दोस्रो इतिहास २७:१-९
-
यहुदाका राजा योताम (१-९)
२७ राजा हुँदा योताम+ २५ वर्षका थिए। तिनले यरुसलेममा १६ वर्ष शासन गरे। तिनकी आमाको नाम यरुसाह थियो। उनी सादोककी+ छोरी थिइन्।
२ तिनले आफ्ना बुबा उज्जियाहले जस्तै यहोवा परमेश्वरको नजरमा जे सही छ, त्यही गरिरहे।+ तिनी र तिनको बुबाबीच एउटा कुरा फरक थियो: तिनी आफ्ना बुबाजस्तो यहोवा परमेश्वरको मन्दिरमा जबरजस्ती घुसेनन्।+ तर मानिसहरूले भने अझै पनि खराब काम गरिरहेका थिए।
३ तिनले यहोवा परमेश्वरको भवनको माथिल्लो ढोका+ र ओफेलको पर्खाल+ बनाए।
४ साथै तिनले यहुदाको पहाडी इलाकामा+ सहरहरू बनाए+ र जङ्गलहरूमा किल्लाहरू+ अनि धरहराहरू+ बनाए।
५ तिनले अम्मोनीहरूका+ राजासित लडाइँ गरे र आखिरमा उनीहरूलाई हराए। त्यसैले अम्मोनीहरूले त्यो वर्ष तिनलाई १०० टालेन्ट* चाँदी, १० हजार कोर* गहुँ र १० हजार कोर जौ दिए। उनीहरूले त्यसपछिको दोस्रो र तेस्रो वर्ष पनि तिनलाई यी सब कुरा दिए।+
६ यसरी योताम झन्झनै शक्तिशाली हुँदै गए किनकि तिनले आफ्ना परमेश्वर यहोवाको मार्गमा हिँड्ने अठोट गरेका थिए।
७ योतामको जीवनकालका बाँकी घटनाहरू, तिनले लडेका सबै युद्ध र तिनको चालचलनबारे ‘इस्राएल र यहुदाका राजाहरूको पुस्तक’-मा लेखिएका छन्।+
८ राजा हुँदा तिनी २५ वर्षका थिए। तिनले यरुसलेममा १६ वर्ष शासन गरे।+
९ त्यसपछि योताम आफ्ना पितृहरूसितै सुते र तिनलाई दाउदनगरमा+ गाडियो। तिनीपछि तिनका छोरा आहाज राजा भए।+
फुटनोटहरू
^ एक टालेन्ट भनेको ३४.२ किलोग्राम हो। अतिरिक्त लेख ख१४ हेर्नुहोस्।
^ एक कोर भनेको २२० लिटरको भाँडोमा अटाउने जतिको परिमाण हो। अतिरिक्त लेख ख१४ हेर्नुहोस्।
