Kuranta ya yunibesithi ya Gaceta e re barutwana bao ba ilego ba bona diofisi le lefelo la go gatiša la Dihlatse tša Jehofa kua Mexico ba bone leeto le le ba thušitše “go kgaotša kgethollo.”

Barutwana ba re:

• “Re tloga re kgahlilwe ke boitshwaro bjo bobotse bjoo re bo bonego . . . tlhompho, go naganela, go lekalekana le go hlweka.”

• “Ke kgahlilwe ke mohlala o mobotse wa ge batho ba ikemišeditše go šoma gotee bjalo ka sehlopha.”

• “Ka moka ga bona ba be ba theogetše gomme ba šoma ba myemyela.”

• “Ruri ke kgahlilwe ke go ba le thulaganyo ga lefelo le la go gatiša.”

Barutwana ba ba be ba etšwa National School of Library and Archival Sciences yeo e lego kua Motseng wa Mexico.

Dihlatse tša Jehofa di bontšha batho meago ya tšona ya diofisi le ya go gatiša mahala yeo e lego dinageng tšeo di ka bago tše 100. Yo mongwe le yo mongwe yo a nyakago go tliša barutwana gore ba tle ba bone meago ya rena a ka hwetša tsebišo ya dinako le mafelo a rena ka tlase ga MABAPI LE RENA > GO BONA DIOFISI LE MEAGO. Motho yo mongwe le yo mongwe gotee le malapa ba a amogelwa gore ba tle ba bone meago ya rena.