भजनसङ्ग्रह १९:१-१४
निर्देशकलाई; दाउदले रचेको भजन।
१९ आकाशले परमेश्वरको महिमा गर्छ;+
गगनले परमेश्वरको हातको कामको वर्णन गर्छ।+
२ हरदिन तिनीहरू खुलेर कुरा गर्छन्,हररात तिनीहरू परमेश्वरको ज्ञान प्रकट गर्छन्।
३ तिनीहरूको कुनै भाषा छैन, तिनीहरूको कुनै शब्द छैन;तिनीहरूको कुनै स्वर सुनिँदैन।
४ तर तिनीहरूको स्वर* सारा पृथ्वीभरि गुञ्जिएको छ;अनि तिनीहरूको सन्देश पृथ्वीको* कुनाकाप्चासम्म सुनिएको छ।+परमेश्वरले आकाशमा सूर्यको लागि पाल फैलाउनुभएको छ।
५ त्यसको चमक दुलहीको कोठाबाट निस्केको दुलहाको मुहारजस्तै छ;त्यो दौडमा निस्केको वीर मानिसजस्तै रमाउँछ।
६ त्यो आकाशको एक छेउबाट उदाउँछर घुम्दै अर्को छेउमा अस्ताउँछ।+त्यसको तापबाट कुनै कुरा लुक्न सक्दैन।
७ यहोवाको व्यवस्था पूर्ण छ,+ त्यसले थकितहरूलाई बल दिन्छ।+यहोवाको सम्झौटा भरोसायोग्य छ,+ त्यसले अज्ञानीलाई ज्ञानी बनाउँछ।+
८ यहोवाको आदेश न्यायी छ, त्यसले मनलाई आनन्दित बनाउँछ।+यहोवाको आज्ञा चोखो छ, त्यसले आँखालाई चमक दिन्छ।+
९ यहोवाको भय+ पवित्र छ, त्यो कहिल्यै टलेर जाँदैन।यहोवाका फैसलाहरू सत्य छन्, ती न्यायोचित छन्।+
१० ती सुनभन्दा प्रिय छन्,निखुर* सुनभन्दा पनि प्रिय,+महभन्दा गुलियो,+ माहुरीको चाकाबाट तपतप चुहिने महभन्दा पनि गुलियो।
११ यीबाटै तपाईँको दासले चेतावनी पाउँछ;+यी पालन गरे प्रशस्तै इनाम पाइन्छ।+
१२ आफ्नो गल्ती कसले देख्छ र?+मैले अनजानमा गरेको पापको लागि मलाई दोषी नठहराउनुहोस्।
१३ तपाईँको दासलाई अहङ्कारी हुनदेखि रोक्नुहोस्;+अहङ्कारले ममाथि हैकम जमाउन नपाओस्।+तब म पूर्ण हुनेछु,+घोर पापबाट निर्दोष रहनेछु।
१४ हे यहोवा, मेरा चट्टान+ र मेरा उद्धारक,+मेरो मुखको वचन र मेरो मनको चिन्तनले तपाईँलाई खुसी तुल्याओस्।+
