina |
Lengwalo |
Tlhaloso |
|---|---|---|
Allah |
(Ga le gona ka Beibeleng) |
Lentšu “Allah” le ra gore Modimo ka Searaba, ga se leina la Modimo. Diphetolelo tša Beibele tša Searaba le maleme a mangwe di diriša leina “Allah” bakeng sa “Modimo.” |
Ramatlaohle |
O na le matla kudu. Polelwana ya Seheberu ʼEl Shad·daiʹ, yeo e rago gore “Modimo Ramatlaohle,” e tšwelela ka makga a šupago ka Beibeleng. |
|
Alfa le Omega |
Polelwana yeo e rego “mathomo le mafelelo,” e ra gore go be go se na Modimo Ramatlaohle pele ga Jehofa gomme go ka se be le yo mongwe ka morago ga gagwe. (Jesaya 43:10) Alfa ke tlhaka ya mathomo go dialefapete tša Segerika gomme omega ke ya mafelelo. |
|
Motala wa Mabaka |
Ga a na mathomo; o bile gona go tloga mehleng ya neng le neng goba pele ga ge dilo ka moka di ka ba gona.—Psalme 90:2. |
|
Mmopi |
O bopile dilo ka moka. |
|
Tate |
Monei wa bophelo. |
|
Modimo |
Yo a rapelwago le yo a phagamego kudu. Lentšu la Seheberu ʼElo·himʹ le ka bontši, le hlalosa bogolo bja Jehofa, seriti sa gagwe goba gore o phagame kudu. |
|
Modimo gare ga medimo |
Jehofa ke Modimo yo a phagamego yoo a fapanago le “medimo e se nago mohola” yeo e rapelwago ke batho ba bangwe.—Jesaya 2:8. |
|
Mohlahli yo Mogolo |
O ruta batho dithuto tšeo di ba holago le go ba hlahla tseleng yeo ba swanetšego go sepela ka yona.—Jesaya 48:17, 18. |
|
Modiri yo Mogolo |
O bopile dilo ka moka.—Kutollo 4:11. |
|
Modimo yo a Thabilego |
O dula a thabile.—Psalme 104:31. |
|
Mokwi wa thapelo |
O theetša dithapelo ka moka tša bao ba mo rapelago ka tumelo. |
|
Ke Nna yo ke Lego Yena |
Ekisodo 3:14, Taba ye Botse |
O ba selo le ge e le sefe seo a nyakago go ba sona gore a phethagatše morero wa gagwe. Polelwana ye gape e fetoletšwe ka gore “Ke tla ba Seo ke Nyakago go ba Sona.” Tlhaloso ye e thuša go hlalosa leina Jehofa, leo le tšwelelago temaneng e latelago.—Ekisodo 3:15. |
Lehufa |
Ga a nyake go rapelwa le medimo e mengwe. Lentšu le le fetoletšwe gape e le “Modimo yo a hufegago.”—Phetolelo ya Lefase le Lefsa. |
|
Kgoši ya bosafelego |
Pušo ya gagwe ga e na mathomo le mafelelo. |
|
Morena |
Lentšu le le ra gore mong; ka Seheberu ke ʼA·dhohnʹ le ʼAdho·nimʹ. |
|
Morena wa Mašaba |
Jesaya 1:9, Baroma 9:29, Beibele ya Sepedi |
Molaodi wa lešabašaba la barongwa. Polelwana “Morena wa Mašaba” gape e ka fetolelwa e le “Jehofa wa madira.”—Baroma 9:29, Phetolelo ya Lefase le Lefsa. |
Yo Godimodimo |
O na le maemo a phagamego kudu. |
|
Mokgethwakgethwa |
Ke yo mokgethwa kudu (o hlwekile e bile o sekile) go feta selo le ge e le sefe. |
|
Mmopi wa Rena |
O na le matla a go laola batho le ditšhaba, go no swana le mmopi yo a laolago letsopa leo a le dirišago go bopa.—Baroma 9:20, 21. |
|
Morekolodi, Molopolodi |
Jesaya 41:14; Beibele ya Sepedi |
O rekolla goba o phološa batho sebeng le lehung ka sehlabelo sa topollo sa Jesu Kriste.—Johane 3:16. |
Leswika |
Ke setšhabelo le mophološi wa rena. |
|
Mophološi |
O re phološa kotsing goba lehung. |
|
Modiši |
O hlokomela barapedi ba gagwe. |
|
Mmuši Morena |
O na le matla a go laola dilo ka moka; ka Seheberu polelwana ye ke ʼAdho·naiʹ. |
|
Yo a Phagamego |
Ke mmuši yo a phagamego. |
Maina a mafelo ka Mangwalong a Seheberu
Maina a mafelo a mangwe ka Beibeleng a na le leina la Modimo, eupša maina ao ga se gore ke maina a mangwe a Modimo.
Leina la lefelo |
Lengwalo |
Tlhaloso |
|---|---|---|
Jehofa-jire |
“Jehofa o tla Loga Leano.” |
|
Jehofa-nisi |
“Jehofa ke Seka sa ka [Kota ya ka].” Jehofa ke Modimo yo a thušago le go šireletša batho ba gagwe.—Ekisodo 17:13-16. |
|
Jehofa-shalomo |
“Jehofa ke Khutšo.” |
|
Jehofa-shama |
“Jehofa Yena o Moo.” |
Mabaka a gore re tsebe leina la Modimo le go le diriša
Modimo o swanetše go ba a tšea leina la gagwe la Jehofa le le bohlokwa kudu, ka ge a le tsentše ka Beibeleng ka makga a mantši.—Maleaki 1:11.
Morwa wa Modimo e lego Jesu o boletše gantši ka bohlokwa bja leina la Modimo. Ka mohlala, ge a rapela Jehofa o itše: “Leina la gago a le kgethagatšwe.”—Mateo 6:9; Johane 17:6.
Bao ba tsebago leina la Modimo le go le diriša, ba ba le tswalano le yena. (Psalme 9:10; Maleaki 3:16) Segwera se bjalo se tla ba thuša gore ba bone go phethagala ga kholofetšo ya Modimo yeo e rego: “Gobane yena o mpontšhitše lerato, ke tla ba ka mo hlakodiša. Ke tla mo šireletša ka gobane a tseba leina la ka.”—Psalme 91:14.
Beibele e re: “Go na le ba bitšwago ‘medimo,’ e ka ba legodimong goba lefaseng, bjalo ka ge go na le ‘medimo’ e mentši le ‘marena’ a mantši.” (1 Bakorinthe 8:5, 6) Eupša e re botša gore leina la Modimo o tee wa therešo ke Jehofa.—Psalme 83:18.
a Diithuti tše dingwe tša Seheberu di diriša “Yahweh” bakeng sa leina la Modimo.
b Leina la Modimo ge le bitšwa ka tsela e kopana ke “Jah.” Le tšwelela ka Beibeleng ka tsela ye ka makga a e ka bago a 50, go akaretša le ge le dirišwa lentšung le le rego, “Haleluya” leo le bolelago gore “Tumišang Jah.”—Kutollo 19:1; Beibele ya Sepedi.
You May Also Like
DIPOTŠIŠO TŠA BEIBELE DI A ARABJA
Jehofa ke Mang?
Na Jehofa ke Modimo wa setšhaba se itšego, go no swana le ge e be e le Modimo wa Baisiraele?
ESSENTIAL BIBLE TEACHINGS
Na Modimo o na le Leina?
Modimo o na le direto tše dintši tše swanago le Ramatlaohle, Mmopi gotee le Morena. Eupša leina la gagwe le dirišwa ka makga a fetago a 7 000 ka Beibeleng.
DIPOTŠIŠO TŠA BEIBELE DI A ARABJA
Na Leina la Modimo ke Jesu?
Le ka mohla Jesu ga se a ka a re ke yena Modimo Ramatlaohle. Ka baka la’ng?
DIPOTŠIŠO TŠA BEIBELE DI A ARABJA
“Alfa le Omega” ke Mang Goba ke Eng?
Ke ka baka la eng sereto se se nepagetše?
MABAPI LE RENA
Kgopela Thuto ya Mahala ya Beibele
Ithute Beibele, goba o ithute ka mo go oketšegilego ka Dihlatse tša Jehofa.