സുവർണ വർഷങ്ങ​ളോ?

ദക്ഷിണാ​ഫ്രി​ക്ക​യി​ലെ സോ​വേ​റ്റോ​യിൽ നല്ല തണുപ്പുള്ള ഒരു ശൈത്യ​കാ​ലം. സമയം രാവിലെ 6:30. എവ്‌ലിന്‌ തന്റെ കിടക്ക​യിൽനിന്ന്‌ എഴു​ന്നേൽക്കണം. a എന്നാൽ മുറികൾ ചൂടാ​ക്കാ​നുള്ള സംവി​ധാ​ന​മി​ല്ലാത്ത ആ വീട്ടിൽ അവർക്കത്‌ അങ്ങേയറ്റം ദുഷ്‌ക​ര​മാണ്‌.

വേദന കടിച്ച​മർത്തി​ക്കൊണ്ട്‌ എവ്‌ലിൻ, സന്ധിവാ​തം ബാധിച്ച തന്റെ കാൽമു​ട്ടു​കൾ മെല്ലെ കിടക്ക​യു​ടെ അറ്റത്തേക്കു നീക്കി​വെ​ക്കു​ന്നു. കിടക്ക​യിൽ എഴു​ന്നേ​റ്റി​രി​ക്കുന്ന അവർ കാലിലെ വേദന കുറയു​ന്ന​തു​വരെ കാത്തി​രി​ക്കു​ന്നു. എന്നിട്ട്‌ ഒരുവി​ധ​ത്തിൽ എഴു​ന്നേ​റ്റു​നിൽക്കു​ന്നു. അപ്പോൾ വേദന അസഹനീ​യ​മാ​കു​ന്നു. ഇടുപ്പിന്‌ താങ്ങു കൊടു​ത്തു​കൊണ്ട്‌, “തുള്ളൻ ഇഴഞ്ഞു​ന​ടക്കു”ന്നതു​പോ​ലെ എവ്‌ലിൻ ഏന്തിവ​ലിഞ്ഞ്‌ കുളി​മു​റി​യി​ലേക്കു നീങ്ങുന്നു.—സഭാ​പ്ര​സം​ഗി 12:5. b

‘വലി​യൊ​രു കാര്യം സാധിച്ചു!’ എവ്‌ലിൻ തന്നോ​ടു​തന്നെ പറയുന്നു. മറ്റൊരു ദിവസം​കൂ​ടി കാണാൻ കഴിഞ്ഞു എന്നതിനു പുറമേ വേദനി​ക്കുന്ന ശരീരം ചലിപ്പി​ക്കാ​നും സാധി​ച്ചി​രി​ക്കു​ന്നു.

എന്നിരു​ന്നാ​ലും അവർക്കു മറ്റൊരു ഉത്‌ക​ണ്‌ഠ​യുണ്ട്‌. “എന്റെ മാനസിക പ്രാപ്‌തി​കൾക്കു തകരാറു സംഭവി​ക്കു​മോ എന്നതാണ്‌ അത്‌,” എവ്‌ലിൻ പറയുന്നു. ചില​പ്പോൾ താക്കോ​ലു​കൾ എവിടെ വെച്ചു​വെന്ന്‌ അവർക്ക്‌ ഓർമ​യു​ണ്ടാ​വില്ല, എന്നിരു​ന്നാ​ലും ബുദ്ധിക്ക്‌ ഇപ്പോ​ഴും യാതൊ​രു കുഴപ്പ​വു​മില്ല. “പ്രായം​ചെന്ന മറ്റു ചിലരു​ടെ കാര്യ​ത്തി​ലെ​ന്ന​പോ​ലെ എന്റെ മനസ്സിന്റെ താളം തെറ്റരു​തേ എന്നു മാത്ര​മാണ്‌ എന്റെ പ്രാർഥന,” എവ്‌ലിൻ പറയുന്നു

ചെറു​പ്പ​മാ​യി​രു​ന്ന​പ്പോൾ എവ്‌ലിൻ പ്രായ​മാ​കു​ന്ന​തി​നെ​പ്പറ്റി ചിന്തി​ച്ചി​രു​ന്ന​തേ​യില്ല. എന്നാൽ വർഷങ്ങൾ എത്ര വേഗമാണ്‌ കൊഴി​ഞ്ഞു​പോ​യത്‌. ഇപ്പോൾ 74 വയസ്സാ​യെന്ന്‌ വേദനി​ക്കുന്ന ശരീരം അവരെ നിരന്തരം ഓർമി​പ്പി​ച്ചു​കൊ​ണ്ടി​രി​ക്കു​ന്നു.

എവ്‌ലി​നെ​ക്കാ​ളും മെച്ചമായ സാഹച​ര്യ​ങ്ങ​ളിൽ ജീവി​ക്കുന്ന, ഗുരു​ത​ര​മായ രോഗ​ത്തിൽനി​ന്നും സമ്മർദ​ത്തിൽനി​ന്നും ഒരു പരിധി​വരെ ഒഴിവു​ള്ള​വ​രാ​യി​രി​ക്കുന്ന ചിലർക്ക്‌ ജീവി​ത​സാ​യാ​ഹ്നത്തെ സുവർണ​വർഷ​ങ്ങ​ളാ​യി വീക്ഷി​ക്കാൻ കഴി​ഞ്ഞേ​ക്കും. ഗോ​ത്ര​പി​താ​വായ അബ്രാ​ഹാ​മി​നെ​പ്പോ​ലെ അവർ ‘കാലസ​മ്പൂർണ​രാ​യി [“സംതൃ​പ്‌ത​രാ​യി,” NW] നല്ല വാർദ്ധ​ക്യ​ത്തിൽ’ എത്തി​യേ​ക്കാം. (ഉല്‌പത്തി 25:8) എന്നാൽ മറ്റുള്ളവർ “ദുർദ്ദി​വസങ്ങ”ളിലൂടെ കടന്നു​പോ​കു​ന്നു. “എനിക്കു ഇഷ്ടമില്ല” അല്ലെങ്കിൽ ഞാൻ ജീവിതം ആസ്വദി​ക്കു​ന്നില്ല എന്നു മാത്രമേ അവർക്കു പറയാൻ സാധി​ക്കു​ന്നു​ള്ളൂ. (സഭാ​പ്ര​സം​ഗി 12:1) വളരെ​യ​ധി​കം ആളുകൾ വിശ്ര​മ​ജീ​വി​തത്തെ നിരാ​ശ​യോ​ടെ​യാ​ണു വീക്ഷി​ക്കു​ന്ന​തെന്ന്‌ ഒരു സർവേ​യിൽ കണ്ടെത്തി​യ​തി​നെ തുടർന്ന്‌ സുവർണ​വർഷങ്ങൾ എന്ന വിശേ​ഷണം മാറ്റി പകരം “ഇരുണ്ട കാലഘട്ടം” എന്നാക്കി​യാ​ലോ എന്ന്‌ ന്യൂസ്‌വീക്ക്‌ മാസിക അഭി​പ്രാ​യ​പ്പെട്ടു.

വാർധ​ക്യ​ത്തെ നിങ്ങൾ എങ്ങനെ​യാ​ണു വീക്ഷി​ക്കു​ന്നത്‌? പ്രായ​മാ​യവർ നേരി​ടുന്ന ചില വെല്ലു​വി​ളി​കൾ എന്തൊ​ക്കെ​യാണ്‌? മാനസിക പ്രാപ്‌തി​ക​ളു​ടെ അപചയം വാർധ​ക്യ​ത്തി​ന്റെ അനിവാ​ര്യ​ത​യാ​ണോ? സുവർണ​വർഷ​ങ്ങ​ളിൽ മനഃസ​മാ​ധാ​നം ഉന്നമി​പ്പി​ക്കാൻ എന്തു ചെയ്യാൻ കഴിയും?

[അടിക്കു​റി​പ്പു​കൾ]