Emisyo 25:1-28

  • Isiwabisula esyokumbo (9)

  • Ekinywa ekikabughawa oko mughulu owatolere (11)

  • Isiwabya ukahika-hika oho w’omulikyenyu (17)

  • Erilunda amakala awakire oko mutwe w’enzighu (21, 22)

  • Engulu mbuya yiri ng’amaghetse awahuhirire (25)

25  Eno nayo ni misyo ya Solomona, eyahandikawa* n’abahandiki ba Hezekia, omwami we Yuda.  2  Eribisa omwatsi ni lukengerwa lw’oMungu,N’erikwesa-kwesa omwatsi l’olukengerwa lw’abami.  3  Ngoko olubula luli endata n’ekighuho ikyabyamo mutoberoOmundu syangatoka eriminya ebiri omo mutima w’abami.  4  Ulusaye oko feza* kw’omutsafu,Neryo ikendyera ndeke.  5  Ulusaye omubi embere sy’omwami,Neryo ekitumbi kiwe ky’obwami ikikendisika omo ritunganene.  6  Isiwayiha olukengerwa embere sy’omwami,Kandi isiwikala omo kati-kati k’esyoseghu-seghu.  7  Kundi kyanya iniakubwira ati: “Asa wikale hano,”Kwilaba kw’erikuhemulira embere sy’eseghu-seghu.  8  Isiwahumayira erishitaka omulikyenyu,Kundi ighukendiyira uti omulikyenyu amakuhemula enyuma sy’aho?  9  Musohe olubanza lwenyu, iwe na mulikyenyuAliwe isiwabisula esyokumbo* esyo balyakubwira. 10  Oyukahulikirira isyakuhemulaN’erilalania engulu nyibi eyo utewangimania. 11  Ekinywa ekikabughawa oko mughulu owatolereKiri ng’esyopome sy’ehoro esiri omo mapambo w’efeza.* 12  Oyukakunga omundu n’amenge, oko kutu k’oyukamuhulikirira, aliNg’eriningita ry’ehoro kandi ng’amapambo w’ehoro eyabiryeribwa. 13  Omutumwa oyuteleghula oko balyamutumaAli ng’akabeho k’enzururu k’oko mughulu w’erighesa,Kundi akasubaya omukama* wiwe y’omutima omo nda. 14  Omundu oyukayihalamba busana n’ekihembo ekyo atendihitya,*Ali ng’ebitu n’erihunga ebiteleta embula. 15  Omukomanda akatokawa omw’ihanda omutima,N’olulimi lolo lwanganatwa erikuha. 16  Wamabisunga obuki, ulye obo ulaghireko busa,Kundi wamabiryako bunene, wanganasalabo. 17  Ebisando byaghu isibyabya bikahika-hika omo nyumba ya mulikyenyu,Akasyakuluhako n’erikupona. 18  Omundu oyukabugha amabehi oko mulikyabo,Ali ng’engoni, ng’omuyali, kandi ng’omusali owatwire. 19  Eriyiketera omundu oyuteweriyiketera omo mughulu w’obughanyaRiri ng’eritakunya omo rino eritwikire kutse eritsukudira oko kisando. 20  Oyukimba esyonyimbo n’omutima owali m’obulighe,Ali ng’omundu oyukalusaya olukimba lwiwe ekiro ky’embehoKandi ali ng’evinegre eyo bakuta omo sude.* 21  Enzighu yaghu* yamabikwa enzala, iwahayo omukati w’erirya;Yamabikwa enyota, iwahayo amaghetse w’erinywa, 22  Kundi aho ighukendibya ng’ukalunda amakala awakire oko mutwe wiwe,*Na Yehova akendisyakuhemba. 23  Erihunga erikasira oko luhande lw’endata rikaleta embula nene,N’olulimi lw’ebwebwebwe lukahitanaya. 24  Kamwanya iwikala omo ngonde* y’olutwe,Kulenga kw’erikala omo nyumba ngumerera n’omukali w’omupepe.* 25  Engulu mbuya eyikalua omo kihugho ky’ehaliYiri ng’amaghetse awahuhirire oko nafsi* eyiluhire. 26  Omughulu omundu oyutunganene akaligha ebyo* mundu mubi,Akabya ng’engununuko eyirimo ebyondo n’eribulu eritsandire. 27  Sikyuwene erirya obuki bunene,Kandi sikiriletera olukengerwa omundu eriyironderya olukengerwa lwiwe-lwiwe. 28  Omundu oyutetoka erikakirya ekinigha kiwe,Ali ng’omuyi ogho esyombimbo syagho syabirihimbulwa.

Ebinywa by'eyikwa

^ Kutse “eyahandikawa n’erikumwa-kumwa.”
^ Ni kindu ky’obughuli ekikalua omo kitaka.
^ Kutse “esyosiri.”
^ Ni kindu ky’obughuli ekikalua omo kitaka.
^ Kutse “enafsi y’omukama.”
^ Kinywa kwa kinywa, “ekihembo ky’amabehi.”
^ Kutse “kighuntura; alkali.”
^ Kinywa kwa kinywa, “Oyukuponire.”
^ Ni bugha ambu ighukenditulerya omundu oyo n’eriyeyukya obutsibu bwiwe.
^ Kutse “sonda, coin.”
^ Kutse “w’obuno.”
^ Kinywa kwa kinywa, “akatsinga-tsingira embere.”

Copyrights for this publication