Omuhindano w’Eryibuka oluholo lwa Yesu
Omo Kwanza, ekiro 22, Omwisi 3, 2027
Obuli mwaka, itwe Bimiri ba Yehova tukibuka oluholo lwa Yesu erikwamana n’ekyalayiro ekyo atuha omughulu abugha ati: “Mubye mukakola mutya busana n’erinibuka.”—Luka 22:19.
Twanzire iwe n’ekihanda kyaghu imwasyahika oko muhindano oyo.
Ebyo abandu babeghere eribulya
Nindi yo wangahika?
Obuli mundu. Wanganasa n’ekihanda kyaghu.
Omuhindano oyo akendisyabugha esyosaha singahi?
Omuhindano w’Eryibuka oluholo lwa Yesu akendisyabugha hakuhi saha nguma.
Omuhindano oyo akendisyabya hayi?
Ukanaye n’Abimiri ba Yehova batoke erikubwira ng’akendisyabya hayi.
Nisyasa n’esyofranga sy’eringirirako?
Iyehe.
Hanemwendisyalabibwa ekibo ky’esadaka?
Iyehe. Abimiri ba Yehova sibesaba esadaka oko mihindano yabo.—Matayo 10:8.
Hane omuhanda w’esyongyimba esyo nitolere erisyambala?
Iyehe. Aliwe Abimiri ba Yehova bakayikasa eryambala esyongyimba esikakanganaya ngoko basikirye omuhindano oyo.
Omuhindano w’Eryibuka oluholo lwa Yesu akendisyabya ati?
Hakendisyabya omukania w’eBiblia owakendisyatukangania endundi eyo tukabana omo luholo lwa Yesu kandi nga twangakolaki tutoke eribana endundi omo ekyo Yehova na Yesu babiritukolera. Tukendisyatsuka omuhindano oyo n’eribughagho omo lwimbo n’omo musabe.
Eriminya bingyi, ulebaye omwatsi “Busanaki Abimiri ba Yehova bakibuka akalyo k’erigholo-gholo k’oMukama omo nzira eyisighene n’ey’ebindi bisomo?”
Eyindi mihindano y’Eryibuka oluholo lwa Yesu ikendisyabya mughulu wahi?
Oko 2027: Omo Kwanza, ekiro 22, Omwisi 3
Oko 2028: Omo Yenga, ekiro 9, Omwisi 4
Oko 2029: Omo Ine, ekiro 29, Omwisi 3
Langira na bino
ERYIBUKA
Eryibuka oluholo lwa Yesu
Twamakukokya n’obutseme eribya haghuma netu tukibuka oluholo lwa Yesu erikwamana ngoko abugha. Wighe ngoko engebe n’oluholo lwa Yesu byanganakuletera endundi.
ESSENTIAL BIBLE TEACHINGS
Busanaki Yesu mwahola?
Kwa muhwa wabiriminya ngoko mwahola busana n’amalolo wetu. Nikwa omundu mughuma eriherera engebe yiwe lyanganawatikya amamilioni w’abandu?
EMYATSI MINGYI
Eribana endundi erilabira oluholo lwa Yesu
Ni myatsi yahi ibiri ey’omughaso munene eyo Yesu atukangiriraya tukoke eribana endundi erilabira oluholo lwiwe?
EKYERIMINYA O’KWITHWE
Hika oko muhindano
Minya bingyi oko mihindano yetu. Sondaya omuhindano owali hakuhi n’oho uli.