Madumedi a mantši a Bokriste a ruta gore Modimo ke Borarobotee. Lega go le bjalo, ela hloko seo Encyclopædia Britannica e se bolelago ge e re: “Ga go na polelwana Borarobotee le ge e ka ba thuto e kwagalago mabapi le bjona ka Testamenteng e Mpsha . . . Thuto ye e ile ya gola ganyenyane-ganyenyane nywageng e mentši e makgolo le ka dingangišano tše dintši.”

 Ge e le gabotse, ga go na moo Modimo wa ka Beibeleng a hlaloswago e le karolo ya Borarobotee. Ela hloko ditemana tše tša Beibele:

 “Jehofa Modimo wa rena ke yena Jehofa a nnoši.”—Doiteronomio 6:4.

 “Wena yoo leina la gago e lego Jehofa, ke wena o nnoši o lego yo Godimodimo godimo ga lefase ka moka.”—Psalme 83:18.

 “Se se bolela bophelo bjo bo sa felego, gore ba tsebe wena Modimo a nnoši wa therešo le yo o mo romilego, Jesu Kriste.”—Johane 17:3.

 “Modimo ke o tee feela.”—Bagalatia 3:20.

 Ke ka baka la’ng madumedi a mantši a Bokriste a re Modimo ke Borarobotee?