1. യഹോ​വ​യു​ടെ ആരാധ​കരെ ലോക​ത്തു​ള്ള​വ​രിൽനിന്ന്‌ വ്യത്യ​സ്‌ത​രാ​ക്കുന്ന ഒരു ഗുണം ഏതാണ്‌?

 യഹോ​വ​യു​ടെ ആരാധ​കരെ ക്രിസ്‌ത്യാ​നി​ക​ളെന്ന്‌ അവകാ​ശ​പ്പെ​ടു​ന്ന​വ​രിൽനിന്ന്‌ വ്യത്യ​സ്‌ത​രാ​ക്കുന്ന ഒരു കാര്യ​മാ​ണു ശുശ്രൂ​ഷ​യി​ലുള്ള അവരുടെ തീക്ഷ്‌ണത. (തീത്തോ. 2:14) എന്നാൽ ഇടയ്‌ക്കൊ​ക്കെ നമുക്കു ശുശ്രൂ​ഷ​യിൽ അത്ര ഉത്സാഹം തോന്ന​ണ​മെ​ന്നില്ല. സഭയ്‌ക്കു​വേണ്ടി കഠിനാ​ധ്വാ​നം ചെയ്യുന്ന ഒരു മൂപ്പൻ പറഞ്ഞതു​പോ​ലെ നിങ്ങൾക്കും തോന്നി​യേ​ക്കാം: “ചില സമയത്ത്‌ എനിക്കു പ്രസം​ഗ​പ്ര​വർത്ത​ന​ത്തിൽ ഏർപ്പെ​ടാ​നുള്ള ആഗ്രഹമേ തോന്നാ​റില്ല.”

2. പ്രസം​ഗ​പ്ര​വർത്ത​ന​ത്തി​ലുള്ള തീക്ഷ്‌ണത നിലനി​റു​ത്താൻ നമുക്കു ചില​പ്പോൾ ബുദ്ധി​മുട്ട്‌ തോന്നി​യേ​ക്കാ​വു​ന്നത്‌ എന്തു​കൊണ്ട്‌?

² പ്രസം​ഗ​പ്ര​വർത്ത​ന​ത്തി​നു പോകു​ന്ന​തി​നെ​ക്കാൾ വിശു​ദ്ധ​സേ​വ​ന​ത്തി​ന്റെ മറ്റു മേഖല​ക​ളിൽ ഏർപ്പെ​ടാ​നാ​യി​രി​ക്കാം നമുക്കു കൂടുതൽ ആവേശം തോന്നു​ന്നത്‌. എന്തു​കൊണ്ട്‌? ദിവ്യാ​ധി​പ​ത്യ​നിർമാണ പ്രവർത്ത​ന​ങ്ങ​ളിൽ പങ്കെടു​ക്കു​മ്പോ​ഴോ ദുരി​താ​ശ്വാ​സ​പ്ര​വർത്ത​ന​ങ്ങ​ളിൽ ഏർപ്പെ​ടു​മ്പോ​ഴോ സഹോ​ദ​ര​ങ്ങളെ പ്രോ​ത്സാ​ഹി​പ്പി​ക്കു​മ്പോ​ഴോ ഒക്കെ പെട്ടെന്ന്‌ ഫലം കിട്ടു​ന്ന​തു​കൊണ്ട്‌ നമുക്കു സന്തോഷം തോന്നി​യേ​ക്കാം. അതു​പോ​ലെ, സഹോ​ദ​ര​ങ്ങ​ളോ​ടൊ​പ്പം പ്രവർത്തി​ക്കു​മ്പോൾ ഉണ്ടാകുന്ന സമാധാ​ന​വും സ്‌നേ​ഹ​വും നിറഞ്ഞ അന്തരീ​ക്ഷ​വും നമ്മൾ ആസ്വദി​ക്കു​ന്നു. നമ്മൾ അവർക്കു​വേണ്ടി ചെയ്യുന്ന കാര്യ​ങ്ങ​ളൊ​ക്കെ അവർ വിലമ​തി​ക്കു​ന്നു​ണ്ടെ​ന്നും നമുക്ക്‌ അറിയാം. എന്നാൽ പ്രസം​ഗ​പ്ര​വർത്ത​ന​ത്തി​ന്റെ കാര്യ​മോ? പ്രതി​ക​രണം തീരെ കുറവുള്ള ഒരു പ്രദേ​ശത്ത്‌ നമ്മൾ വർഷങ്ങ​ളാ​യി പ്രസം​ഗി​ക്കു​ക​യാ​യി​രി​ക്കാം. അല്ലെങ്കിൽ കണ്ടുമു​ട്ടുന്ന ആളുകൾ നമ്മുടെ സന്ദേശം തള്ളിക്ക​ള​ഞ്ഞേ​ക്കാം. ഇനി, അവസാ​ന​ത്തോട്‌ അടുക്കു​ന്തോ​റും ആളുകൾ നമ്മുടെ സന്ദേശത്തെ എതിർക്കു​മെ​ന്നും നമുക്ക്‌ അറിയാം. (മത്താ. 10:22) എന്നാൽ പ്രസം​ഗ​പ്ര​വർത്ത​ന​ത്തി​ലുള്ള നമ്മുടെ തീക്ഷ്‌ണത നിലനി​റു​ത്താ​നും വർധി​പ്പി​ക്കാ​നും നമ്മളെ എന്തു സഹായി​ക്കും?

3. ലൂക്കോസ്‌ 13:6-9-ലെ ദൃഷ്ടാന്തം യേശു​വി​ന്റെ തീക്ഷ്‌ണത കാണി​ക്കു​ന്നത്‌ എങ്ങനെ?

³ പ്രസം​ഗ​പ്ര​വർത്ത​ന​ത്തി​ലെ തീക്ഷ്‌ണ​ത​യെ​ക്കു​റിച്ച്‌ യേശു​വി​ന്റെ മാതൃ​ക​യിൽനിന്ന്‌ നമുക്കു പഠിക്കാ​നുണ്ട്‌. ശുശ്രൂ​ഷ​യി​ലു​ട​നീ​ളം യേശു ഒരിക്ക​ലും ഉത്സാഹം കൈവി​ട്ടില്ല. പകരം സമയം കടന്നു​പോ​കു​ന്ന​ത​നു​സ​രിച്ച്‌ യേശു കൂടുതൽ പ്രവർത്തി​ക്കു​ക​യാ​ണു ചെയ്‌തത്‌.  (ലൂക്കോസ്‌ 13:6-9 വായി​ക്കുക.) യേശു​വി​ന്റെ ദൃഷ്ടാ​ന്ത​ത്തിൽ കാണുന്ന മുന്തി​രി​ത്തോ​ട്ട​ത്തി​ലെ പണിക്കാ​രൻ മൂന്നു വർഷ​ത്തോ​ളം ഒരു ഫലവും തരാത്ത അത്തിമരം പരിപാ​ലി​ച്ച​തു​പോ​ലെ യേശു ഏതാണ്ട്‌ മൂന്നു വർഷ​ത്തോ​ളം ജൂതന്മാ​രോ​ടു പ്രസം​ഗി​ച്ചു. അവരിൽ മിക്കവ​രും​തന്നെ പ്രതി​ക​രണം ഇല്ലാത്ത​വ​രാ​യി​രു​ന്നു. എങ്കിലും ആ പണിക്കാ​രൻ അത്തിമ​ര​ത്തെ​ക്കു​റി​ച്ചുള്ള പ്രതീക്ഷ കൈവി​ടാ​തി​രു​ന്ന​തു​പോ​ലെ യേശു​വും ആ ആളുക​ളി​ലുള്ള പ്രതീക്ഷ കൈവി​ടു​ക​യോ ശുശ്രൂ​ഷ​യിൽ തണുത്തു​പോ​കു​ക​യോ ചെയ്‌തില്ല. പകരം ആളുക​ളു​ടെ ഹൃദയ​ത്തിൽ എത്താനുള്ള ശ്രമം യേശു കൂടുതൽ ഊർജി​ത​മാ​ക്കു​ക​യാ​ണു ചെയ്‌തത്‌.

4. യേശു​വി​ന്റെ മാതൃ​ക​യിൽനിന്ന്‌ പഠിക്കാ​നാ​കുന്ന നാലു കാര്യങ്ങൾ ഏതൊ​ക്കെ​യാണ്‌?

⁴ ഈ ലേഖന​ത്തിൽ യേശു എങ്ങനെ​യാ​ണു തീക്ഷ്‌ണത കാണി​ച്ച​തെന്ന്‌, പ്രത്യേ​കി​ച്ചും ഭൂമി​യി​ലെ തന്റെ ശുശ്രൂ​ഷ​യു​ടെ അവസാ​നത്തെ ആറുമാ​സം എങ്ങനെ​യാ​ണു തീക്ഷ്‌ണത കാണി​ച്ച​തെന്ന്‌, നമ്മൾ ചർച്ച ചെയ്യും. (ലൂക്കോസ്‌ 10:1-ലെ “ഇതിനു​ശേഷം” എന്ന പഠനക്കു​റി​പ്പു കാണുക.) യേശു പഠിപ്പിച്ച കാര്യങ്ങൾ പഠിക്കു​ക​യും യേശു ചെയ്‌ത കാര്യങ്ങൾ അനുക​രി​ക്കു​ക​യും ചെയ്യു​ന്നതു ശുശ്രൂ​ഷ​യിൽ തീക്ഷ്‌ണ​ത​യു​ള്ള​വ​രാ​യി​രി​ക്കാൻ നമ്മളെ സഹായി​ക്കും. യേശു​വിൽനിന്ന്‌ പഠിക്കാ​നാ​കുന്ന നാലു കാര്യങ്ങൾ നമുക്ക്‌ ഇനി നോക്കാം: (1) യേശു യഹോ​വ​യു​ടെ ഇഷ്ടത്തിന്‌ ഏറ്റവും പ്രാധാ​ന്യം കൊടു​ത്തു. (2) ബൈബിൾപ്ര​വ​ച​ന​ങ്ങൾക്ക്‌ അടുത്ത ശ്രദ്ധ കൊടു​ത്തു. (3) സഹായ​ത്തി​നാ​യി യഹോ​വ​യിൽ ആശ്രയി​ച്ചു. (4) ആളുകൾ ശ്രദ്ധി​ക്കു​മെന്ന പ്രതീക്ഷ നിലനി​റു​ത്തി.

യേശു യഹോ​വ​യു​ടെ ഇഷ്ടത്തിന്‌ ഏറ്റവും പ്രാധാ​ന്യം കൊടു​ത്തു

5. ദൈവ​ത്തി​ന്റെ ഇഷ്ടം ചെയ്യു​ന്ന​താ​ണു തന്റെ ജീവി​ത​ത്തിൽ ഏറ്റവും പ്രധാ​ന​മെന്നു യേശു കാണി​ച്ചത്‌ എങ്ങനെ​യാണ്‌?

⁵ യേശു തീക്ഷ്‌ണ​ത​യോ​ടെ “ദൈവ​രാ​ജ്യ​ത്തി​ന്റെ സന്തോ​ഷ​വാർത്ത” പ്രസം​ഗി​ച്ചു. താൻ ചെയ്യാൻ ദൈവം ആഗ്രഹി​ച്ചത്‌ അതാ​ണെന്നു യേശു​വിന്‌ അറിയാ​മാ​യി​രു​ന്നു. (ലൂക്കോ. 4:43) പ്രസം​ഗ​പ്ര​വർത്ത​ന​ത്തി​നാ​യി​രു​ന്നു യേശു ജീവി​ത​ത്തിൽ ഏറ്റവും പ്രാധാ​ന്യം കൊടു​ത്തത്‌. ഭൂമി​യി​ലെ തന്റെ ശുശ്രൂ​ഷ​യു​ടെ അവസാ​ന​നാ​ളു​ക​ളിൽപ്പോ​ലും യേശു “നഗരം​തോ​റും ഗ്രാമം​തോ​റും ചെന്ന്‌” ആളുകളെ പഠിപ്പി​ച്ചു. (ലൂക്കോ. 13:22) അതു​പോ​ലെ പ്രസം​ഗ​പ്ര​വർത്ത​ന​ത്തി​നു​വേണ്ടി യേശു കൂടുതൽ ശിഷ്യ​ന്മാ​രെ പരിശീ​ലി​പ്പി​ക്കു​ക​യും ചെയ്‌തു.—ലൂക്കോ. 10:1.

6. മറ്റു നിയമ​ന​ങ്ങ​ളോ​ടുള്ള താരത​മ്യ​ത്തിൽ പ്രസം​ഗ​പ്ര​വർത്ത​ന​ത്തിന്‌ എത്ര​ത്തോ​ളം പ്രാധാ​ന്യ​മുണ്ട്‌? (ചിത്ര​വും കാണുക.)

⁶ ഇന്നും നമ്മൾ പ്രസം​ഗ​പ്ര​വർത്ത​ന​ത്തിന്‌ ഏറ്റവും പ്രാധാ​ന്യം കൊടു​ക്കാൻ യഹോ​വ​യും യേശു​വും ആഗ്രഹി​ക്കു​ന്നു. (മത്താ. 24:14; 28:19, 20) പ്രസം​ഗ​പ്ര​വർത്ത​ന​ത്തിന്‌, നമ്മൾ ചെയ്യുന്ന മറ്റു ദിവ്യാ​ധി​പ​ത്യ​നി​യ​മ​ന​ങ്ങ​ളു​മാ​യി നേരിട്ട്‌ ബന്ധമുണ്ട്‌. ഉദാഹ​ര​ണ​ത്തിന്‌, നമ്മൾ ദിവ്യാ​ധി​പത്യ ആവശ്യ​ങ്ങൾക്കുള്ള കെട്ടി​ടങ്ങൾ നിർമി​ക്കു​ന്ന​തും ബഥേലിൽ സേവി​ക്കു​ന്ന​തും  വയലിലെ ആവശ്യ​ങ്ങളെ പിന്തു​ണ​യ്‌ക്കാൻവേ​ണ്ടി​യാണ്‌. ഇനി, നമ്മൾ ദുരി​താ​ശ്വാ​സ​പ്ര​വർത്ത​ന​ങ്ങ​ളിൽ ഏർപ്പെ​ടു​ന്നതു സഹോ​ദ​ര​ങ്ങൾക്ക്‌ ഭൗതി​ക​സ​ഹാ​യം കൊടു​ക്കാൻ മാത്രമല്ല ശുശ്രൂഷ ഉൾപ്പെ​ടെ​യുള്ള അവരുടെ ആത്മീയ​പ്ര​വർത്ത​നങ്ങൾ പുനരാ​രം​ഭി​ക്കാൻ സഹായി​ക്കു​ന്ന​തി​നും ആണ്‌. പ്രസം​ഗ​പ്ര​വർത്ത​ന​ത്തി​ന്റെ പ്രാധാ​ന്യം തിരി​ച്ച​റി​യു​ക​യും നമ്മൾ ചെയ്യാൻ യഹോവ ആഗ്രഹി​ക്കുന്ന പ്രധാ​ന​പ്പെട്ട വേല അതാ​ണെന്നു മനസ്സി​ലാ​ക്കു​ക​യും ചെയ്യു​മ്പോൾ ക്രമമാ​യി ശുശ്രൂ​ഷ​യിൽ ഏർപ്പെ​ടാ​നുള്ള നമ്മുടെ ആഗ്രഹം ശക്തമാ​കും. ഹംഗറി​യി​ലെ ഒരു മൂപ്പനായ യാനോഷ്‌ പറയുന്നു: “മറ്റൊരു ദിവ്യാ​ധി​പ​ത്യ​പ്ര​വർത്ത​ന​വും പ്രസം​ഗ​പ്ര​വർത്ത​ന​ത്തി​നു പകരമാ​കി​ല്ലെന്നു ഞാൻ എന്നെത്തന്നെ ഓർമി​പ്പി​ക്കാ​റുണ്ട്‌. നമ്മൾ ചെയ്യേണ്ട ഏറ്റവും പ്രധാ​ന​പ്പെട്ട നിയമനം അതാണ​ല്ലോ.”

7. നമ്മൾ പ്രസം​ഗ​പ്ര​വർത്തനം ചെയ്‌തു​കൊ​ണ്ടി​രി​ക്കാൻ യഹോവ ആഗ്രഹി​ക്കു​ന്നത്‌ എന്തു​കൊ​ണ്ടാണ്‌? (1 തിമൊ​ഥെ​യൊസ്‌ 2:3, 4)

⁷ യഹോവ കാണു​ന്ന​തു​പോ​ലെ ആളുകളെ കാണു​ന്നതു ശുശ്രൂ​ഷ​യി​ലുള്ള നമ്മുടെ തീക്ഷ്‌ണത കൂട്ടാൻ സഹായി​ക്കും. കഴിയു​ന്നത്ര ആളുകൾ സന്തോ​ഷ​വാർത്ത കേൾക്ക​ണ​മെ​ന്നും അവർ സത്യം സ്വീക​രി​ക്ക​ണ​മെ​ന്നും ആണ്‌ ദൈവം ആഗ്രഹി​ക്കു​ന്നത്‌. (1 തിമൊ​ഥെ​യൊസ്‌ 2:3, 4 വായി​ക്കുക.) അതിനു​വേണ്ടി, ആളുക​ളു​ടെ ജീവൻ രക്ഷിക്കുന്ന സന്ദേശം വൈദ​ഗ്‌ധ്യ​ത്തോ​ടെ അറിയി​ക്കാൻ ദൈവം നമ്മളെ പരിശീ​ലി​പ്പി​ക്കു​ന്നു. ശിഷ്യ​രാ​ക്കുക എന്ന ലക്ഷ്യത്തിൽ സംഭാ​ഷ​ണങ്ങൾ തുടങ്ങാൻ സഹായി​ക്കുന്ന ഒന്നാണ്‌ സ്‌നേ​ഹി​ക്കുക, ശിഷ്യ​രാ​ക്കുക എന്ന ലഘുപ​ത്രിക. ഇപ്പോൾ ആളുകൾ സത്യം സ്വീക​രി​ച്ചി​ല്ലെ​ങ്കി​ലും മഹാകഷ്ടത അവസാ​നി​ക്കു​ന്ന​തി​നു തൊട്ടു​മു​മ്പു​വരെ അവർക്ക്‌ അതിനുള്ള അവസര​മുണ്ട്‌. നമ്മൾ ഇപ്പോൾ പറയുന്ന കാര്യ​ങ്ങ​ളാ​യി​രി​ക്കാം ഭാവി​യിൽ നന്നായി പ്രതി​ക​രി​ക്കാൻ അവരെ സഹായി​ക്കു​ന്നത്‌. ഓർക്കുക: നമ്മൾ പ്രസം​ഗ​പ്ര​വർത്തനം ചെയ്‌തു​കൊ​ണ്ടി​രു​ന്നാൽ മാത്രമേ അതു സാധിക്കൂ.

യേശു ബൈബിൾപ്ര​വ​ച​ന​ങ്ങൾക്ക്‌ അടുത്ത ശ്രദ്ധ കൊടു​ത്തു

8. സമയം ഏറ്റവും നന്നായി ഉപയോ​ഗി​ക്കാൻ ഏതെല്ലാം ബൈബിൾപ്ര​വ​ച​നങ്ങൾ യേശു​വി​നെ സഹായി​ച്ചു?

⁸ ബൈബിൾപ്ര​വ​ച​നങ്ങൾ എങ്ങനെ​യാ​ണു നിറ​വേ​റാൻ പോകു​ന്നത്‌ എന്നതി​നെ​ക്കു​റിച്ച്‌ യേശു​വി​നു വ്യക്തമായ ബോധ്യ​മു​ണ്ടാ​യി​രു​ന്നു. ഭൂമി​യി​ലെ തന്റെ ശുശ്രൂഷ വെറും മൂന്നര വർഷം മാത്രമേ നീണ്ടു​നിൽക്കു​ക​യു​ള്ളൂ എന്ന്‌ യേശു​വിന്‌ അറിയാ​മാ​യി​രു​ന്നു. (ദാനി. 9:26, 27) അതു​പോ​ലെ താൻ എപ്പോൾ, എങ്ങനെ മരിക്കും എന്നതി​നെ​ക്കു​റി​ച്ചുള്ള പ്രവച​ന​ങ്ങ​ളും യേശു​വി​നു നന്നായി അറിയാ​മാ​യി​രു​ന്നു. (ലൂക്കോ. 18:31-34) തനിക്കു​ണ്ടാ​യി​രുന്ന ആ അറിവ്‌ സമയം ഏറ്റവും നന്നായി ഉപയോ​ഗി​ക്കാൻ യേശു​വി​നെ പ്രചോ​ദി​പ്പി​ച്ചു. അങ്ങനെ തീക്ഷ്‌ണ​ത​യോ​ടെ പ്രസം​ഗി​ച്ചു​കൊണ്ട്‌ തന്നെ ഏൽപ്പിച്ച ജോലി യേശു ചെയ്‌തു​തീർത്തു.

9. തീക്ഷ്‌ണ​ത​യോ​ടെ പ്രസം​ഗി​ക്കാൻ ബൈബിൾപ്ര​വ​ച​നങ്ങൾ നമ്മളെ പ്രചോ​ദി​പ്പി​ക്കു​ന്നത്‌ എങ്ങനെ​യാണ്‌?

⁹ ബൈബിൾപ്ര​വ​ച​ന​ങ്ങ​ളെ​ക്കു​റി​ച്ചുള്ള അറിവ്‌ തീക്ഷ്‌ണ​ത​യോ​ടെ പ്രസം​ഗ​പ്ര​വർത്തനം ചെയ്യാൻ നമ്മളെ പ്രേരി​പ്പി​ക്കു​ന്നു. ഈ വ്യവസ്ഥി​തി ഇനി അൽപ്പകാ​ലമേ ഉള്ളൂ എന്ന്‌ നമുക്ക്‌ അറിയാം. അവസാ​ന​നാ​ളു​ക​ളെ​ക്കു​റിച്ച്‌ ബൈബി​ളിൽ മുൻകൂ​ട്ടി​പ്പ​റ​ഞ്ഞി​രി​ക്കുന്ന കാര്യ​ങ്ങൾക്കു ചേർച്ച​യി​ലാണ്‌, ഇന്നു നടക്കുന്ന സംഭവ​ങ്ങ​ളും ആളുക​ളു​ടെ മനോ​ഭാ​വ​വും എന്നു നമ്മൾ മനസ്സി​ലാ​ക്കു​ന്നു. ഈ “അവസാ​ന​കാ​ലത്ത്‌” വടക്കേ രാജാ​വും തെക്കേ രാജാ​വും തമ്മിൽ ഏറ്റുമു​ട്ടും എന്ന്‌ ബൈബി​ളിൽ മുൻകൂ​ട്ടി​പ്പ​റ​ഞ്ഞി​ട്ടുണ്ട്‌. തെക്കേ രാജാ​വായ ആംഗ്ലോ അമേരി​ക്കൻ ലോക​ശ​ക്തി​യും വടക്കേ രാജാ​വായ റഷ്യയും സഖ്യക​ക്ഷി​ക​ളും തമ്മിൽ ശക്തമായ പോരാ​ട്ടം നടക്കു​ന്നതു നമ്മൾ ഇന്നു കണ്ടു​കൊ​ണ്ടി​രി​ക്കു​ന്നു. (ദാനി. 11:40) ഇനി, ദാനി​യേൽ 2:43-45 വാക്യ​ങ്ങ​ളിൽ പറഞ്ഞി​രി​ക്കുന്ന പടുകൂ​റ്റൻ പ്രതി​മ​യു​ടെ പാദങ്ങൾ അർഥമാ​ക്കു​ന്നത്‌ ആംഗ്ലോ അമേരി​ക്കൻ ലോക​ശ​ക്തി​യെ​യാ​ണെ​ന്നും നമ്മൾ മനസ്സി​ലാ​ക്കു​ന്നു. ഈ പ്രവചനം സൂചി​പ്പി​ക്കു​ന്ന​തു​പോ​ലെ ദൈവ​രാ​ജ്യം പെട്ടെന്ന്‌, വളരെ പെട്ടെന്ന്‌, മനുഷ്യ​ഗ​വൺമെ​ന്റു​കളെ ഇല്ലാതാ​ക്കു​മെ​ന്നും നമ്മൾ വിശ്വ​സി​ക്കു​ന്നു. ഈ പ്രവച​ന​ങ്ങ​ളിൽനി​ന്നെ​ല്ലാം, കാലത്തി​ന്റെ നീരൊ​ഴു​ക്കിൽ നമ്മൾ എവി​ടെ​യാ​ണെ​ന്നും എത്ര അടിയ​ന്തി​ര​ത​യോ​ടെ പ്രസം​ഗ​പ്ര​വർത്തനം തുട​രേ​ണ്ട​തു​ണ്ടെ​ന്നും വ്യക്തമാ​കു​ന്നു.

10. ബൈബിൾപ്ര​വ​ച​നങ്ങൾ മറ്റ്‌ ഏതെല്ലാം വിധങ്ങ​ളി​ലാ​ണു പ്രസം​ഗ​പ്ര​വർത്ത​ന​ത്തി​ലുള്ള നമ്മുടെ തീക്ഷ്‌ണത കൂട്ടു​ന്നത്‌?

¹⁰ മറ്റുള്ള​വരെ അറിയി​ക്കാൻ ആവേശം തോന്നുന്ന കാര്യ​ങ്ങ​ളും ബൈബിൾപ്ര​വ​ച​ന​ങ്ങ​ളി​ലുണ്ട്‌. ഡൊമി​നി​ക്കൻ റിപ്പബ്ലി​ക്കി​ലുള്ള ക്യാരി സഹോ​ദരി പറയുന്നു: “ഭാവി​യെ​ക്കു​റി​ച്ചുള്ള യഹോ​വ​യു​ടെ ഹൃദയ​സ്‌പർശി​യായ വാഗ്‌ദാ​നങ്ങൾ, മറ്റുള്ള​വ​രോ​ടു സത്യം അറിയി​ക്കാൻ എന്നെ പ്രചോ​ദി​പ്പി​ക്കു​ന്നു. ഇന്ന്‌ ആളുകൾ അനുഭ​വി​ക്കുന്ന പ്രശ്‌നങ്ങൾ കാണു​മ്പോൾ ഈ വാഗ്‌ദാ​നങ്ങൾ ഞാൻ മാത്രം അറിഞ്ഞാൽ പോര​ല്ലോ, മറ്റുള്ള​വ​രും അറിയണം എന്ന്‌ ഞാൻ ചിന്തി​ക്കും.”  പ്രസം​ഗ​പ്ര​വർത്ത​ന​ത്തി​നു പിന്നിൽ യഹോ​വ​യാ​ണെന്നു ചിന്തി​ച്ചു​കൊണ്ട്‌ മടുത്ത്‌ പിന്മാ​റാ​തി​രി​ക്കാൻ ബൈബിൾപ്ര​വ​ച​നങ്ങൾ നമ്മളെ സഹായി​ക്കു​ന്നു. ഹംഗറി​യിൽ താമസി​ക്കുന്ന ലൈല സഹോ​ദരി പറയുന്നു: “യശയ്യ 11:6-9 വരെയുള്ള പ്രവചനം കാണി​ക്കു​ന്നത്‌ യഹോ​വ​യു​ടെ സഹായ​ത്താൽ ആർക്കും മാറ്റം വരുത്താൻ കഴിയു​മെ​ന്നാണ്‌. സന്തോ​ഷ​വാർത്ത സ്വീക​രി​ക്കാൻ സാധ്യ​ത​യില്ല എന്നു നമുക്കു തോന്നു​ന്ന​വ​രോ​ടു​പോ​ലും അത്‌ അറിയി​ക്കാൻ ഈ വാക്യങ്ങൾ എന്നെ പ്രചോ​ദി​പ്പി​ക്കു​ന്നു.” സാംബി​യ​യിൽനി​ന്നുള്ള ക്രിസ്റ്റഫർ സഹോ​ദരൻ പറയുന്നു: “മർക്കോസ്‌ 13:10-ൽ മുൻകൂ​ട്ടി​പ്പ​റ​ഞ്ഞി​രി​ക്കു​ന്ന​തു​പോ​ലെ സന്തോ​ഷ​വാർത്ത ഇന്നു ലോക​മെ​ങ്ങും പ്രസം​ഗി​ച്ചു​കൊ​ണ്ടി​രി​ക്കു​ക​യാണ്‌. ആ പ്രവചനം നിറ​വേ​റ്റു​ന്ന​തിൽ ഒരു പങ്കുണ്ടാ​യി​രി​ക്കു​ന്നതു വലിയ പദവി​യാ​യി ഞാൻ കാണുന്നു.” ഏതു ബൈബിൾപ്ര​വ​ച​ന​മാ​ണു പ്രസം​ഗ​പ്ര​വർത്തനം തുടരാൻ നിങ്ങളെ പ്രചോ​ദി​പ്പി​ക്കു​ന്നത്‌?

യേശു സഹായ​ത്തി​നാ​യി യഹോ​വ​യിൽ ആശ്രയി​ച്ചു

11. തീക്ഷ്‌ണ​ത​യോ​ടെ പ്രസം​ഗി​ക്കാ​നുള്ള സഹായ​ത്തി​നാ​യി യേശു യഹോ​വ​യിൽ ആശ്രയി​ക്കേ​ണ്ടി​യി​രു​ന്നത്‌ എന്തു​കൊണ്ട്‌? (ലൂക്കോസ്‌ 12:49, 53)

¹¹ പ്രസം​ഗ​പ്ര​വർത്ത​ന​ത്തിൽ തീക്ഷ്‌ണ​ത​യോ​ടെ തുടരാ​നുള്ള സഹായ​ത്തി​നാ​യി യേശു യഹോ​വ​യിൽ ആശ്രയി​ച്ചു. യേശു നയത്തോ​ടെ​യാ​ണു സംസാ​രി​ച്ച​തെ​ങ്കി​ലും ദൈവ​രാ​ജ്യ​ത്തെ​ക്കു​റി​ച്ചുള്ള സന്തോ​ഷ​വാർത്ത ശക്തമായ എതിർപ്പു​കൾക്കും പ്രശ്‌ന​ങ്ങൾക്കും തിരി​കൊ​ളു​ത്തും എന്നു യേശു​വിന്‌ അറിയാ​മാ​യി​രു​ന്നു. (ലൂക്കോസ്‌ 12:49, 53 വായി​ക്കുക.) സന്തോ​ഷ​വാർത്ത അറിയി​ച്ച​തു​കൊണ്ട്‌ മതനേ​താ​ക്ക​ന്മാർ പല തവണ യേശു​വി​നെ കൊല്ലാൻ ശ്രമിച്ചു. (യോഹ. 8:59; 10:31, 39) എന്നാൽ യഹോവ കൂടെ​യുണ്ട്‌ എന്ന ഉറപ്പോ​ടെ യേശു പ്രസം​ഗ​പ്ര​വർത്തനം തുടർന്നു. യേശു പറഞ്ഞു: “ഞാൻ തനിച്ചല്ല, എന്നെ അയച്ച പിതാവ്‌ എന്റെകൂ​ടെ​യുണ്ട്‌. . . . ഞാൻ എപ്പോ​ഴും ആ വ്യക്തിക്ക്‌ ഇഷ്ടമു​ള്ളതു ചെയ്യു​ന്ന​തു​കൊണ്ട്‌ അദ്ദേഹം എന്നെ ഒരിക്ക​ലും തനിച്ചാ​ക്കി പോയി​ട്ടില്ല.”—യോഹ. 8:16, 29.

12. എതിർപ്പു​കൾ ഉണ്ടെങ്കി​ലും സന്തോ​ഷ​വാർത്ത പ്രസം​ഗി​ക്കു​ന്ന​തിൽ തുടരാൻ യേശു ശിഷ്യ​ന്മാ​രെ ഒരുക്കി​യത്‌ എങ്ങനെ​യാണ്‌?

¹² സഹായ​ത്തി​നാ​യി യഹോ​വ​യിൽ ആശ്രയി​ക്കാൻ കഴിയു​മെന്നു യേശു തന്റെ ശിഷ്യ​ന്മാ​രെ ഓർമി​പ്പി​ച്ചു. ഉപദ്ര​വങ്ങൾ നേരി​ടു​മ്പോൾപ്പോ​ലും യഹോവ അവരെ സഹായി​ക്കു​മെന്നു യേശു വീണ്ടും​വീ​ണ്ടും അവർക്ക്‌ ഉറപ്പു കൊടു​ത്തു. (മത്താ. 10:18-20; ലൂക്കോ. 12:11, 12) അതു​പോ​ലെ ജാഗ്ര​ത​യു​ള്ള​വ​രാ​യി​രി​ക്കാൻ യേശു അവരെ ഓർമി​പ്പി​ച്ചു. (മത്താ. 10:16; ലൂക്കോ. 10:3) ഇനി, സന്ദേശം കേൾക്കാൻ താത്‌പ​ര്യ​മി​ല്ലാ​ത്ത​വരെ നിർബ​ന്ധി​ക്കേ​ണ്ടെ​ന്നും അവരോ​ടു പറഞ്ഞു. (ലൂക്കോ. 10:10, 11) ഉപദ്ര​വങ്ങൾ ഉണ്ടാകു​ക​യാ​ണെ​ങ്കിൽ അവി​ടെ​നിന്ന്‌ ഓടി​പ്പോ​കാ​നും നിർദേശം കൊടു​ത്തു. (മത്താ. 10:23) തീക്ഷ്‌ണ​ത​യും യഹോ​വ​യി​ലുള്ള ആശ്രയ​വും ഉണ്ടായി​രു​ന്നെ​ങ്കി​ലും യേശു അനാവ​ശ്യ​മായ അപകടങ്ങൾ ക്ഷണിച്ചു​വ​രു​ത്തി​യില്ല.—യോഹ. 11:53, 54.

13. യഹോവ നമ്മളെ സഹായി​ക്കു​മെന്ന്‌ ഉറപ്പു​ണ്ടാ​യി​രി​ക്കാ​നാ​കു​ന്നത്‌ എന്തു​കൊണ്ട്‌?

¹³ ഇന്നും എതിർപ്പു​കൾ ഉണ്ടാകു​മ്പോൾ തീക്ഷ്‌ണ​ത​യോ​ടെ പ്രസം​ഗി​ക്കാൻ നമുക്ക്‌ യഹോ​വ​യു​ടെ  സഹായം വേണം. (വെളി. 12:17) യഹോവ സഹായി​ക്കു​മെന്ന്‌ ഉറപ്പോ​ടെ പറയാ​നാ​കു​ന്നത്‌ എന്തു​കൊ​ണ്ടാണ്‌? യോഹ​ന്നാൻ 17-ാം അധ്യാ​യ​ത്തിൽ രേഖ​പ്പെ​ടു​ത്തി​യി​രി​ക്കുന്ന യേശു​വി​ന്റെ പ്രാർഥ​ന​യെ​ക്കു​റിച്ച്‌ ചിന്തി​ക്കുക. അപ്പോ​സ്‌ത​ല​ന്മാ​രെ കാത്തു​കൊ​ള്ള​ണ​മെന്ന്‌ യേശു യഹോ​വ​യോട്‌ അപേക്ഷി​ച്ച​പ്പോൾ യഹോവ അതിന്‌ ഉത്തരം കൊടു​ക്കു​ക​യും ചെയ്‌തു. ഉപദ്ര​വങ്ങൾ ഉണ്ടായി​രു​ന്നെ​ങ്കി​ലും തീക്ഷ്‌ണ​ത​യോ​ടെ പ്രസം​ഗി​ക്കാൻ യഹോവ എങ്ങനെ​യാണ്‌ അപ്പോ​സ്‌ത​ല​ന്മാ​രെ സഹായി​ച്ച​തെന്നു പ്രവൃ​ത്തി​ക​ളു​ടെ പുസ്‌ത​ക​ത്തിൽ കാണാം. അതു​പോ​ലെ തന്റെ പ്രാർഥ​ന​യിൽ, അപ്പോ​സ്‌ത​ല​ന്മാ​രു​ടെ വചനം കേട്ട്‌ ഭാവി​യിൽ അവരുടെ ശിഷ്യ​ന്മാ​രാ​യി​ത്തീ​രു​ന്ന​വർക്കു​വേ​ണ്ടി​യും യേശു അപേക്ഷി​ച്ചു. അതിൽ നമ്മൾ ഓരോ​രു​ത്ത​രും ഉൾപ്പെ​ടു​ന്നു. യേശു​വി​ന്റെ പ്രാർഥ​ന​കൾക്ക്‌ ഉത്തരം കൊടു​ക്കു​ന്നത്‌ യഹോവ ഇപ്പോ​ഴും നിറു​ത്തി​യി​ട്ടില്ല. അപ്പോ​സ്‌ത​ല​ന്മാ​രെ സഹായി​ച്ച​തു​പോ​ലെ യഹോവ നമ്മളെ​യും സഹായി​ക്കു​മെന്ന്‌ ഉറപ്പാണ്‌.—യോഹ. 17:11, 15, 20.

14. സന്തോ​ഷ​വാർത്ത തീക്ഷ്‌ണ​ത​യോ​ടെ പ്രസം​ഗി​ക്കു​ന്ന​തിൽ തുടരാൻ നമുക്കു കഴിയു​മെന്ന്‌ എങ്ങനെ ഉറപ്പു​ണ്ടാ​യി​രി​ക്കാം? (ചിത്ര​വും കാണുക.)

¹⁴ അവസാ​ന​ത്തോട്‌ അടുക്കു​മ്പോൾ തീക്ഷ്‌ണ​ത​യോ​ടെ സന്തോ​ഷ​വാർത്ത പ്രസം​ഗി​ക്കു​ന്നതു കൂടുതൽ ബുദ്ധി​മു​ട്ടാ​യി​ത്തീ​രു​മെ​ങ്കി​ലും നമുക്കു​വേണ്ട സഹായം യഹോവ തരും. (ലൂക്കോ. 21:12-15) നമ്മളെ ശ്രദ്ധി​ക്ക​ണോ വേണ്ടയോ എന്നു തീരു​മാ​നി​ക്കാ​നുള്ള സ്വാത​ന്ത്ര്യം യേശു​വി​നെ​യും ശിഷ്യ​ന്മാ​രെ​യും പോലെ, നമ്മളും ആളുകൾക്കു വിട്ടു​കൊ​ടു​ക്കു​ന്നു. അതു​പോ​ലെ അനാവ​ശ്യ​മായ തർക്കങ്ങൾ നമ്മൾ ഒഴിവാ​ക്കു​ന്നു. നമ്മുടെ പ്രവർത്ത​ന​ത്തി​നു നിരോ​ധ​ന​മുള്ള സ്ഥലങ്ങളിൽപ്പോ​ലും നമ്മുടെ സഹോ​ദ​ര​ങ്ങൾക്കു സന്തോ​ഷ​വാർത്ത അറിയി​ക്കാ​നാ​കു​ന്നത്‌ യഹോ​വ​യിൽ ആശ്രയി​ക്കു​ന്ന​തു​കൊ​ണ്ടാണ്‌; അല്ലാതെ സ്വന്തം ശക്തി​കൊ​ണ്ടല്ല. ഒന്നാം നൂറ്റാ​ണ്ടി​ലെ ദാസന്മാർക്കു യഹോവ ശക്തി കൊടു​ത്തു. അതു​പോ​ലെ ഇന്നും, ‘മതി’ എന്ന്‌ യഹോവ പറയു​ന്ന​തു​വരെ ‘പ്രസം​ഗ​പ്ര​വർത്തനം നന്നായി ചെയ്‌തു​തീർക്കാ​നുള്ള’ ശക്തി ദൈവം നമുക്കു തരും. (2 തിമൊ. 4:17) അതെ, യഹോ​വ​യിൽ ആശ്രയി​ക്കു​ന്നെ​ങ്കിൽ സന്തോ​ഷ​വാർത്ത തീക്ഷ്‌ണ​ത​യോ​ടെ പ്രസം​ഗി​ക്കാൻ യഹോവ നമ്മളെ സഹായി​ക്കു​മെന്ന്‌ ഉറപ്പാണ്‌.

ആളുകൾ ശ്രദ്ധി​ക്കു​മെന്ന പ്രതീക്ഷ യേശു നിലനി​റു​ത്തി

15. ശുശ്രൂ​ഷ​യെ​ക്കു​റിച്ച്‌ ഒരു നല്ല മനോ​ഭാ​വ​മു​ണ്ടാ​യി​രു​ന്നെന്നു യേശു കാണി​ച്ചത്‌ എങ്ങനെ​യാണ്‌?

¹⁵ പ്രസം​ഗ​പ്ര​വർത്ത​ന​ത്തെ​ക്കു​റിച്ച്‌ യേശു നല്ലൊരു കാഴ്‌ച​പ്പാട്‌ നിലനി​റു​ത്തി​യി​രു​ന്നു. ഉത്സാഹ​ത്തോ​ടെ ശുശ്രൂഷ തുടരാൻ അത്‌ യേശു​വി​നെ സഹായി​ച്ചു. ഉദാഹ​ര​ണ​ത്തിന്‌, എ.ഡി 30-ന്റെ അവസാ​ന​മാ​യ​പ്പോ​ഴേ​ക്കും സന്തോ​ഷ​വാർത്ത സ്വീക​രി​ക്കാൻ ഒരുക്ക​മുള്ള ധാരാളം ആളുക​ളു​ണ്ടെന്ന്‌ യേശു മനസ്സി​ലാ​ക്കി. കൊയ്‌ത്തി​നു പാകമാ​യി നിൽക്കുന്ന വയലി​നോ​ടാ​ണു യേശു അവരെ താരത​മ്യ​പ്പെ​ടു​ത്തി​യത്‌. (യോഹ. 4:35) ഏതാണ്ട്‌ ഒരു വർഷത്തി​നു ശേഷം യേശു ശിഷ്യ​ന്മാ​രോട്‌  ഇങ്ങനെ പറഞ്ഞു: “വിളവ്‌ ധാരാ​ള​മുണ്ട്‌.” (മത്താ. 9:37, 38) പിന്നീടു യേശു വീണ്ടും ഇങ്ങനെ പറഞ്ഞു: “വിളവ്‌ ധാരാ​ള​മുണ്ട്‌. . . . അതു​കൊണ്ട്‌ വിള​വെ​ടു​പ്പി​നു പണിക്കാ​രെ അയയ്‌ക്കാൻ വിള​വെ​ടു​പ്പി​ന്റെ അധികാ​രി​യോ​ടു യാചി​ക്കുക.” (ലൂക്കോ. 10:2) സന്തോ​ഷ​വാർത്ത​യോട്‌ ആളുകൾ നല്ല രീതി​യിൽ പ്രതി​ക​രി​ക്കാ​നുള്ള സാധ്യത യേശു ഒരിക്ക​ലും തള്ളിക്ക​ള​ഞ്ഞില്ല. ആളുകൾ നന്നായി പ്രതി​ക​രി​ച്ച​പ്പോൾ യേശു സന്തോ​ഷി​ക്കു​ക​യും ചെയ്‌തു.—ലൂക്കോ. 10:21.

16. ശുശ്രൂ​ഷ​യെ​ക്കു​റിച്ച്‌ നല്ലൊരു മനോ​ഭാ​വം ഉണ്ടായി​രി​ക്കാൻ യേശു​വി​ന്റെ ദൃഷ്ടാ​ന്തങ്ങൾ സഹായി​ക്കു​ന്നത്‌ എങ്ങനെ? (ലൂക്കോസ്‌ 13:18-21) (ചിത്ര​വും കാണുക.)

¹⁶ തങ്ങളുടെ സന്ദേശ​ത്തെ​ക്കു​റിച്ച്‌ നല്ലൊരു വീക്ഷണം ഉണ്ടായി​രി​ക്കാൻ യേശു ശിഷ്യ​ന്മാ​രെ പഠിപ്പി​ച്ചു. അതു തീക്ഷ്‌ണ​ത​യോ​ടെ പ്രസം​ഗ​പ്ര​വർത്ത​ന​ത്തിൽ തുടരാൻ അവരെ സഹായി​ക്കു​മാ​യി​രു​ന്നു. യേശു പറഞ്ഞ രണ്ടു ദൃഷ്ടാ​ന്ത​ങ്ങ​ളെ​ക്കു​റിച്ച്‌ ചിന്തി​ക്കുക. (ലൂക്കോസ്‌ 13:18-21 വായി​ക്കുക.) യേശു രാജ്യ​സ​ന്ദേ​ശത്തെ ഒരു ചെറിയ കടുകു​മണി വളർന്ന്‌ വലി​യൊ​രു മരമാ​കു​ന്ന​തി​നോട്‌ ഉപമിച്ചു. യേശു അതിലൂ​ടെ സന്തോ​ഷ​വാർത്ത വലി​യൊ​രു അളവിൽ വ്യാപി​ക്കു​മെ​ന്നും അതിന്റെ വളർച്ച തടയാ​നാ​കി​ല്ലെ​ന്നും കാണി​ക്കു​ക​യാ​യി​രു​ന്നു. അതു​പോ​ലെ രാജ്യ​സ​ന്ദേ​ശത്തെ, പുളി​പ്പി​ക്കുന്ന മാവി​നോ​ടും യേശു താരത​മ്യ​പ്പെ​ടു​ത്തി. അതിലൂ​ടെ ലോക​ത്തി​ന്റെ വ്യത്യ​സ്‌ത​ഭാ​ഗ​ങ്ങ​ളിൽ രാജ്യ​സ​ന്ദേശം എത്തു​മെ​ന്നും ആളുക​ളിൽ വരുന്ന മാറ്റം, പുറമേ അത്ര ദൃശ്യ​മ​ല്ലെ​ങ്കി​ലും അതു സംഭവി​ക്കു​മെ​ന്നും യേശു പറയു​ക​യാ​യി​രു​ന്നു. അങ്ങനെ, പ്രസം​ഗ​പ്ര​വർത്തനം വലി​യൊ​രു വിജയ​മാ​കു​മെന്നു മനസ്സി​ലാ​ക്കാൻ യേശു ശിഷ്യ​ന്മാ​രെ സഹായി​ച്ചു.

17. ശുശ്രൂ​ഷ​യിൽ നല്ല മനോ​ഭാ​വം നിലനി​റു​ത്താൻ എന്തെല്ലാം കാരണ​ങ്ങ​ളുണ്ട്‌?

¹⁷ ലോക​വ്യാ​പ​ക​മാ​യി സന്തോ​ഷ​വാർത്ത എങ്ങനെ​യാണ്‌ ആളുകളെ സഹായി​ച്ചി​രി​ക്കു​ന്നത്‌ എന്നു മനസ്സി​ലാ​ക്കു​ന്നതു തീക്ഷ്‌ണ​ത​യോ​ടെ പ്രസം​ഗ​പ്ര​വർത്തനം തുടരാൻ നമ്മളെ പ്രേരി​പ്പി​ക്കു​ന്നു. ഓരോ വർഷവും ലക്ഷക്കണ​ക്കി​നു താത്‌പ​ര്യ​ക്കാ​രാ​ണു സ്‌മാ​ര​ക​ത്തി​നു കൂടി​വ​രു​ക​യും ബൈബിൾ പഠിക്കു​ക​യും ചെയ്യു​ന്നത്‌. ആയിര​ക്ക​ണ​ക്കിന്‌ ആളുകൾ സ്‌നാ​ന​മേൽക്കു​ക​യും നമ്മളോ​ടൊ​പ്പം പ്രസം​ഗ​പ്ര​വർത്ത​ന​ത്തിൽ പങ്കുപ​റ്റു​ക​യും ചെയ്യുന്നു. സന്തോ​ഷ​വാർത്ത ഇനിയും എത്ര പേർ സ്വീക​രി​ക്കു​മെന്നു നമുക്ക്‌ അറിയില്ല. എന്നാൽ മഹാക​ഷ്ട​തയെ അതിജീ​വി​ക്കുന്ന ഒരു മഹാപു​രു​ഷാ​രത്തെ യഹോവ കൂട്ടി​ച്ചേർത്തു​കൊ​ണ്ടി​രി​ക്കു​ക​യാണ്‌ എന്ന്‌ നമുക്ക്‌ അറിയാം. (വെളി. 7:9, 14) ഇനിയും ഒരുപാ​ടു പേർ സന്തോ​ഷ​വാർത്ത സ്വീക​രി​ക്കു​മെന്നു വിള​വെ​ടു​പ്പി​ന്റെ അധികാ​രിക്ക്‌ ഉറപ്പുണ്ട്‌. തുടർന്നും സന്തോ​ഷ​വാർത്ത പ്രസം​ഗി​ക്കാ​നുള്ള എത്ര നല്ലൊരു കാരണ​മാണ്‌ അത്‌!

18. നമ്മളെ​ക്കു​റിച്ച്‌ ആളുകൾ എന്തു ശ്രദ്ധി​ക്ക​ണ​മെ​ന്നാ​ണു നമ്മുടെ ആഗ്രഹം?

¹⁸ യേശു​വി​ന്റെ ശിഷ്യ​ന്മാ​രെ തിരി​ച്ച​റി​യിച്ച ഒരു കാര്യ​മാണ്‌ തീക്ഷ്‌ണ​ത​യോ​ടെ​യുള്ള അവരുടെ പ്രസം​ഗ​പ്ര​വർത്തനം. ധൈര്യ​ത്തോ​ടെ പ്രസം​ഗിച്ച അപ്പോ​സ്‌ത​ല​ന്മാ​രെ കണ്ടപ്പോൾ ‘അവർ യേശു​വി​ന്റെ​കൂ​ടെ ഉണ്ടായി​രു​ന്ന​വ​രാ​ണെന്ന്‌ ആളുകൾ തിരി​ച്ച​റി​ഞ്ഞു.’ (പ്രവൃ. 4:13) ശുശ്രൂ​ഷ​യി​ലുള്ള നമ്മുടെ പ്രവർത്തനം കാണു​മ്പോൾ യേശു​വി​ന്റെ തീക്ഷ്‌ണ​ത​യോ​ടെ​യുള്ള മാതൃ​ക​യാ​ണു നമ്മളെ​യും പ്രചോ​ദി​പ്പി​ക്കു​ന്ന​തെന്ന്‌ ആളുകൾ മനസ്സി​ലാ​ക്കട്ടെ.