1. ജീവി​ത​ത്തി​ലേക്കു തിരി​ഞ്ഞു​നോ​ക്കി​യ​പ്പോൾ അപ്പോ​സ്‌ത​ല​നായ പൗലോ​സി​നു സംതൃ​പ്‌തി തോന്നി​യത്‌ എന്തു​കൊ​ണ്ടാണ്‌?

 മരണം അടു​ത്തെ​ത്തി​യെന്നു മനസ്സി​ലാ​ക്കിയ അപ്പോ​സ്‌ത​ല​നായ പൗലോസ്‌ തന്റെ ജീവി​ത​ത്തി​ലേക്ക്‌ ഒന്നു തിരി​ഞ്ഞു​നോ​ക്കി. അദ്ദേഹ​ത്തി​നു സംതൃ​പ്‌തി തോന്നാൻ നിറയെ കാരണ​ങ്ങ​ളു​ണ്ടാ​യി​രു​ന്നു. പൗലോസ്‌ പറഞ്ഞത്‌ ഇങ്ങനെ​യാണ്‌: “ഞാൻ ഓട്ടം പൂർത്തി​യാ​ക്കി, വിശ്വാ​സ​ത്തിൽ ഉറച്ചു​നി​ന്നു.” (2 തിമൊ. 4:6-8) യഹോ​വയെ സേവി​ക്കുക എന്ന ജ്ഞാനപൂർവ​മായ തീരു​മാ​നം പൗലോസ്‌ എടുത്തു. തന്നെ ഓർത്ത്‌ യഹോവ സന്തോ​ഷി​ക്കു​ന്നു​ണ്ടെന്ന്‌ അദ്ദേഹ​ത്തിന്‌ ഉറപ്പാ​യി​രു​ന്നു. നല്ല തീരു​മാ​ന​ങ്ങ​ളെ​ടു​ക്കാ​നും ദൈവ​ത്തി​ന്റെ അംഗീ​കാ​രം നേടാ​നും നമ്മളും ആഗ്രഹി​ക്കു​ന്നു. അതു നമുക്ക്‌ എങ്ങനെ ചെയ്യാം?

2. വിശ്വാ​സ​ത്താൽ നടക്കുക എന്നതിന്റെ അർഥം എന്താണ്‌?

² പൗലോസ്‌ തന്നെക്കു​റി​ച്ചും സഹക്രി​സ്‌ത്യാ​നി​ക​ളെ​ക്കു​റി​ച്ചും ഇങ്ങനെ പറഞ്ഞു: “കാഴ്‌ച​യാ​ലല്ല വിശ്വാ​സ​ത്താ​ലാ​ണു ഞങ്ങൾ നടക്കു​ന്നത്‌.” (2 കൊരി. 5:7) പൗലോസ്‌ എന്താണ്‌ ഉദ്ദേശി​ച്ചത്‌? ബൈബി​ളിൽ ‘നടക്കുക’ എന്നു പറയു​മ്പോൾ ചില​പ്പോ​ഴൊ​ക്കെ അർഥമാ​ക്കു​ന്നത്‌, ഒരു വ്യക്തി തിര​ഞ്ഞെ​ടു​ക്കുന്ന ജീവി​ത​രീ​തി​യെ​യാണ്‌. കാഴ്‌ച​യാൽ നടക്കുന്ന ഒരു വ്യക്തി തീരു​മാ​ന​ങ്ങ​ളെ​ടു​ക്കു​ന്നതു തന്റെ ഇന്ദ്രി​യ​ങ്ങൾകൊണ്ട്‌ കാണു​ക​യും കേൾക്കു​ക​യും അനുഭ​വി​ക്കു​ക​യും ചെയ്യുന്ന കാര്യ​ങ്ങ​ളു​ടെ അടിസ്ഥാ​ന​ത്തിൽ മാത്ര​മാ​യി​രി​ക്കും. എന്നാൽ ദൈവ​മായ യഹോ​വ​യി​ലുള്ള ആശ്രയ​ത്തി​ന്റെ അടിസ്ഥാ​ന​ത്തി​ലാ​യി​രി​ക്കും, വിശ്വാ​സ​ത്താൽ നടക്കുന്ന ഒരു വ്യക്തി തീരു​മാ​ന​ങ്ങ​ളെ​ടു​ക്കു​ന്നത്‌. ദൈവം തനിക്കു പ്രതി​ഫലം തരുമെന്ന ഉറപ്പ്‌ അദ്ദേഹ​ത്തി​ന്റെ പ്രവൃ​ത്തി​ക​ളിൽ കാണും. ദൈവ​വ​ച​ന​ത്തിൽ കാണുന്ന യഹോ​വ​യു​ടെ നിർദേ​ശങ്ങൾ അനുസ​രി​ക്കു​ന്നതു തനിക്കു പ്രയോ​ജനം ചെയ്യു​മെ​ന്നും അദ്ദേഹ​ത്തിന്‌ ഉറപ്പു​ണ്ടാ​യി​രി​ക്കും.—സങ്കീ. 119:66; എബ്രാ. 11:6.

3. വിശ്വാ​സ​ത്താൽ നടക്കു​ന്ന​തു​കൊ​ണ്ടുള്ള പ്രയോ​ജ​നങ്ങൾ എന്തെല്ലാ​മാണ്‌? (2 കൊരി​ന്ത്യർ 4:18)

³ ചില​പ്പോ​ഴെ​ങ്കി​ലും കാണു​ക​യോ കേൾക്കു​ക​യോ അനുഭ​വ​പ്പെ​ടു​ക​യോ ചെയ്യുന്ന കാര്യ​ങ്ങ​ളു​ടെ അടിസ്ഥാ​ന​ത്തിൽ നമ്മൾ തീരു​മാ​ന​ങ്ങ​ളെ​ടു​ക്കും എന്നതു ശരിയാണ്‌. എന്നാൽ നമ്മൾ അതിന്റെ അടിസ്ഥാ​ന​ത്തിൽ മാത്ര​മാ​ണു പ്രധാ​ന​പ്പെട്ട കാര്യ​ങ്ങ​ളിൽ തീരു​മാ​ന​മെ​ടു​ക്കു​ന്ന​തെ​ങ്കിൽ പ്രശ്‌നങ്ങൾ ഉണ്ടാകാ​നുള്ള സാധ്യ​ത​യുണ്ട്‌. എന്തു​കൊണ്ട്‌? കാരണം നമ്മുടെ ഇന്ദ്രി​യങ്ങൾ ചില​പ്പോൾ നമ്മളെ വഞ്ചി​ച്ചേ​ക്കാം. ഇനി അതല്ലെ​ങ്കി​ലും നമ്മൾ കാഴ്‌ച​യാൽ മാത്രം നടന്നാൽ ദൈവ​ത്തി​ന്റെ ഇഷ്ടവും ദൈവ​ത്തിൽനി​ന്നുള്ള  ഉപദേ​ശ​വും നമ്മൾ അവഗണി​ച്ചേ​ക്കാം. (സഭാ. 11:9; മത്താ. 24:37-39) എന്നാൽ വിശ്വാ​സ​ത്താൽ നടക്കു​മ്പോൾ “കർത്താ​വി​നു സ്വീകാ​ര്യ​മായ” തീരു​മാ​ന​ങ്ങ​ളെ​ടു​ക്കാ​നുള്ള സാധ്യത കൂടു​ത​ലാണ്‌. (എഫെ. 5:10) ദൈവ​ത്തി​ന്റെ ഉപദേശം അനുസ​രി​ക്കു​ന്നതു നമുക്കു മനസ്സമാ​ധാ​ന​വും യഥാർഥ​സ​ന്തോ​ഷ​വും തരും. (സങ്കീ. 16:8, 9; യശ. 48:17, 18) ഇനി, തുടർന്നും വിശ്വാ​സ​ത്താൽ നടക്കു​മ്പോൾ നമ്മളെ കാത്തി​രി​ക്കു​ന്നതു നിത്യ​ജീ​വ​നാണ്‌.—2 കൊരി​ന്ത്യർ 4:18 വായി​ക്കുക.

4. താൻ വിശ്വാ​സ​ത്താ​ലാ​ണോ കാഴ്‌ച​യാ​ലാ​ണോ നടക്കു​ന്ന​തെന്ന്‌ ഒരു വ്യക്തിക്ക്‌ എങ്ങനെ മനസ്സി​ലാ​ക്കാം?

⁴ നമ്മൾ വിശ്വാ​സ​ത്താ​ലാ​ണോ കാഴ്‌ച​യാ​ലാ​ണോ നടക്കു​ന്ന​തെന്ന്‌ എങ്ങനെ അറിയാം? അതിന്‌ ഈ ചോദ്യ​ങ്ങൾ സ്വയം ചോദി​ക്കു​ന്നതു നമ്മളെ സഹായി​ക്കും: ‘ഞാൻ എന്തിന്റെ അടിസ്ഥാ​ന​ത്തി​ലാ​ണു തീരു​മാ​ന​ങ്ങ​ളെ​ടു​ക്കു​ന്നത്‌? കാണുന്ന കാര്യ​ങ്ങ​ളു​ടെ അടിസ്ഥാ​ന​ത്തിൽ മാത്ര​മാ​ണോ? അതോ യഹോ​വ​യി​ലും യഹോ​വ​യു​ടെ ഉപദേ​ശ​ങ്ങ​ളി​ലും ആശ്രയി​ച്ചു​കൊ​ണ്ടാ​ണോ?’ മൂന്നു പ്രധാ​ന​പ്പെട്ട മേഖല​ക​ളിൽ നമുക്ക്‌ എങ്ങനെ വിശ്വാ​സ​ത്താൽ നടക്കു​ന്ന​തിൽ തുടരാ​മെന്നു നോക്കാം: ജോലി തിര​ഞ്ഞെ​ടു​ക്കു​മ്പോൾ, വിവാ​ഹ​യി​ണയെ തിര​ഞ്ഞെ​ടു​ക്കു​മ്പോൾ, ദിവ്യാ​ധി​പ​ത്യ​നിർദേ​ശങ്ങൾ കിട്ടു​മ്പോൾ. ഈ ഓരോ സാഹച​ര്യ​ത്തി​ലും നല്ല തീരു​മാ​ന​ങ്ങ​ളെ​ടു​ക്കാൻ നമ്മൾ എന്തൊക്കെ ചിന്തി​ക്ക​ണ​മെ​ന്നും ചർച്ച ചെയ്യും.

ജോലി തിര​ഞ്ഞെ​ടു​ക്കു​മ്പോൾ

5. ജോലി തിര​ഞ്ഞെ​ടു​ക്കു​മ്പോൾ നമ്മൾ എന്തു മനസ്സിൽപ്പി​ടി​ക്കണം?

⁵ നമ്മു​ടെ​യും നമ്മുടെ കുടും​ബ​ത്തി​ന്റെ​യും ആവശ്യ​ങ്ങൾക്കു​വേണ്ടി കരുതാൻ നമ്മൾ എല്ലാവ​രും ആഗ്രഹി​ക്കു​ന്നു. (സഭാ. 7:12; 1 തിമൊ. 5:8) നല്ല ശമ്പളമുള്ള ജോലി ചെയ്യുന്ന ഒരാൾക്കു കുടും​ബ​ത്തി​ന്റെ ആവശ്യ​ങ്ങൾക്കു​വേണ്ടി കരുതാ​നും ഭാവി​യി​ലേ​ക്കാ​യി എന്തെങ്കി​ലും നീക്കി​വെ​ക്കാ​നും കഴി​ഞ്ഞേ​ക്കും. എന്നാൽ ശമ്പളം കുറഞ്ഞ ഒരു ജോലി​യാ​ണെ​ങ്കിൽ കുടും​ബ​ത്തി​ന്റെ അത്യാ​വ​ശ്യ​കാ​ര്യ​ങ്ങൾ നടത്തി​ക്കൊണ്ട്‌ പോകാ​നേ തികയൂ. ഒരു ജോലി സ്വീക​രി​ക്ക​ണോ വേണ്ടയോ എന്നു തീരു​മാ​നി​ക്കു​മ്പോൾ എത്ര ശമ്പളം കിട്ടും എന്നു ചിന്തി​ക്കു​ന്നത്‌ ന്യായ​മാണ്‌. എന്നാൽ ഇതിന്റെ അടിസ്ഥാ​ന​ത്തിൽ മാത്ര​മാണ്‌ തീരു​മാ​ന​മെ​ടു​ക്കു​ന്ന​തെ​ങ്കിൽ നമ്മൾ പ്രധാ​ന​മാ​യും കാഴ്‌ച​യാ​ലാ​യി​രി​ക്കും നടക്കു​ന്നത്‌.

6. ജോലി തിര​ഞ്ഞെ​ടു​ക്കേ​ണ്ടി​വ​രു​മ്പോൾ നമുക്ക്‌ എങ്ങനെ വിശ്വാ​സ​ത്താൽ നടക്കാം? (എബ്രായർ 13:5)

⁶ വിശ്വാ​സ​ത്താ​ലാ​ണു നടക്കു​ന്ന​തെ​ങ്കിൽ ആ ജോലി യഹോ​വ​യു​മാ​യുള്ള സൗഹൃ​ദത്തെ എങ്ങനെ ബാധി​ക്കു​മെ​ന്നും നമ്മൾ ചിന്തി​ക്കും. നമുക്കു സ്വയം ഇങ്ങനെ ചോദി​ക്കാം: ‘ഈ ജോലി​യിൽ യഹോവ വെറു​ക്കുന്ന എന്തെങ്കി​ലും കാര്യങ്ങൾ ഞാൻ ചെയ്യേ​ണ്ടി​വ​രു​മോ, (സുഭാ. 6:16-19) അത്‌ എന്റെ ആരാധ​ന​യ്‌ക്ക്‌ ഒരു തടസ്സമാ​കു​മോ? ഇനി കുടും​ബ​ത്തിൽനിന്ന്‌ എനിക്ക്‌ ഒരുപാ​ടു സമയം മാറി​നിൽക്കേ​ണ്ടി​വ​രു​മോ?’ (ഫിലി. 1:10) ഇതിൽ ഏതി​ന്റെ​യെ​ങ്കി​ലും ഉത്തരം ‘അതെ’ എന്നാ​ണെ​ങ്കിൽ ആ ജോലി സ്വീക​രി​ക്കാ​തി​രി​ക്കു​ന്ന​താ​ണു ജ്ഞാനം; ഒരു ജോലി കണ്ടെത്താൻ ബുദ്ധി​മു​ട്ടാ​ണെ​ങ്കിൽപ്പോ​ലും. നമ്മൾ വിശ്വാ​സ​ത്താൽ നടക്കു​മ്പോൾ യഹോവ നമ്മുടെ ആവശ്യ​ങ്ങൾക്കു​വേണ്ടി കരുതു​മെന്ന ഉറപ്പോ​ടെ​യാ​യി​രി​ക്കും നമ്മൾ തീരു​മാ​ന​ങ്ങ​ളെ​ടു​ക്കു​ന്നത്‌.—മത്താ. 6:33; എബ്രായർ 13:5 വായി​ക്കുക.

7-8. തെക്കേ അമേരി​ക്ക​യി​ലുള്ള ഒരു സഹോ​ദരൻ വിശ്വാ​സ​ത്താൽ നടന്നത്‌ എങ്ങനെ​യാണ്‌? (ചിത്ര​വും കാണുക.)

⁷ വിശ്വാ​സ​ത്താൽ നടക്കേ​ണ്ട​തി​ന്റെ പ്രാധാ​ന്യം തെക്കേ അമേരി​ക്ക​യി​ലുള്ള ഹാവ്യർ a സഹോ​ദരൻ മനസ്സി​ലാ​ക്കി​യത്‌ എങ്ങനെ​യെന്നു നോക്കാം. അദ്ദേഹം പറയുന്നു: “ഞാൻ ഒരു ജോലിക്ക്‌ അപേക്ഷി​ച്ചു. ആളുകൾ ഒരുപാ​ടു ബഹുമാ​നി​ക്കു​ക​യും ആദരി​ക്കു​ക​യും ചെയ്യുന്ന, എനിക്കു ചെയ്യാൻ ഒത്തിരി ഇഷ്ടമുള്ള ഒരു ജോലി​യാ​യി​രു​ന്നു അത്‌. എന്റെ ഇപ്പോ​ഴത്തെ ജോലി​വെച്ച്‌ നോക്കു​മ്പോൾ ഇരട്ടി ശമ്പളവും.” എങ്കിലും ഹാവ്യ​റി​നു മുൻനി​ര​സേ​വനം ചെയ്യണ​മെന്ന്‌ അതിയായ ആഗ്രഹ​മു​ണ്ടാ​യി​രു​ന്നു. അദ്ദേഹം പറയുന്നു: “ജോലി​ക്കു​വേ​ണ്ടി​യുള്ള ഇന്റർവ്യൂ​വി​നു പോകു​ന്ന​തി​നു മുമ്പ്‌ ഞാൻ യഹോ​വ​യോ​ടു സഹായ​ത്തി​നാ​യി പ്രാർഥി​ച്ചു; എനിക്ക്‌ ഏറ്റവും നല്ലത്‌ എന്താ​ണെന്ന്‌ യഹോ​വ​യ്‌ക്ക്‌ അറിയാ​മെന്ന ബോധ്യ​ത്തോ​ടെ. ഒരു സ്ഥാനക്ക​യറ്റം കിട്ടണ​മെ​ന്നും കുറെ​ക്കൂ​ടെ ശമ്പളം നേടണ​മെ​ന്നും എനിക്ക്‌ ആഗ്രഹ​മു​ണ്ടാ​യി​രു​ന്നു. എന്നാൽ അത്‌ എന്റെ ആത്മീയ​ല​ക്ഷ്യ​ങ്ങൾക്കു തടസ്സമാ​കു​മെ​ങ്കിൽ അതു വേണ്ടെ​ന്നു​വെ​ക്കാൻ ഞാൻ തീരു​മാ​നി​ച്ചി​രു​ന്നു.”

⁸ ഹാവ്യർ തുടർന്നു​പ​റ​യു​ന്നു: “മിക്കവാ​റും സമയങ്ങ​ളിൽ ഞാൻ ഓവർടൈം ചെയ്യേ​ണ്ടി​വ​രു​മെന്ന്‌ ഇന്റർവ്യൂ​വി​ന്റെ സമയത്ത്‌ മാനേജർ എന്നോടു  പറഞ്ഞു. മീറ്റി​ങ്ങും വയൽസേ​വ​ന​വും ഒക്കെ ഉള്ളതു​കൊണ്ട്‌ അതിനു പറ്റി​ല്ലെന്നു ഞാൻ ദയയോ​ടെ അദ്ദേഹ​ത്തി​നു മറുപ​ടി​കൊ​ടു​ത്തു.” അങ്ങനെ ഹാവ്യർ ആ ജോലി വേണ്ടെ​ന്നു​വെച്ചു. രണ്ടാഴ്‌ച​യ്‌ക്കു ശേഷം മുൻനി​ര​സേ​വനം തുടങ്ങി. കുറച്ച്‌ മാസങ്ങൾക്കു ശേഷം, ഹാവ്യർ ഒരു പാർട്ട്‌-ടൈം ജോലി കണ്ടെത്തി. അദ്ദേഹം പറയുന്നു: “യഹോവ എന്റെ പ്രാർഥന കേൾക്കു​ക​യും മുൻനി​ര​സേ​വനം ചെയ്യാൻ പറ്റുന്ന തരത്തി​ലുള്ള ജോലി തരുക​യും ചെയ്‌തു. ഈ ജോലി കിട്ടി​യ​തിൽ എനിക്ക്‌ ഒരുപാ​ടു സന്തോ​ഷ​മുണ്ട്‌. കാരണം കൂടുതൽ സമയം എനിക്ക്‌ ഇപ്പോൾ യഹോ​വ​യെ​യും സഹോ​ദ​ര​ങ്ങ​ളെ​യും സേവി​ക്കാൻ കഴിയു​ന്നു.”

9. ട്രെ​സോ​റി​ന്റെ അനുഭ​വ​ത്തിൽനിന്ന്‌ നിങ്ങൾ എന്താണു പഠിച്ചത്‌?

⁹ നിങ്ങൾ ഇപ്പോൾ ചെയ്യുന്ന ജോലി, വിശ്വാ​സ​ത്താൽ നടക്കു​ന്ന​തിന്‌ ഒരു തടസ്സമാ​കു​ന്നെന്നു തിരി​ച്ച​റി​യു​ന്നെ​ങ്കി​ലോ? കോം​ഗോ​യിൽനി​ന്നുള്ള ട്രെ​സോ​റി​ന്റെ അനുഭവം നോക്കുക. അദ്ദേഹം പറയുന്നു: “ആരും കൊതി​ക്കുന്ന ഒരു ജോലി​യാ​യി​രു​ന്നു എന്റേത്‌. ആളുക​ളു​ടെ ആദരവും മുമ്പു കിട്ടി​യി​രു​ന്ന​തി​നെ​ക്കാൾ മൂന്നി​രട്ടി ശമ്പളവും എനിക്കു​ണ്ടാ​യി​രു​ന്നു.” എന്നാൽ ഓവർടൈം ജോലി ചെയ്യേ​ണ്ടി​വ​ന്ന​തു​കൊണ്ട്‌ ട്രെ​സോ​റി​നു സ്ഥിരമാ​യി മീറ്റി​ങ്ങു​കൾ മുടങ്ങി. അതു​പോ​ലെ ബിസി​നെ​സ്സി​ലെ ചില കള്ളത്തരങ്ങൾ മറച്ചു​വെ​ക്കാ​നുള്ള സമ്മർദ​വും നേരി​ടേ​ണ്ടി​വന്നു. ട്രെ​സോ​റിന്‌ ആ ജോലി നിറു​ത്ത​ണ​മെ​ന്നു​ണ്ടാ​യി​രു​ന്നെ​ങ്കി​ലും വേറൊ​രു ജോലി കിട്ടാതെ വന്നാലോ എന്ന പേടി തോന്നി. അദ്ദേഹത്തെ എന്താണു സഹായി​ച്ചത്‌? ട്രെ​സോർ പറയുന്നു: “വരുമാ​നം നഷ്ടപ്പെ​ട്ടാ​ലും യഹോവ എന്റെ ആവശ്യ​ങ്ങൾക്കു​വേണ്ടി കരുതു​മെന്നു മനസ്സി​ലാ​ക്കാൻ ഹബക്കൂക്ക്‌ 3:17-19 എന്നെ സഹായി​ച്ചു. അതു​കൊണ്ട്‌ ഞാൻ ജോലി രാജി​വെച്ചു. പല തൊഴി​ലു​ട​മ​ക​ളും ചിന്തി​ക്കു​ന്നത്‌ ഉയർന്ന ശമ്പളമുള്ള ഒരു ജോലി​ക്കു​വേണ്ടി ആളുകൾ എന്തും, കുടും​ബ​ജീ​വി​ത​വും ആത്മീയ​പ്ര​വർത്ത​ന​ങ്ങ​ളും ഒക്കെ, വേണ്ടെന്നു വെക്കു​മെ​ന്നാണ്‌. എന്നാൽ യഹോ​വ​യു​മാ​യുള്ള എന്റെ ബന്ധം ഞാൻ നഷ്ടപ്പെ​ടു​ത്തി​യി​ല്ല​ല്ലോ എന്ന്‌ ഓർത്ത​പ്പോൾ എനിക്കു സന്തോഷം തോന്നി. ഒരു വർഷത്തി​നു ശേഷം അത്യാ​വ​ശ്യം കാര്യ​ങ്ങ​ളെ​ല്ലാം നടന്നു​പോ​കുന്ന, ആത്മീയ​പ്ര​വർത്ത​ന​ങ്ങൾക്കു കൂടുതൽ സമയം കിട്ടുന്ന സ്ഥിരമായ ഒരു ജോലി കണ്ടെത്താൻ യഹോവ സഹായി​ച്ചു. നമ്മൾ യഹോ​വ​യ്‌ക്ക്‌ ഒന്നാം സ്ഥാനം കൊടു​ക്കു​മ്പോൾ കുറച്ച്‌ സമയ​ത്തേക്കു സാമ്പത്തി​ക​ബു​ദ്ധി​മു​ട്ടു​കൾ ഉണ്ടായാ​ലും യഹോവ നമുക്കു​വേണ്ടി കരുതും.” അതെ, നമ്മൾ യഹോ​വ​യു​ടെ ഉപദേ​ശ​ങ്ങ​ളി​ലും വാഗ്‌ദാ​ന​ങ്ങ​ളി​ലും  ആശ്രയി​ക്കു​ക​യാ​ണെ​ങ്കിൽ വിശ്വാ​സ​ത്താൽ നടക്കാ​നും യഹോ​വ​യു​ടെ അനു​ഗ്ര​ഹങ്ങൾ നേടാ​നു​മാ​കും.

വിവാ​ഹ​യി​ണയെ തിര​ഞ്ഞെ​ടു​ക്കു​മ്പോൾ

10. വിവാ​ഹ​യി​ണയെ തിര​ഞ്ഞെ​ടു​ക്കു​മ്പോൾ ഏതെല്ലാം കാര്യങ്ങൾ ചിന്തി​ക്കു​ന്നതു പ്രധാ​ന​മാണ്‌, എന്നാൽ ഏതു കാര്യം പ്രത്യേ​കം ശ്രദ്ധി​ക്കണം?

¹⁰ വിവാഹം യഹോ​വ​യിൽനി​ന്നുള്ള ഒരു സമ്മാന​മാണ്‌. വിവാഹം കഴിക്കാൻ ആഗ്രഹം തോന്നു​ന്നതു സ്വാഭാ​വി​ക​വു​മാണ്‌. ഒരു സഹോ​ദരി താൻ വിവാഹം കഴിക്കാൻ ആഗ്രഹി​ക്കു​ന്ന​യാൾ, കാണാൻ എങ്ങനെ​യുണ്ട്‌, അദ്ദേഹ​ത്തി​ന്റെ പ്രവൃ​ത്തി​കൾ എങ്ങനെ​യു​ള്ള​താണ്‌, മറ്റുള്ളവർ അദ്ദേഹത്തെ എങ്ങനെ​യാ​ണു കാണു​ന്നത്‌, പണം കൈകാ​ര്യം ചെയ്യു​ന്നത്‌ എങ്ങനെ​യാണ്‌, കുടും​ബ​ത്തിൽ ആരെ​യെ​ങ്കി​ലും നോക്കേണ്ട ഉത്തരവാ​ദി​ത്വ​മു​ണ്ടോ, തന്നെ സന്തോ​ഷി​പ്പി​ക്കാൻ അദ്ദേഹ​ത്തി​നു കഴിയു​മോ എന്നെല്ലാം ചിന്തി​ച്ചേ​ക്കാം. b ഈ കാര്യ​ങ്ങ​ളെ​ല്ലാം പ്രധാ​ന​മാണ്‌. എന്നാൽ ഇക്കാര്യ​ങ്ങൾ മാത്ര​മാ​ണു പരിഗ​ണി​ക്കു​ന്ന​തെ​ങ്കിൽ ആ സഹോ​ദരി കാഴ്‌ച​യാ​ലാ​യി​രി​ക്കും നടക്കു​ന്നത്‌.

11. ഒരു വിവാ​ഹ​യി​ണയെ തിര​ഞ്ഞെ​ടു​ക്കേ​ണ്ടി​വ​രു​മ്പോൾ നമുക്ക്‌ എങ്ങനെ വിശ്വാ​സ​ത്താൽ നടക്കാം? (1 കൊരി​ന്ത്യർ 7:39)

¹¹ വിവാ​ഹ​യി​ണയെ തിര​ഞ്ഞെ​ടു​ക്കുന്ന കാര്യ​ത്തിൽ യഹോവ തന്നിരി​ക്കുന്ന ഉപദേശം അനുസ​രി​ക്കുന്ന സഹോ​ദ​രീ​സ​ഹോ​ദ​ര​ന്മാ​രെ കാണു​മ്പോൾ യഹോ​വ​യ്‌ക്ക്‌ എത്ര അഭിമാ​നം തോന്നും. ഉദാഹ​ര​ണ​ത്തിന്‌, ഡേറ്റിങ്ങ്‌ ചെയ്യാൻ ‘നവയൗ​വനം പിന്നി​ടു​ന്ന​തു​വരെ’ കാത്തി​രി​ക്ക​ണ​മെന്ന ബൈബി​ളി​ന്റെ ഉപദേശം അവർ അനുസ​രി​ക്കു​ന്നു. (1 കൊരി. 7:36) വിവാ​ഹ​യി​ണയെ തിര​ഞ്ഞെ​ടു​ക്കു​മ്പോൾ ഒരു നല്ല ഭർത്താ​വി​നോ ഭാര്യ​യ്‌ക്കോ ഉണ്ടായി​രി​ക്ക​ണ​മെന്ന്‌ യഹോവ പറഞ്ഞി​രി​ക്കുന്ന ഗുണങ്ങ​ളു​ണ്ടോ എന്നായി​രി​ക്കും അവർ പ്രധാ​ന​മാ​യും നോക്കു​ന്നത്‌. (സുഭാ. 31:10-13, 26-28; എഫെ. 5:33; 1 തിമൊ. 5:8) യഹോ​വ​യു​ടെ സാക്ഷി​യാ​യി സ്‌നാ​ന​മേൽക്കാത്ത ഒരു വ്യക്തി താത്‌പ​ര്യം കാണി​ച്ചാൽ “കർത്താ​വിൽ മാത്രമേ” വിവാഹം കഴിക്കാ​വൂ എന്ന 1 കൊരി​ന്ത്യർ 7:39-ലെ (വായി​ക്കുക) ഉപദേശം അവർ അനുസ​രി​ക്കും. മറ്റ്‌ ആരെക്കാ​ളും യഹോവ തങ്ങളെ വൈകാ​രി​ക​മാ​യി പിന്തു​ണ​യ്‌ക്കു​മെന്ന ഉറപ്പോ​ടെ അവർ വിശ്വാ​സ​ത്താൽ നടക്കു​ന്ന​തിൽ തുടരും.—സങ്കീ. 55:22.

12. റോസ​യു​ടെ അനുഭ​വ​ത്തിൽനിന്ന്‌ നിങ്ങൾ എന്താണു പഠിച്ചത്‌?

¹² കൊളം​ബി​യ​യി​ലെ ഒരു മുൻനി​ര​സേ​വി​ക​യായ റോസ​യു​ടെ അനുഭവം നോക്കാം. ജോലി സ്ഥലത്തുള്ള സാക്ഷി​യ​ല്ലാത്ത ഒരാൾ റോസ​യോ​ടു താത്‌പ​ര്യം കാണി​ക്കാൻതു​ടങ്ങി. റോസ​യ്‌ക്കും തിരിച്ച്‌ ഇഷ്ടം​തോ​ന്നി. അവൾ പറയുന്നു: “ഇദ്ദേഹം കൊള്ളാ​മ​ല്ലോ എന്നു ഞാൻ ചിന്തിച്ചു. തന്റെ സ്ഥലത്തുള്ള ആളുക​ളെ​യൊ​ക്കെ അദ്ദേഹം സഹായി​ക്കു​മാ​യി​രു​ന്നു. അതു​പോ​ലെ അദ്ദേഹ​ത്തി​നു പുകവലി, അമിത​മ​ദ്യ​പാ​നം പോലുള്ള മോശ​മായ ശീലങ്ങ​ളു​മി​ല്ലാ​യി​രു​ന്നു. എന്നോട്‌ അദ്ദേഹം പെരു​മാ​റിയ വിധവും എനിക്ക്‌ ഇഷ്ടപ്പെട്ടു. ഒരു സാക്ഷിയല്ല എന്നതു മാറ്റി​നി​റു​ത്തി​യാൽ ഞാൻ ആഗ്രഹി​ക്കുന്ന എല്ലാ ഗുണങ്ങ​ളും അദ്ദേഹ​ത്തി​നു​ണ്ടാ​യി​രു​ന്നു.” അവൾ ഇങ്ങനെ​യും പറഞ്ഞു: “എനിക്ക്‌ അദ്ദേഹ​ത്തോട്‌ ‘നോ’ പറയാൻ ബുദ്ധി​മു​ട്ടാ​യി​രു​ന്നു. കാരണം ഞാൻ മനസ്സു​കൊണ്ട്‌ ആഗ്രഹിച്ച ഒരു കാര്യ​മാ​യി​രു​ന്നു ഇത്‌. ആ സമയത്ത്‌ എനിക്കു വല്ലാത്ത ഒറ്റപ്പെടൽ തോന്നി. അതു​പോ​ലെ വിവാഹം കഴിക്കാൻ താത്‌പ​ര്യം ഉണ്ടായി​രു​ന്നെ​ങ്കി​ലും എനിക്ക്‌ സത്യത്തിൽനിന്ന്‌ ആരെയും കണ്ടെത്താ​നും പറ്റിയില്ല.” എങ്കിലും, കാണുന്ന കാര്യ​ങ്ങ​ളെ​ക്കു​റിച്ച്‌ മാത്രമല്ല റോസ ചിന്തി​ച്ചത്‌. ഇങ്ങനെ ഒരു തീരു​മാ​ന​മെ​ടു​ത്താൽ അത്‌ യഹോ​വ​യു​മാ​യുള്ള തന്റെ ബന്ധത്തെ എങ്ങനെ ബാധി​ക്കു​മെന്ന്‌ അവൾ ചിന്തിച്ചു. അങ്ങനെ ആ വ്യക്തി​യു​മാ​യുള്ള സഹവാസം റോസ പൂർണ​മാ​യും നിറുത്തി. എന്നിട്ട്‌ ആത്മീയ​പ്ര​വർത്ത​ന​ങ്ങ​ളിൽ തിര​ക്കോ​ടെ ഏർപ്പെ​ടു​ന്ന​തിൽ തുടർന്നു. അധികം താമസി​യാ​തെ അവളെ രാജ്യ​സു​വി​ശേ​ഷ​കർക്കുള്ള സ്‌കൂ​ളി​നു ക്ഷണിച്ചു. ഇപ്പോൾ ഒരു പ്രത്യേക മുൻനി​ര​സേ​വി​ക​യാ​യി പ്രവർത്തി​ക്കു​ക​യാണ്‌. റോസ പറയുന്നു: “യഹോവ എന്റെ ഹൃദയ​ത്തിൽ ഒരുപാ​ടു സന്തോഷം നിറച്ചു.” നമുക്ക്‌ ഒഴിവാ​ക്കാൻ ബുദ്ധി​മു​ട്ടുള്ള കാര്യ​ങ്ങ​ളിൽ വിശ്വാ​സ​ത്താൽ നടക്കു​ന്നത്‌ അത്ര എളുപ്പ​മ​ല്ലെ​ങ്കി​ലും അങ്ങനെ ചെയ്യു​ന്ന​തു​കൊണ്ട്‌ ഒരുപാ​ടു പ്രയോ​ജ​ന​ങ്ങ​ളുണ്ട്‌.

ദിവ്യാ​ധി​പ​ത്യ​നിർദേ​ശങ്ങൾ കിട്ടു​മ്പോൾ

13. ദിവ്യാ​ധി​പ​ത്യ​നിർദേ​ശങ്ങൾ കിട്ടു​മ്പോൾ നമ്മൾ എങ്ങനെ കാഴ്‌ച​യാൽ നടന്നേ​ക്കാം?

¹³ ആരാധ​ന​യോ​ടു ബന്ധപ്പെട്ട ദിവ്യാ​ധി​പ​ത്യ​നിർദേ​ശങ്ങൾ നമുക്കു പലപ്പോ​ഴും മൂപ്പന്മാ​രിൽനി​ന്നോ സർക്കിട്ട്‌ മേൽവി​ചാ​ര​ക​ന്മാ​രിൽനി​ന്നോ ബ്രാ​ഞ്ചോ​ഫീ​സിൽനി​ന്നോ ഭരണസം​ഘ​ത്തിൽനി​ന്നോ കിട്ടാ​റുണ്ട്‌. എന്നാൽ നമുക്കു കിട്ടുന്ന നിർദേ​ശ​ങ്ങ​ളു​ടെ കാരണം  ചില​പ്പോൾ മനസ്സി​ലാ​യി​ല്ലെ​ങ്കി​ലോ? അത്‌ അനുസ​രി​ച്ചാൽ ഉണ്ടാ​യേ​ക്കാ​വുന്ന ബുദ്ധി​മു​ട്ടു​ക​ളെ​ക്കു​റിച്ച്‌ മാത്ര​മാ​യി​രി​ക്കും നമ്മൾ ചിന്തി​ക്കു​ന്നത്‌. ഇനി അതു​പോ​ലെ നിർദേ​ശങ്ങൾ തരുന്ന സഹോ​ദ​ര​ങ്ങ​ളു​ടെ അപൂർണ​തകൾ മാത്രം ശ്രദ്ധി​ക്കാ​നും സാധ്യ​ത​യുണ്ട്‌. ഇങ്ങനെ​യൊ​ക്കെ ചെയ്യു​മ്പോൾ നമ്മൾ കാഴ്‌ച​യാൽ നടക്കു​ക​യാ​യി​രി​ക്കും.

14. ദിവ്യാ​ധി​പ​ത്യ​നിർദേ​ശങ്ങൾ കിട്ടു​മ്പോൾ വിശ്വാ​സ​ത്താൽ നടക്കാൻ നമ്മളെ എന്തു സഹായി​ക്കും? (എബ്രായർ 13:17)

¹⁴ കാര്യ​ങ്ങ​ളു​ടെ നിയ​ന്ത്രണം യഹോ​വ​യു​ടെ കൈയി​ലാ​ണെ​ന്നും യഹോ​വ​യ്‌ക്കു നമ്മുടെ സാഹച​ര്യ​ങ്ങൾ അറിയാ​മെ​ന്നും നമ്മൾ ഉറപ്പോ​ടെ വിശ്വ​സി​ക്കു​ക​യാ​ണെ​ങ്കിൽ നമ്മൾ വിശ്വാ​സ​ത്താൽ നടക്കു​ക​യാണ്‌. അങ്ങനെ ചെയ്യു​മ്പോൾ നല്ല മനോ​ഭാ​വ​ത്തോ​ടെ, പെട്ടെന്ന്‌ അനുസ​രി​ക്കാൻ നമ്മൾ ഒരുക്ക​മു​ള്ള​വ​രാ​യി​രി​ക്കും. (എബ്രായർ 13:17 വായി​ക്കുക.) നമ്മുടെ അനുസ​രണം സഭയുടെ ഐക്യ​ത്തി​നു സംഭാവന ചെയ്യു​മെന്നു നമുക്ക്‌ അറിയാം. (എഫെ. 4:2, 3) നേതൃ​ത്വ​മെ​ടു​ക്കുന്ന സഹോ​ദ​രങ്ങൾ അപൂർണ​രാ​ണെ​ങ്കിൽപ്പോ​ലും നമ്മുടെ അനുസ​ര​ണത്തെ യഹോവ അനു​ഗ്ര​ഹി​ക്കു​മെന്ന കാര്യ​ത്തിൽ സംശയം വേണ്ടാ. (1 ശമു. 15:22) ഇനി ആ നിർദേ​ശ​ത്തിന്‌ എന്തെങ്കി​ലും തിരുത്തൽ ആവശ്യ​മാ​ണെ​ങ്കിൽ, അതി​ന്റേ​തായ സമയത്ത്‌ യഹോവ അതു ചെയ്യു​മെ​ന്നും ഉറപ്പാണ്‌.—മീഖ 7:7.

15-16. കിട്ടിയ നിർദേ​ശ​ത്തെ​ക്കു​റിച്ച്‌ സംശയങ്ങൾ തോന്നി​യെ​ങ്കി​ലും വിശ്വാ​സ​ത്താൽ നടക്കാൻ ഒരു സഹോ​ദ​രനെ സഹായി​ച്ചത്‌ എന്താണ്‌? (ചിത്ര​വും കാണുക.)

¹⁵ വിശ്വാ​സ​ത്താൽ നടക്കു​ന്ന​തു​കൊ​ണ്ടുള്ള പ്രയോ​ജനം കാണി​ക്കുന്ന ഒരു അനുഭവം നോക്കാം. പെറു​വിൽ സ്‌പാ​നിഷ്‌ ഭാഷ പൊതു​വേ സംസാ​രി​ക്കു​ന്നു​ണ്ടെ​ങ്കി​ലും പല വീട്ടു​കാ​രും തദ്ദേശീ​യ​ഭാ​ഷകൾ സംസാ​രി​ക്കു​ന്ന​വ​രാണ്‌. അതി​ലൊ​ന്നാ​ണു ക്വെച്ചുവ. വർഷങ്ങ​ളാ​യി ക്വെച്ചുവ സംസാ​രി​ക്കുന്ന സഹോ​ദ​രങ്ങൾ അവരുടെ പ്രദേ​ശത്തെ ക്വെച്ചുവ ഭാഷക്കാ​രെ അന്വേ​ഷി​ക്കു​ക​യാ​യി​രു​ന്നു. എന്നാൽ നമ്മുടെ പ്രവർത്ത​നങ്ങൾ, അവിടത്തെ ഗവൺമെ​ന്റു​നി​യ​മ​ങ്ങൾക്കു ചേർച്ച​യിൽ കൊണ്ടു​വ​രാൻ ആളുകളെ കണ്ടെത്തുന്ന രീതി​യിൽ സംഘടന ചില മാറ്റങ്ങൾ വരുത്തി. (റോമ. 13:1) അപ്പോൾ, തങ്ങളുടെ പ്രദേ​ശത്തെ പ്രവർത്ത​നങ്ങൾ ഇനി നന്നായി നടക്കു​മോ എന്നു ചിലർ സംശയി​ച്ചു. എങ്കിലും സഹോ​ദ​രങ്ങൾ ഈ നിർദേ​ശങ്ങൾ അനുസ​രി​ച്ച​പ്പോൾ ഒരുപാ​ടു ക്വെച്ചുവ ഭാഷക്കാ​രെ  കണ്ടെത്താൻ സഹായി​ച്ചു​കൊണ്ട്‌ യഹോവ അവരെ അനു​ഗ്ര​ഹി​ച്ചു.

¹⁶ ഒരു ക്വെച്ചുവ സഭയിലെ മൂപ്പനായ കെവി​നും ഇതു​പോ​ലെ​യുള്ള ഉത്‌ക​ണ്‌ഠകൾ തോന്നി​യി​രു​ന്നു. കെവിൻ പറയുന്നു: “പുതിയ നിർദേശം കേട്ട​പ്പോൾ ക്വെച്ചുവ ഭാഷ സംസാ​രി​ക്കുന്ന ആളുകളെ ഇനി എങ്ങനെ കണ്ടെത്തു​മെന്നു ഞാൻ ചിന്തിച്ചു.” കെവിൻ എന്തു ചെയ്‌തു? അദ്ദേഹം പറയുന്നു: “എന്റെ മനസ്സി​ലേ​ക്കു​വന്ന വാക്യം സുഭാ​ഷി​തങ്ങൾ 3:5 ആണ്‌. അതു​പോ​ലെ ഞാൻ മോശ​യെ​ക്കു​റി​ച്ചും ഓർത്തു. അത്ര ബുദ്ധി​യ​ല്ലെന്നു തോന്നാ​മാ​യി​രുന്ന ഒരു നിർദേശം യഹോവ മോശ​യ്‌ക്കു കൊടു​ത്തു. ഇസ്രാ​യേ​ല്യ​രെ ഈജി​പ്‌തിൽനിന്ന്‌ ചെങ്കട​ലി​ലേക്കു നയിക്കുക എന്നതാ​യി​രു​ന്നു അത്‌. എന്നാൽ അങ്ങോട്ടു പോയാൽ അവരെ പിന്തു​ടർന്ന്‌ എത്തുന്ന ഈജി​പ്‌തു​കാ​രിൽനിന്ന്‌ രക്ഷപ്പെ​ടാ​നാ​കി​ല്ലെന്നു സ്വാഭാ​വി​ക​മാ​യും തോന്നാ​മാ​യി​രു​ന്നു. എന്നിട്ടും മോശ യഹോ​വ​യു​ടെ നിർദേശം അനുസ​രി​ച്ചു. അവരെ അത്ഭുത​ക​ര​മാ​യി രക്ഷിച്ചു​കൊണ്ട്‌ യഹോവ മോശ​യു​ടെ അനുസ​ര​ണത്തെ അനു​ഗ്ര​ഹി​ക്കു​ക​യും ചെയ്‌തു.” (പുറ. 14:1, 2, 9-11, 21, 22) അങ്ങനെ, ശുശ്രൂ​ഷ​യിൽ മാറ്റങ്ങൾ വരുത്താൻ കെവിൻ തയ്യാറാ​യി. അതു​കൊണ്ട്‌ എന്തു ഫലം ഉണ്ടാ​യെ​ന്നോ? കെവിൻ പറയുന്നു: “യഹോവ ഞങ്ങളെ എങ്ങനെ​യൊ​ക്കെ അനു​ഗ്ര​ഹി​ച്ചെന്നു കണ്ടപ്പോൾ ശരിക്കും അത്ഭുതം തോന്നി. മുമ്പൊ​ക്കെ ഒരുപാ​ടു ദൂരം നടന്നാ​ലും ക്വെച്ചുവ ഭാഷ സംസാ​രി​ക്കുന്ന ഒന്നോ രണ്ടോ ആളുകളെ മാത്രമേ കണ്ടെത്താൻ പറ്റുമാ​യി​രു​ന്നു​ള്ളൂ. എന്നാൽ ഇപ്പോൾ ക്വെച്ചുവ സംസാ​രി​ക്കുന്ന ഒരുപാട്‌ ആളുകൾ ഉള്ള പ്രദേ​ശ​ങ്ങ​ളി​ലാ​ണു ഞങ്ങൾ ശ്രദ്ധ കേന്ദ്രീ​ക​രി​ക്കു​ന്നത്‌. അതു​കൊണ്ട്‌ മുമ്പ​ത്തെ​ക്കാൾ കൂടുതൽ സംഭാ​ഷ​ണ​ങ്ങ​ളും മടക്കസ​ന്ദർശ​ന​ങ്ങ​ളും ബൈബിൾപ​ഠ​ന​ങ്ങ​ളും ഒക്കെ നടത്താൻ പറ്റുന്നു. മീറ്റി​ങ്ങി​ന്റെ ഹാജരും കൂടി.” അതെ, വിശ്വാ​സ​ത്താൽ നടക്കു​മ്പോൾ യഹോവ എല്ലായ്‌പ്പോ​ഴും നമുക്കു പ്രതി​ഫലം തരും.

17. ഈ ലേഖന​ത്തിൽനിന്ന്‌ നിങ്ങൾ എന്താണു പഠിച്ചത്‌?

¹⁷ മൂന്നു പ്രധാ​ന​പ്പെട്ട മേഖല​ക​ളിൽ എങ്ങനെ വിശ്വാ​സ​ത്താൽ നടക്കു​ന്ന​തിൽ തുടരാ​മെന്നു നമ്മൾ കണ്ടു. എന്നാൽ ജീവി​ത​ത്തി​ന്റെ എല്ലാ മേഖല​ക​ളി​ലും അതായത്‌, വിനോ​ദ​ത്തി​ന്റെ​യും വിദ്യാ​ഭ്യാ​സ​ത്തി​ന്റെ​യും കുട്ടി​കളെ വളർത്തു​ന്ന​തി​ന്റെ​യും ഒക്കെ കാര്യ​ത്തിൽ തീരു​മാ​ന​ങ്ങ​ളെ​ടു​ക്കു​മ്പോൾ നമ്മൾ വിശ്വാ​സ​ത്താൽ നടക്കേ​ണ്ട​തുണ്ട്‌. യഹോ​വ​യു​മാ​യുള്ള നമ്മുടെ ബന്ധവും യഹോ​വ​യു​ടെ ഉപദേ​ശ​വും നമ്മളെ പരിപാ​ലി​ക്കു​മെന്ന യഹോ​വ​യു​ടെ വാഗ്‌ദാ​ന​വും മനസ്സിൽപ്പി​ടി​ച്ചു​കൊ​ണ്ടാ​യി​രി​ക്കണം നമ്മൾ തീരു​മാ​ന​ങ്ങ​ളെ​ടു​ക്കേ​ണ്ടത്‌, അല്ലാതെ കാണുന്ന കാര്യ​ങ്ങ​ളിൽ മാത്രം ആശ്രയി​ച്ചാ​യി​രി​ക്ക​രുത്‌. അങ്ങനെ ചെയ്‌താൽ ‘ദൈവ​മായ യഹോ​വ​യു​ടെ നാമത്തിൽ എന്നു​മെ​ന്നേ​ക്കും നടക്കാൻ’ നമുക്കു കഴിയും.—മീഖ 4:5.