वाच टावर बाइबल एण्ड ट्राक्ट सोसाइटी अफ पेन्सिलभेनियाको अक्टोबर ६, २०१८ मा भएको वार्षिक सभामा दुईवटा नयाँ प्रकाशनहरू विमोचन गरियो। इजकिएलको पुस्तकमा आधारित यहोवाको शुद्ध उपासना आखिरमा पुनर्स्थापित हुन्छ! भन्‍ने किताब अनि पढ्‌ने र सिकाउने काममा लागिरहनुहोस्‌ भन्‍ने पुस्तिका। यो पुस्तिकाले यहोवाका साक्षीहरूलाई पढ्‌ने र सिकाउने काममा उन्‍नति गर्न मदत गर्नेछ।

अहिले शुद्ध उपासना किताब अङ्‌ग्रेजी भाषामा र पढ्‌ने र सिकाउने पुस्तिका अन्य विभिन्‍न भाषाहरूमा jw.org वेबसाइट र JW लाइब्रेरी एपमा उपलब्ध छन्‌। पछि शुद्ध उपासना किताब अन्य भाषाहरूमा पनि उपलब्ध हुनेछ।

परिचालक निकायले हाम्रो वेबसाइट र एपमा गरिन लागेको छाँटकाँटलाई अनुमति दिइएको छ भनेर पनि वार्षिक सभामा घोषणा गरिएको थियो। jw.org वेबसाइटलाई JW ब्रोडकास्टिङ र प्रहरीधरहरा अनलाइन पुस्तकालय-को केही विशेषताहरू र विषयवस्तुहरू राखेर छाँटकाँट गरिनेछ। त्यसैगरि JW लाइब्रेरी एपलाई पनि प्रहरीधरहरा अनलाइन पुस्तकालय-को विशेषता अनि विषयवस्तु राखेर छाँटकाँट गरिनेछ। साथै हाल jw.org वेबसाइटमा मात्र देखिने विषयवस्तु पनि JW लाइब्रेरी-मा राखिनेछ। नयाँ वेबसाइट र नयाँ एपको डिजाइन उस्ताउस्तै हुनेछ र यो चलाउन पनि सजिलो हुनेछ। उदाहरणको लागि, नयाँ वेबसाइट र एप आध्यात्मिक भोजन सजिलै प्राप्त गर्न सकियोस्‌ भनेर मुख्य बुँदाहरू खोज्न सजिलो हुने तरिकामा बनाइएको छ। यो ठूलो परिवर्तनको लागि योजना बनाउने र डिजाइन गर्ने काम सुरु भई सकेको छ। तपाईँहरूले केही महिनाभित्रै केही परिवर्तनहरू देख्न पाउनुहुनेछ।