യൂറോ​പ്യൻ കോടതി ഒരു അമ്മയുടെ അവകാശം ഉയർത്തി​പ്പി​ടി​ക്കു​ന്നു

ഫ്രാൻസിലെ ഉണരുക! ലേഖകൻ

ഫ്രാൻസി​ലെ സ്‌ട്രാ​സ്‌ബുർഗി​ലുള്ള യൂറോ​പ്യൻ മനുഷ്യാ​വ​കാശ കോടതി 2003 ഡിസംബർ 16-ന്‌ ശ്രദ്ധേ​യ​മായ ഒരു തീർപ്പു കൽപ്പിച്ചു—ഫ്രഞ്ച്‌ കോട​തി​കൾ മതവി​വേ​ചനം കാണി​ച്ചി​രി​ക്കു​ന്നു! യഹോ​വ​യു​ടെ സാക്ഷി​ക​ളിൽ ഒരാളായ സെറാ​ഫിൻ പോലാവ്‌-മാർട്ടി​നെത്ത്‌ എന്ന സ്‌ത്രീ​യോ​ടുള്ള ബന്ധത്തി​ലാ​യി​രു​ന്നു അത്‌.

1996-ൽ സെറാ​ഫി​നിന്‌ ഭർത്താ​വിൽനി​ന്നു വിവാ​ഹ​മോ​ചനം കിട്ടി, അതിനു രണ്ടുവർഷം മുമ്പ്‌ അയാൾ അവളെ ഉപേക്ഷി​ച്ചു​പോ​യ​താ​യി​രു​ന്നു. വിവാ​ഹ​മോ​ച​നത്തെ തുടർന്ന്‌ രണ്ടു മക്കളു​ടെ​യും സംരക്ഷ​ണാ​വ​കാ​ശം സെറാ​ഫി​നി​നാ​ണു ലഭിച്ചത്‌. എന്നാൽ ഇടയ്‌ക്കി​ടെ കുറച്ചു ദിവസം കുട്ടി​കളെ പിതാ​വി​നോ​ടൊ​പ്പം താമസി​ക്കാൻ വിടണ​മാ​യി​രു​ന്നു. എന്നാൽ 1997-ൽ, അങ്ങനെ ഒരു അവസര​ത്തിൽ പിതാവ്‌ പിന്നെ അവരെ വിട്ടു​കൊ​ടു​ക്കാൻ തയ്യാറാ​യില്ല. അപ്പോ​ഴേ​ക്കും കുട്ടികൾ അമ്മയോ​ടൊ​പ്പം കഴിയാൻ തുടങ്ങി​യിട്ട്‌ ഏകദേശം മൂന്നര വർഷമാ​യി​രു​ന്നു. സെറാ​ഫിൻ പറയുന്നു: “കുട്ടി​കളെ വീട്ടി​ലേക്കു കൂട്ടി​ക്കൊ​ണ്ടു​വ​രാ​നാ​യി ഞാൻ സ്‌കൂ​ളിൽ ചെന്ന​പ്പോൾ പ്രിൻസി​പ്പാൾ പോലീ​സി​നെ വിളി​പ്പി​ച്ചു. എന്റെ മതവി​ശ്വാ​സ​ങ്ങ​ളെ​ക്കു​റി​ച്ചു ഞാൻ മക്കളോ​ടു സംസാ​രി​ക്കു​ന്നി​ല്ലെന്ന്‌ ഉറപ്പു​വ​രു​ത്താ​നാ​യി പോലീ​സി​ന്റെ സാന്നി​ധ്യ​ത്തിൽ മാത്രമേ അവരെ കാണാൻ എന്നെ അനുവ​ദി​ച്ചു​ള്ളൂ. ഒരു കുറ്റവാ​ളി​യോ​ടെ​ന്ന​പോ​ലെ​യാണ്‌ അവർ എന്നോടു പെരു​മാ​റി​യത്‌. കുട്ടി​ക​ളോട്‌ ദൈവ​ത്തെ​യോ ബൈബി​ളി​നെ​യോ കുറിച്ചു സംസാ​രി​ക്കു​ക​യോ അവരെ ക്രിസ്‌തീയ യോഗ​ങ്ങൾക്കു കൊണ്ടു​പോ​കു​ക​യോ ചെയ്യു​ക​യി​ല്ലെന്നു സാക്ഷ്യ​പ്പെ​ടു​ത്തുന്ന ഒരു പ്രഖ്യാ​പ​ന​ത്തിൽ ഒപ്പു​വെ​ച്ചാൽ മാത്രമേ കുട്ടി​കളെ എന്നോ​ടൊ​പ്പം അയയ്‌ക്കൂ എന്നും എന്നോടു പറഞ്ഞു.”

സെറാ​ഫിൻ കോട​തി​കളെ സമീപി​ച്ചു. പക്ഷേ, 1998-ൽ നിമിലെ അപ്പീൽ കോടതി കുട്ടി​ക​ളു​ടെ സംരക്ഷ​ണാ​വ​കാ​ശം പിതാ​വി​നു നൽകി. യഹോ​വ​യു​ടെ സാക്ഷികൾ കുട്ടി​കൾക്കു നൽകു​ന്ന​താ​യി കോടതി വിശ്വ​സി​ച്ചി​രുന്ന വിദ്യാ​ഭ്യാ​സ തത്ത്വങ്ങളെ നിശി​ത​മാ​യി വിമർശി​ച്ചു​കൊ​ണ്ടും അടച്ചാ​ക്ഷേ​പി​ച്ചു​കൊ​ണ്ടും കോടതി സ്വന്തം തീരു​മാ​നത്തെ ന്യായീ​ക​രി​ച്ചു. “കുട്ടി​കളെ ക്രിസ്‌തീയ രീതി​യിൽ വളർത്തി​ക്കൊ​ണ്ടു​വ​രു​ന്ന​താണ്‌ അവർക്കു​വേണ്ടി ചെയ്യാൻ കഴിയുന്ന ഏറ്റവും നല്ല കാര്യ​മെന്നു വിചാ​രിച്ച്‌ അതിനാ​യി കിണഞ്ഞു പരി​ശ്ര​മി​ക്കു​മ്പോൾ, എന്റെ മക്കളെ ഞാൻ വഷളാ​ക്കു​ക​യാ​ണെ​ന്നുള്ള ആ ആരോ​പണം എന്നെ വല്ലാതെ മുറി​പ്പെ​ടു​ത്തി,” സെറാ​ഫിൻ അനുസ്‌മ​രി​ക്കു​ന്നു.

ഫ്രാൻസി​ലെ പരമോ​ന്നത അപ്പീൽ കോട​തി​യായ കുർ ദേ കാസേഷൻ, ആദ്യത്തെ അപ്പീൽ കോട​തി​യു​ടെ തീരു​മാ​നത്തെ അംഗീ​ക​രി​ക്കു​ക​യാ​ണു​ണ്ടാ​യത്‌. അതിനാൽ, സെറാ​ഫിൻ ഈ കേസു​മാ​യി ‘യൂറോ​പ്യൻ മനുഷ്യാ​വ​കാശ കോടതി’യെ സമീപി​ക്കാൻ തീരു​മാ​നി​ച്ചു. ഏഴംഗ ബെഞ്ചിലെ ആറു ജഡ്‌ജി​മാ​രു​ടെ​യും തീരു​മാ​നം ഇങ്ങനെ​യാ​യി​രു​ന്നു: “ഈ മാതാ​പി​താ​ക്കൾ ഉൾപ്പെട്ട കേസിൽ [ഫ്രഞ്ച്‌] അപ്പീൽ കോടതി അപേക്ഷ​ക​യു​ടെ മതത്തിന്റെ പേരിൽ പക്ഷപാ​ത​പ​ര​മാ​യി​ട്ടാണ്‌ തീർപ്പു​കൽപ്പി​ച്ച​തെന്ന്‌ [ഈ] കോട​തി​ക്കു ബോധ്യ​മാ​യി​രി​ക്കു​ന്നു. . . . ഇത്തരം പെരു​മാ​റ്റം വിവേ​ച​നാ​പ​ര​മാണ്‌.” ഫ്രഞ്ച്‌ കോട​തി​യു​ടെ തീരു​മാ​നം കുട്ടി​കളെ വളർത്തി​ക്കൊ​ണ്ടു​വ​രാ​നുള്ള സെറാ​ഫി​നി​ന്റെ പ്രാപ്‌തി​യെ​യോ—അത്‌ ഒരിക്ക​ലും ചോദ്യം ചെയ്യ​പ്പെ​ട്ടി​രു​ന്നില്ല—ഈടുറ്റ തെളി​വു​ക​ളെ​യോ അടിസ്ഥാ​ന​പ്പെ​ടു​ത്തി​യു​ള്ളത്‌ ആയിരു​ന്നി​ല്ലെ​ന്നും മറിച്ച്‌ “യഹോ​വ​യു​ടെ സാക്ഷി​ക​ളെ​ക്കു​റി​ച്ചുള്ള ഒരു ഉപരി​പ്ല​വ​മായ നിരീ​ക്ഷ​ണ​ത്തി​ന്റെ” അഥവാ പൊതു അഭി​പ്രാ​യ​ത്തി​ന്റെ അടിസ്ഥാ​ന​ത്തി​ലാ​യി​രു​ന്നെ​ന്നും കോടതി കണ്ടെത്തി. സെറാ​ഫി​നി​നോ​ടു കാണിച്ച മതപര​മായ ഈ വിവേ​ച​ന​വും അവരുടെ അവകാ​ശ​ങ്ങ​ളി​ന്മേ​ലുള്ള കടന്നു​ക​യ​റ്റ​വും കണക്കി​ലെ​ടുത്ത്‌ അവർക്കു നഷ്ടപരി​ഹാ​ര​വും കോട​തി​ച്ചെ​ല​വും നൽകാൻ മനുഷ്യാ​വ​കാശ കോടതി ഫ്രാൻസി​നോട്‌ ആവശ്യ​പ്പെട്ടു.

ഈ കോട​തി​വി​ധി, 1993 ജൂണിൽ മനുഷ്യാ​വ​കാശ കോടതി കൈ​ക്കൊണ്ട മറ്റൊരു തീർപ്പി​നു ചേർച്ച​യി​ലാ​യി​രു​ന്നു. ആ കേസിൽ യഹോ​വ​യു​ടെ സാക്ഷി​ക​ളിൽ ഒരാളായ ഇൻഗ്രിഡ്‌ ഹോഫ്‌മാ​നി​നോട്‌ അവരുടെ മതത്തിന്റെ പേരിൽ ഓസ്‌ട്രിയ പക്ഷപാ​ത​പ​ര​മാ​യി പെരു​മാ​റി​യ​താ​യി പ്രസ്‌തുത കോട​തി​ക്കു ബോധ്യ​മാ​യി​രു​ന്നു. a “ഹോഫ്‌മാൻ വിധി​ന്യാ​യ​ത്തി​നു ചേർച്ച​യിൽ, മാതാ​പി​താ​ക്ക​ളു​ടെ അധികാ​രം സംബന്ധി​ച്ചുള്ള തീരു​മാ​നത്തെ ഭരിക്കേണ്ട മുഖ്യ ഘടകം ഒരുത​ര​ത്തി​ലും മതം ആയിരി​ക്ക​രു​തെന്ന്‌ ഈ വിധി ഉറപ്പു​വ​രു​ത്തി,” ഫ്രഞ്ച്‌ ലീഗൽ മാസി​ക​യായ, ലാ സമെൻ ഷരിഡിക്‌ പറയുന്നു. സെറാ​ഫി​നി​ന്റെ അഭിഭാ​ഷകൻ ഇപ്രകാ​രം പറഞ്ഞു: “ഈ തീരു​മാ​നം അതി​പ്ര​ധാ​ന​മാണ്‌. യഹോ​വ​യു​ടെ സാക്ഷി​ക​ളായ മാതാ​പി​താ​ക്കൾക്ക്‌ പക്ഷപാ​ത​ര​ഹി​ത​മായ വിധി ലഭിക്കാ​നുള്ള അവകാശം ഉറപ്പാ​ക്കുന്ന തീർപ്പു​ക​ളാണ്‌ ഈ കോടതി എപ്പോ​ഴും കൈ​ക്കൊ​ണ്ടി​ട്ടു​ള്ളത്‌.”

സെറാ​ഫിൻ ഇപ്പോൾ സ്‌പെ​യി​നി​ലാ​ണു താമസി​ക്കു​ന്നത്‌. കോട​തി​വി​ധി സംബന്ധിച്ച്‌ എന്തു വിചാ​രി​ക്കു​ന്നു​വെന്ന ചോദ്യ​ത്തിന്‌ അവർ ഇങ്ങനെ മറുപടി പറഞ്ഞു: “ഞാനി​പ്പോൾ വളരെ സന്തോ​ഷ​വ​തി​യാണ്‌, ഒപ്പം വളരെ ആശ്വാ​സ​വു​മുണ്ട്‌. എന്റെ മതത്തിന്റെ പേരിൽ കുട്ടി​കളെ എന്നിൽനിന്ന്‌ അകറ്റി​യ​തും അഞ്ചുവർഷം അവരെ പിരി​ഞ്ഞി​രി​ക്കേ​ണ്ടി​വ​ന്ന​തും ഒക്കെ ഒരു അഗ്നിപ​രീ​ക്ഷ​യാ​യി​രു​ന്നു. പക്ഷേ യഹോവ എന്നെ എല്ലായ്‌പോ​ഴും താങ്ങി. എന്റെ അതേ സാഹച​ര്യ​ത്തി​ലുള്ള മറ്റുള്ള​വർക്കും ഈ വിധി​തീർപ്പ്‌ പ്രയോ​ജനം ചെയ്യു​മെന്നു ഞാൻ പ്രത്യാ​ശി​ക്കു​ന്നു.” (g04 11/22)

[അടിക്കു​റിപ്പ്‌]

[20-ാം പേജിലെ ചിത്രം]

സെറാഫിൻ