ബിയർ—സുവർണ പാനീ​യ​ത്തി​ന്റെ കഥ

ചെക്ക്‌ റിപ്പബ്ലി​ക്കി​ലെ ഉണരുക! ലേഖകൻ

ദാഹിച്ചു വലയുന്ന ഒരുവൻ മിക്ക​പ്പോ​ഴും എന്തിനു​വേ​ണ്ടി​യാ​യി​രി​ക്കും ഉത്‌ക​ട​മാ​യി ആഗ്രഹി​ക്കു​ന്നത്‌? പല രാജ്യ​ങ്ങ​ളി​ലുള്ള ആളുകൾക്കും, തൊഴി​ലാ​ളി​യോ ബിസി​ന​സ്സു​കാ​ര​നോ ആരുമാ​കട്ടെ, തങ്ങളുടെ പ്രിയ​പ്പെട്ട സുവർണ പാനീയം ആയിരി​ക്കും മനസ്സിൽ വരുന്നത്‌. അതിന്റെ നുരഞ്ഞു​പൊ​ന്തുന്ന പതയും കയ്‌പു​ക​ലർന്ന ആസ്വാ​ദ്യ​മായ രുചി​യും അയാൾ നാവിൽ നുണയു​ന്നു​ണ്ടാ​കും. അയാൾ സ്വയം ഇങ്ങനെ പറഞ്ഞേ​ക്കും, ‘ഒരു ഗ്ലാസ്‌ തണുത്ത ബിയറി​നു പകരം വെക്കാൻ മറ്റെന്താ​ണു​ള്ളത്‌!’

ബിയർ ഉത്‌പാ​ദ​ന​ത്തി​നു മനുഷ്യ​വർഗ​ത്തോ​ളം തന്നെ പഴക്കമുണ്ട്‌. ആയിര​ക്ക​ണ​ക്കി​നു വർഷങ്ങ​ളാ​യി അതു ജനങ്ങൾക്കു പ്രിയ​ങ്ക​ര​മാ​യി തുടരു​ന്നു. പല ദേശങ്ങ​ളി​ലും അതു സംസ്‌കാ​ര​ത്തി​ന്റെ അവിഭാ​ജ്യ ഘടകം ആയിത്തീർന്നി​രി​ക്കു​ന്നു. എന്നാൽ സങ്കടക​ര​മെന്നു പറയട്ടെ, ചില രാജ്യ​ങ്ങ​ളിൽ ബിയറി​ന്റെ അമിത​മായ ഉപയോ​ഗം പ്രശ്‌നങ്ങൾ സൃഷ്ടി​ച്ചി​രി​ക്കു​ന്നു, വിശേ​ഷിച്ച്‌ ചില യൂറോ​പ്യൻ രാജ്യ​ങ്ങ​ളിൽ. എന്നിരു​ന്നാ​ലും മിതമാ​യി ഉപയോ​ഗി​ക്കു​ന്നെ​ങ്കിൽ അതിന്റെ വിശി​ഷ്ട​മായ ഗുണങ്ങ​ളും രുചി​യും നിമിത്തം അതു തികച്ചും ആസ്വാ​ദ്യ​മാണ്‌. ഈ ജനപ്രിയ പാനീ​യ​ത്തി​ന്റെ ചരി​ത്ര​ത്തി​ലേക്ക്‌ ഒന്ന്‌ എത്തി​നോ​ക്കാം.

അതിന്‌ എത്ര​ത്തോ​ളം പഴക്കമുണ്ട്‌?

മെസൊ​പ്പൊ​ത്താ​മ്യ​യി​ലെ പുരാതന സുമേ​രി​യ​ന്മാ​രു​ടെ പ്രദേ​ശ​ത്തു​നി​ന്നു കണ്ടെടുത്ത ക്യൂനി​ഫോം ഫലകങ്ങ​ളി​ലെ സൂചന അനുസ​രിച്ച്‌ പൊതു​യു​ഗ​ത്തി​നു​മുമ്പ്‌ (പൊ.യു.മു.) മൂന്നാം സഹസ്രാ​ബ്ദ​ത്തിൽത്തന്നെ അവിടെ ബിയർ ലഭ്യമാ​യി​രു​ന്നു. അതേ കാലത്തു​തന്നെ ബാബി​ലോ​ണി​ലും ഈജി​പ്‌തി​ലും ഈ പാനീയം ഉപയോ​ഗി​ച്ചി​രു​ന്നു എന്നതി​നും സൂചന​ക​ളുണ്ട്‌. ബാബി​ലോ​ണിൽ 19 തരം ബിയറു​കൾ ഉണ്ടാക്കി​യി​രു​ന്നു. ഹമുറാ​ബി​യു​ടെ നിയമ​സം​ഹി​ത​യിൽ ബിയർ നിർമാ​ണം സംബന്ധിച്ച നിയമങ്ങൾ പോലും ഉണ്ടായി​രു​ന്നു. ബിയറി​ന്റെ വില നിർണ​യി​ച്ചി​രു​ന്നത്‌ ഈ നിയമ​ങ്ങ​ളാണ്‌. അതു ലംഘി​ച്ചാൽ മരണശി​ക്ഷ​യാ​യി​രു​ന്നു ഫലം. പുരാതന ഈജി​പ്‌തിൽ ബിയർ ഉത്‌പാ​ദനം വ്യാപ​ക​മാ​യി​രു​ന്നു, അത്‌ അവർക്കു പ്രിയ​ങ്ക​ര​മായ ഒരു പാനീ​യ​മാ​യി​രു​ന്നു. അവിടെ നടന്ന ഭൂഖനന പ്രവർത്ത​നങ്ങൾ ബിയർ ഉത്‌പാ​ദ​ന​ത്തി​നുള്ള ഏറ്റവും പഴയ നിർമാ​ണ​വി​ധി​യെ കുറി​ച്ചുള്ള വിവരങ്ങൾ വെളി​പ്പെ​ടു​ത്തി​യി​ട്ടുണ്ട്‌.

ഒടുവിൽ ബിയർ ഉത്‌പാ​ദനം യൂറോ​പ്പി​ലേ​ക്കും വ്യാപി​ച്ചു. കെൽറ്റ്‌ വർഗക്കാ​രും ജർമൻകാ​രും മറ്റു വർഗക്കാ​രും ബിയർ ഉപയോ​ഗി​ച്ചി​രു​ന്ന​താ​യി പൊതു​യു​ഗ​ത്തി​ന്റെ ആദ്യഘ​ട്ട​ങ്ങ​ളി​ലെ ചില റോമൻ ചരി​ത്ര​കാ​ര​ന്മാർ പരാമർശി​ക്കു​ന്നു. വൽഹല്ലാ​യി​ലുള്ള—നോർഡിക്‌ പുരാ​ണ​മ​നു​സ​രിച്ച്‌ മരണ​ശേഷം വീരന്മാ​രു​ടെ ആത്മാക്കൾ പോകുന്ന സ്ഥലം—വീരന്മാ​രു​ടെ പാനപാ​ത്ര​ങ്ങ​ളിൽ പോലും ബിയർ നുരഞ്ഞു​പൊ​ന്തു​ന്നുണ്ട്‌ എന്ന്‌ വൈക്കി​ങ്ങു​കൾ വിശ്വ​സി​ച്ചി​രു​ന്നു.

മധ്യയു​ഗ​ങ്ങ​ളിൽ യൂറോ​പ്പി​ലെ ബിയർ ഉത്‌പാ​ദനം കൂടു​ത​ലും സന്ന്യാസ ആശ്രമ​ങ്ങ​ളി​ലാണ്‌ നടന്നി​രു​ന്നത്‌. യൂറോ​പ്യൻ സന്ന്യാ​സി​മാർ ഹോപ്പ്‌ ചെടി​യു​ടെ ചില ഭാഗങ്ങൾ, കേടു​വ​രാ​തി​രി​ക്കു​ന്ന​തി​നുള്ള വസ്‌തു​വാ​യി ചേർത്തു​കൊണ്ട്‌ ബിയർ ഉത്‌പാ​ദന സാങ്കേ​തി​ക​വി​ദ്യ മെച്ച​പ്പെ​ടു​ത്തി. 19-ാം നൂറ്റാ​ണ്ടി​ലെ വ്യവസാ​യ​വ​ത്‌ക​ര​ണ​ത്തി​ന്റെ ഫലമായി ബിയർ ഉത്‌പാ​ദ​ന​ത്തിൽ യന്ത്രങ്ങൾ ഉപയോ​ഗി​ച്ചു തുടങ്ങി. ജനപ്രിയ പാനീ​യ​ങ്ങ​ളു​ടെ ചരി​ത്ര​ത്തിൽ ഇതൊരു നാഴി​ക​ക്ക​ല്ലാ​യി മാറി. തുടർന്ന്‌ ചില പ്രധാ​ന​പ്പെട്ട ശാസ്‌ത്രീയ കണ്ടുപി​ടി​ത്തങ്ങൾ ഉണ്ടായി.

 ബിയർ പുളി​പ്പി​ക്കു​ന്ന​തിന്‌ ഉപയോ​ഗി​ക്കുന്ന യീസ്റ്റിൽ സൂക്ഷ്‌മ​ജീ​വി​കൾ ഉണ്ടെന്ന്‌ ഫ്രഞ്ച്‌ രസത​ന്ത്ര​ജ്ഞ​നും സൂക്ഷ്‌മ​ജീ​വി​ശാ​സ്‌ത്ര​ജ്ഞ​നു​മായി​രുന്ന ലൂയി പാസ്റ്റർ കണ്ടെത്തി. ഈ കണ്ടുപി​ടി​ത്തം, പഞ്ചസാ​രയെ ആൽക്ക​ഹോൾ ആക്കി മാറ്റുന്ന പ്രക്രിയ കൂടുതൽ കൃത്യ​ത​യോ​ടെ നിയ​ന്ത്രി​ക്കുക സാധ്യ​മാ​ക്കി​ത്തീർത്തു. ഇമിൽ ക്രീസ്റ്റ്യൻ ഹാൻസൺ എന്ന ഡാനിഷ്‌ സസ്യശാ​സ്‌ത്ര​വി​ദ​ഗ്‌ധൻ ബിയർ ഉത്‌പാ​ദ​ന​രം​ഗത്ത്‌ ഏറ്റവും അറിയ​പ്പെ​ടുന്ന ഒരാളാ​യി​ത്തീർന്നു. തന്റെ ജീവി​ത​കാ​ലം മുഴുവൻ അദ്ദേഹം വ്യത്യസ്‌ത ഇനം യീസ്റ്റു​കളെ കുറിച്ചു ഗവേഷണം നടത്താ​നും അവയെ വർഗീ​ക​രി​ക്കാ​നു​മാ​യി ചെലവ​ഴി​ച്ചു. ബിയർ പോലുള്ള പാനീ​യ​ങ്ങ​ളു​ടെ ഉത്‌പാ​ദ​ന​ത്തിന്‌ ഉത്തമമായ യീസ്റ്റിന്റെ ഒരു പ്രത്യേക വകഭേദം വികസി​പ്പി​ച്ചെ​ടു​ക്കാ​നും അദ്ദേഹം ശ്രമിച്ചു. അങ്ങനെ ബിയർ ഉത്‌പാ​ദന വ്യവസാ​യ​ത്തിൽ അദ്ദേഹം അക്ഷരാർഥ​ത്തിൽത്തന്നെ വിപ്ലവം സൃഷ്ടിച്ചു.

ബിയർ ഉത്‌പാ​ദനം അത്ര ദുഷ്‌ക​ര​മായ ഒന്നാണോ? അവിശ്വ​സ​നീ​യ​മാ​യി തോന്നി​യേ​ക്കാ​മെ​ങ്കി​ലും അതേ. ഒരു ഗ്ലാസ്‌ രുചി​ക​ര​മായ ബിയറി​നു പിന്നിലെ രഹസ്യ​മെ​ന്തെന്ന്‌ നമുക്കു ഹ്രസ്വ​മാ​യി പരിചി​ന്തി​ക്കാം.

അതു നിങ്ങളു​ടെ ഗ്ലാസ്സിൽ എത്തുന്ന​തി​നു മുമ്പ്‌

ബിയർ ഉത്‌പാ​ദ​ന​ത്തി​ന്റെ സാങ്കേ​തി​ക​വി​ദ്യ​യ്‌ക്കു നൂറ്റാ​ണ്ടു​ക​ളിൽ ഉടനീളം ഗണ്യമായ മാറ്റം വന്നിട്ടുണ്ട്‌. എന്തിന്‌, ഇന്ന്‌ ഓരോ ഉത്‌പാ​ദ​ന​ശാ​ല​യും തനതു വിദ്യ​യാണ്‌ ഉപയോ​ഗി​ക്കു​ന്നത്‌. എന്നാൽ പൊതു​വേ എല്ലാ ബിയറി​ലും നാലു മുഖ്യ ചേരു​വ​ക​ളാ​ണു​ള്ളത്‌: ബാർലി, ഹോപ്പ്‌, വെള്ളം, യീസ്റ്റ്‌ എന്നിവ. ബിയർ ഉത്‌പാ​ദന പ്രക്രി​യ​യിൽ നാലു ഘട്ടങ്ങളുണ്ട്‌: മാൾട്ട്‌ ഉണ്ടാക്കൽ, വോർട്ട്‌ തയ്യാറാ​ക്കൽ, പുളി​പ്പി​ക്കൽ, മൂപ്പിക്കൽ എന്നിവ​യാണ്‌ അവ.

മാൾട്ട്‌ ഉണ്ടാക്കൽ. ബാർലി തരംതി​രിച്ച്‌ അളന്നെ​ടു​ക്കു​ന്നു. അതിലെ അപദ്ര​വ്യ​ങ്ങൾ മാറ്റി​യ​തി​നു ശേഷം മുളയ്‌ക്കു​ന്ന​തി​നു​വേണ്ടി കുതിർത്തു വെക്കുന്നു. 14 ഡിഗ്രി സെൽഷ്യസ്‌ ഊഷ്‌മാ​വിൽ അഞ്ചു മുതൽ ഏഴു വരെ ദിവസം​കൊണ്ട്‌ അതു മുളയ്‌ക്കു​ന്നു. ഈ പ്രക്രി​യ​യു​ടെ അവസാനം പച്ച മാൾട്ട്‌ ലഭിക്കു​ന്നു. അത്‌ കിൽനിങ്‌ എന്നറി​യ​പ്പെ​ടുന്ന ഉണക്കൽ പ്രക്രി​യ​യ്‌ക്കാ​യി പ്രത്യേക ചൂളക​ളി​ലേക്കു നീക്കുന്നു. ഇതിന്റെ ഫലമായി, പച്ച മാൾട്ടി​ലെ ജലാംശം രണ്ടു മുതൽ അഞ്ചു വരെ ശതമാനം കുറയു​ന്ന​തു​കൊണ്ട്‌ മുളയ്‌ക്കൽ പ്രക്രിയ നിലയ്‌ക്കു​ന്നു. ഉണക്കി​യെ​ടു​ത്ത​തി​നു ശേഷം മുളകൾ നീക്കം ചെയ്‌ത മാൾട്ട്‌ പൊടി​ച്ചെ​ടു​ക്കു​ന്നു. അത്‌ അടുത്ത ഘട്ടത്തിനു തയ്യാറാ​യി​ക്ക​ഴി​ഞ്ഞു.

വോർട്ട്‌ തയ്യാറാ​ക്കൽ. പൊടി​ച്ചെ​ടുത്ത മാൾട്ടിൽ വെള്ളം ചേർത്ത്‌ മാഷ്‌ ഉണ്ടാക്കു​ന്നു. അത്‌ സാവധാ​നം ചൂടാ​ക്കു​ന്നു. ഒരു പ്രത്യേക ഊഷ്‌മാ​വിൽ രാസാ​ഗ്നി​കൾ അന്നജത്തെ ലഘുത​ന്മാ​ത്ര​യുള്ള പഞ്ചസാ​ര​യാ​ക്കി മാറ്റുന്നു. ഈ പ്രവർത്തനം നാലു മണിക്കൂ​റിൽ കൂടുതൽ നീണ്ടു​നിൽക്കും. അങ്ങനെ ഉണ്ടാകുന്ന വോർട്ട്‌ അരി​ച്ചെ​ടു​ക്കു​ന്നു. തുടർന്ന്‌ രാസാ​ഗ്നി​ക​ളു​ടെ പ്രവർത്തനം നിലയ്‌ക്കു​ന്ന​തി​നു​വേണ്ടി വോർട്ട്‌ തിളപ്പി​ക്കു​ന്നു. ബിയറി​ന്റെ സവി​ശേ​ഷ​ത​യായ കയ്‌പു​രസം കിട്ടു​ന്ന​തി​നു​വേണ്ടി തിളയ്‌ക്കുന്ന വോർട്ടിൽ ഹോപ്പ്‌ ചേർക്കു​ന്നു. ഏകദേശം രണ്ടു മണിക്കൂർ തിളപ്പി​ച്ചിട്ട്‌ ആവശ്യ​മായ ഊഷ്‌മാ​വിൽ വോർട്ട്‌ തണുപ്പി​ച്ചെ​ടു​ക്കു​ന്നു.

പുളി​പ്പി​ക്കൽ. ബിയർ നിർമാ​ണ​ത്തി​ലെ ഏറ്റവും പ്രധാ​ന​പ്പെട്ട ഘട്ടം സാധ്യ​ത​യ​നു​സ​രിച്ച്‌ ഇതാണ്‌. വോർട്ടി​ലുള്ള ലഘുത​ന്മാ​ത്രാ പഞ്ചസാ​രയെ യീസ്റ്റ്‌ ഉപയോ​ഗിച്ച്‌ ആൽക്ക​ഹോ​ളും കാർബൺ ഡയോ​ക്‌​സൈ​ഡു​മാ​ക്കി മാറ്റുന്നു. ഈ ഘട്ടത്തിന്റെ ദൈർഘ്യ​വും ഉപയോ​ഗി​ക്കുന്ന ഊഷ്‌മാ​വും ബിയറി​ന്റെ ഇനം—എയ്‌ൽ അല്ലെങ്കിൽ ലേഗർ—അനുസ​രിച്ച്‌ വ്യത്യാ​സ​പ്പെ​ട്ടി​രി​ക്കും. ഏതായാ​ലും ഇതിന്‌ ഒരു ആഴ്‌ച​യിൽ കൂടുതൽ വേണ്ടി​വ​രില്ല. പച്ച ബിയർ എന്നു വിളി​ക്ക​പ്പെ​ടുന്ന പാകമാ​കാത്ത ബിയർ  മൂപ്പി​ക്കു​ന്ന​തി​നു​വേണ്ടി സംഭരണ അറകളി​ലെ ടാങ്കു​ക​ളി​ലേക്കു മാറ്റുന്നു.

മൂപ്പിക്കൽ. ഈ ഘട്ടത്തിൽ ബിയറിന്‌ അതിന്റെ സവിശേഷ രുചി​യും ഗന്ധവും കിട്ടുന്നു. സ്വാഭാ​വി​ക​മാ​യി ഉത്‌പാ​ദി​പ്പി​ക്ക​പ്പെ​ടുന്ന കാർബൺ ഡയോ​ക്‌​സൈഡ്‌ ബിയറി​നു തിളക്കം നൽകുന്നു. ബിയർ മൂത്തു​വ​രാൻ മൂന്ന്‌ ആഴ്‌ച മുതൽ ഏതാനും മാസങ്ങൾ വരെ എടു​ത്തേ​ക്കാം. ഇതും ബിയറി​ന്റെ ഇനത്തെ ആശ്രയി​ച്ചി​രി​ക്കും. ഒടുവിൽ പാകമായ ബിയർ വീപ്പക​ളിൽ അല്ലെങ്കിൽ കുപ്പി​ക​ളിൽ നിറച്ച്‌ വിപണ​ന​ശാ​ല​ക​ളി​ലേക്ക്‌ അയയ്‌ക്കു​ന്നു. ഒരുപക്ഷേ അവസാനം അത്‌ നിങ്ങളു​ടെ മേശപ്പു​റ​ത്താ​യി​രി​ക്കാം എത്തി​ച്ചേ​രു​ന്നത്‌. ശരി, നിങ്ങൾക്ക്‌ ഏത്‌ ഇനം ബിയറാണ്‌ വേണ്ടത്‌?

ബിയർ—ഒരു ബഹുമുഖ പാനീയം

ബിയറു​കൾ തമ്മിൽ ഗണ്യമായ വ്യത്യാ​സം ഉണ്ട്‌. ഇളം നിറത്തി​ലു​ള്ള​തോ കടും​നി​റ​ത്തി​ലു​ള്ള​തോ, മധുര​മു​ള്ള​തോ കയ്‌പു​ള്ള​തോ, ബാർലി​യിൽനിന്ന്‌ ഉണ്ടാക്കി​യ​തോ ഗോത​മ്പിൽനിന്ന്‌ ഉണ്ടാക്കി​യ​തോ എന്നിങ്ങനെ വ്യത്യസ്‌ത തരത്തി​ലുള്ള ബിയറു​കൾ ലഭ്യമാണ്‌. ഉപയോ​ഗിച്ച വെള്ളത്തി​ന്റെ ഗുണം, മാൾട്ടി​ന്റെ മെച്ചം, അവലം​ബിച്ച സാങ്കേ​തി​ക​വി​ദ്യ, ഉത്‌പാ​ദ​ന​ത്തിന്‌ ഉപയോ​ഗിച്ച യീസ്റ്റ്‌ എന്നിങ്ങനെ നിരവധി ഘടകങ്ങളെ ആശ്രയി​ച്ചി​രി​ക്കു​ന്നു ബിയറി​ന്റെ സ്വാദ്‌.

ഏറ്റവും വിശി​ഷ്ട​മായ ബിയറു​ക​ളിൽ ഒന്നാണ്‌ മങ്ങിയ നിറമുള്ള, പിൽസ്‌നർ (അല്ലെങ്കിൽ പിൽസ്‌) എന്ന ലേഗർ ബിയർ. ലോക​മെ​മ്പാ​ടു​മുള്ള നൂറു​ക​ണ​ക്കി​നു നിർമാ​ണ​ശാ​ല​ക​ളിൽ ഈ ഇനം ബിയർ ഉത്‌പാ​ദി​പ്പി​ക്കു​ന്നുണ്ട്‌. എന്നിരു​ന്നാ​ലും ചെക്ക്‌ റിപ്പബ്ലി​ക്കി​ലെ പൽസെന്യ അഥവാ പിൽസൻ പട്ടണത്തി​ലുള്ള ബിയർ ഉത്‌പാ​ദ​ന​ശാ​ല​യിൽ ഉണ്ടാക്കു​ന്ന​താണ്‌ യഥാർഥ പിൽസ്‌നർ ബിയർ. ഇതിന്റെ ഉത്‌പാ​ദന രഹസ്യം കുടി​കൊ​ള്ളു​ന്നത്‌ അവലം​ബി​ക്കുന്ന സാങ്കേ​തി​ക​വി​ദ്യ​യിൽ മാത്രമല്ല, മൃദു​ജലം (കാൽസ്യം, ഇരുമ്പ്‌, മഗ്നീഷ്യം തുടങ്ങിയ ലോഹ​ങ്ങ​ളു​ടെ വിലയി​ക്ക​പ്പെട്ട ലവണങ്ങൾ അടങ്ങി​യി​ട്ടി​ല്ലാത്ത വെള്ളം), ഉയർന്ന ഗുണ​മേ​ന്മ​യുള്ള മാൾട്ട്‌, ശരിയായ തരത്തി​ലുള്ള യീസ്റ്റ്‌ എന്നീ ഘടക വസ്‌തു​ക്ക​ളിൽ കൂടെ​യാണ്‌.—ഇതോ​ടൊ​പ്പ​മുള്ള ചതുരം കാണുക.

ജർമൻകാർക്കു വളരെ പ്രിയ​ങ്ക​ര​മായ വൈസ്‌ ആണ്‌ മറ്റൊരു വിശി​ഷ്ട​മായ ബിയർ. ഇത്‌ ഗോതമ്പു മാൾട്ടിൽ നിന്നാണ്‌ ഉത്‌പാ​ദി​പ്പി​ക്കു​ന്നത്‌. ബ്രിട്ട​നി​ലെ ജനപ്രിയ ബിയറു​കൾ സ്റ്റൗട്ടും പോർട്ട​റു​മാണ്‌. പോർട്ടർ ലഹരി കൂടു​ത​ലുള്ള, മുകളിൽ പുളി​പ്പി​ക്കുന്ന യീസ്റ്റ്‌ ഉപയോ​ഗിച്ച്‌ (പുളി​പ്പി​ച്ച​ശേഷം യീസ്റ്റ്‌  പാത്ര​ത്തി​ന്റെ അടിയിൽനിന്ന്‌ ഉപരി​ത​ല​ത്തി​ലേക്കു വരുന്നു) ഉണ്ടാക്കുന്ന ബിയറാണ്‌. വറു​ത്തെ​ടുത്ത മാൾട്ടിൽനിന്ന്‌ ഉണ്ടാക്കു​ന്ന​തു​കൊണ്ട്‌ ഈ പാനീ​യ​ത്തിന്‌ കൂടുതൽ ഇരുണ്ട നിറമാ​ണു​ള്ളത്‌. 18-ാം നൂറ്റാ​ണ്ടിൽ ലണ്ടനി​ലാണ്‌ ആദ്യമാ​യി പോർട്ടർ ഉത്‌പാ​ദി​പ്പി​ച്ചത്‌. പോർട്ടർമാ​രെ​പ്പോ​ലെ, കഠിനാ​ധ്വാ​നം ചെയ്യുന്ന ആളുകൾക്ക്‌ “പോഷണം” എന്ന നിലയി​ലാ​യി​രു​ന്നു അതിന്റെ തുടക്കം. ഇരുണ്ട നിറവും കൂടുതൽ കടുപ്പ​വു​മുള്ള സ്റ്റൗട്ട്‌ പരമ്പരാ​ഗത പോർട്ട​റി​ന്റെ ഒരു വകഭേ​ദ​മാണ്‌. അയർലൻഡി​ലും ലോക​മൊ​ട്ടാ​കെ​യും സ്റ്റൗട്ട്‌

ബിയറി​നു പ്രശസ്‌തി നേടി​ക്കൊ​ടു​ത്തത്‌ ഗിന്നസ്‌ കുടും​ബ​മാണ്‌. നിങ്ങൾക്ക്‌ മധുര​മുള്ള, ലാക്ടോസ്‌ (പാലിൽ അടങ്ങി​യി​ട്ടുള്ള പഞ്ചസാര) കലർന്ന ഇംഗ്ലീഷ്‌ സ്റ്റൗട്ടോ അല്ലെങ്കിൽ കൂടുതൽ ആൽക്ക​ഹോൾ കലർന്ന, കയ്‌പു​ര​സ​മുള്ള ഐറിഷ്‌ സ്റ്റൗട്ടോ കഴിക്കാം.

ബിയർ ഉപഭോ​ക്താ​ക്കൾക്കു താത്‌പ​ര്യ​മുള്ള മറ്റൊരു സംഗതി അത്‌ ഉപയോ​ഗി​ക്കുന്ന വിധമാണ്‌, അത്‌ ഒരു കുപ്പി​യിൽനി​ന്നാ​ണോ കാനിൽനി​ന്നാ​ണോ അതോ വീപ്പയിൽനി​ന്നാ​ണോ എടുക്കു​ന്നത്‌ എന്നതു പോലുള്ള കാര്യങ്ങൾ. അമേരി​ക്ക​ക്കാർക്ക്‌ നന്നായി തണുത്ത ബിയറാണ്‌ പൊതു​വേ ഇഷ്ടം. മറ്റു ചിലർക്ക്‌ സാധാരണ ഊഷ്‌മാ​വി​ലോ അല്ലെങ്കിൽ അൽപ്പം തണുത്തോ ബിയർ വിൽപ്പ​ന​ശാ​ല​യിൽ സൂക്ഷി​ച്ചി​രി​ക്കുന്ന വീപ്പക​ളിൽനി​ന്നു നേരിട്ടു കിട്ടു​ന്ന​താണ്‌ പ്രിയം.

ബിയർ ശരിക്കും ഒരു ബഹുമുഖ പാനീ​യ​മാണ്‌. മിതമായ അളവി​ലാണ്‌ അത്‌ ഉപയോ​ഗി​ക്കു​ന്ന​തെ​ങ്കിൽ ആരോ​ഗ്യ​പ​ര​മായ ചില പ്രയോ​ജ​നങ്ങൾ ഉണ്ടാ​യേ​ക്കാം. വാസ്‌ത​വ​ത്തിൽ അതിൽ റൈ​ബോ​ഫ്‌ളാ​വിൻ, ഫോളിക്‌ ആസിഡ്‌, ക്രോ​മി​യം, സിങ്ക്‌ തുടങ്ങിയ പ്രധാ​ന​പ്പെട്ട ജീവക​ങ്ങ​ളും ധാതു​ക്ക​ളും അടങ്ങി​യി​ട്ടുണ്ട്‌. ബിയർ മിതമാ​യി ഉപയോ​ഗി​ക്കു​ന്നത്‌ ഹൃദയ​സം​ബ​ന്ധ​മായ രോഗ​ങ്ങ​ളെ​യും ത്വക്കിലെ ക്രമ​ക്കേ​ടു​ക​ളെ​യും പ്രതി​രോ​ധി​ക്കാൻ സഹായി​ക്കും എന്നാണ്‌ ചില ആധികാ​രിക ഉറവി​ടങ്ങൾ പറയു​ന്നത്‌. ലഭ്യമാ​യി​ട്ടുള്ള ഇനങ്ങളി​ലും തരങ്ങളി​ലും​നിന്ന്‌ നന്നായി തിര​ഞ്ഞെ​ടു​ക്കു​ക​യും സമനി​ല​യോ​ടെ ഉപയോ​ഗി​ക്കു​ക​യും ചെയ്യു​ന്നെ​ങ്കിൽ രുചി​ക​ര​വും നവോ​ന്മേ​ഷ​പ്ര​ദ​വു​മായ ഈ പാനീയം ആസ്വാ​ദ്യ​മാ​യി​രു​ന്നേ​ക്കാം. അടുത്ത തവണ ഗ്ലാസ്സിൽ നുരഞ്ഞു പൊന്തുന്ന സുവർണ പാനീ​യ​ത്തി​നു മുമ്പിൽ ഇരിക്കു​മ്പോൾ അതിന്റെ ആകർഷ​ക​മായ ചരിത്രം ഓർക്കു​മ​ല്ലോ! (g04 7/8)

[21-ാം പേജിലെ ചതുരം/ചിത്രം]

മുഖ്യ കഥാപാ​ത്ര​ങ്ങൾ

പണ്ട്‌ ബിയർ ഉത്‌പാ​ദ​ന​ത്തിൽ അനവധി മേഖല​ക​ളി​ലുള്ള വിദഗ്‌ധർ ഉൾപ്പെ​ട്ടി​രു​ന്നു. അവരിൽ ചിലരെ പരിച​യ​പ്പെ​ടാം.

◼ മാൾട്ട്‌ ഉത്‌പാ​ദകൻ—ബിയർ ഉത്‌പാ​ദന നാടക​ത്തി​ലെ പ്രഥമ നടൻ. ബാർലി​യിൽനി​ന്നോ ഗോത​മ്പിൽനി​ന്നോ മാൾട്ട്‌ ഉണ്ടാക്കുക എന്നതാ​യി​രു​ന്നു ഇദ്ദേഹ​ത്തി​ന്റെ ധർമം. ധാന്യം മുളപ്പി​ക്കു​ന്ന​തി​നും പച്ച മാൾട്ട്‌ ഉണക്കു​ന്ന​തി​നും അദ്ദേഹം മേൽനോ​ട്ടം വഹിച്ചു. ബിയറി​ന്റെ രുചി പ്രധാ​ന​മാ​യും മാൾട്ടി​ന്റെ ഗുണത്തെ ആശ്രയി​ച്ചി​രി​ക്കു​ന്ന​തി​നാൽ അദ്ദേഹ​ത്തി​ന്റേത്‌ വളരെ പ്രധാ​ന​പ്പെട്ട ഉത്തരവാ​ദി​ത്വ​മാ​യി​രു​ന്നു.

◼ കാച്ചുന്ന ആൾ (മുകളിൽ കാണി​ച്ചി​രി​ക്കു​ന്നു)—തിളപ്പി​ക്ക​ലി​ന്റെ ഉത്തരവാ​ദി​ത്വം ഉണ്ടായി​രുന്ന ആൾ. പൊടി​ച്ചെ​ടുത്ത മാൾട്ട്‌ ആദ്യം വെള്ളത്തിൽ കലർത്തു​ക​യും പിന്നീട്‌ അതു തിളപ്പി​ക്കു​മ്പോൾ ഹോപ്പ്‌ ചെടി​യു​ടെ ചില ഭാഗങ്ങൾ ചേർക്കു​ക​യും ചെയ്യു​മാ​യി​രു​ന്നു. ഈ പ്രക്രി​യ​യു​ടെ അന്തിമ​ഫ​ല​മാ​യി വോർട്ട്‌ ഉണ്ടാകു​ന്നു.

◼ ബിയർനി​ലവറ മേൽനോ​ട്ട​ക്കാ​രൻ—വലിയ പാത്ര​ങ്ങ​ളി​ലാ​ക്കിയ ബിയർ പുളി​പ്പി​ക്കു​ന്ന​തി​ന്റെ​യും ലേഗറിങ്‌ അറയിൽ അതു മൂപ്പി​ക്കു​ന്ന​തി​ന്റെ​യും മേൽനോ​ട്ടം വഹിച്ചി​രുന്ന പരിച​യ​സ​മ്പ​ന്ന​നായ ഒരു വിദഗ്‌ധൻ. നിർമാ​ണം പൂർത്തി​യായ ബിയർ ചെറിയ പാത്ര​ങ്ങ​ളി​ലേക്കു മാറ്റു​ന്ന​തും അദ്ദേഹ​മാ​യി​രു​ന്നു.

[കടപ്പാട്‌]

S laskavým svolením Pivovarského muzea v Plzni

[22-ാം പേജിലെ ചതുരം/ചിത്രങ്ങൾ]

പിൽസ്‌നർ—ഏറ്റവു​മ​ധി​കം അനുക​രി​ക്ക​പ്പെ​ട്ടി​ട്ടുള്ള ഒറിജി​നൽ

1295-ൽ ബൊഹീ​മി​യ​യി​ലെ രാജാ​വാ​യി​രുന്ന വെൻസെ​സ്ലോസ്‌ രണ്ടാമൻ, പിൽസൻ പട്ടണം നിർമിച്ച്‌ അധികം കഴിയു​ന്ന​തി​നു മുമ്പു​തന്നെ പിൽസ​നി​ലെ 260 പ്രജകൾക്ക്‌ ബിയർ ഉത്‌പാ​ദി​പ്പി​ക്കാ​നുള്ള അവകാശം നൽകി. തുടക്ക​ത്തിൽ അവർ തങ്ങളുടെ വീടു​ക​ളി​ലാണ്‌ ബിയർ ഉത്‌പാ​ദി​പ്പി​ച്ചി​രു​ന്നത്‌, കുറഞ്ഞ അളവിൽ മാത്രം. എന്നാൽ പിന്നീട്‌ അവർ കച്ചവട സംഘങ്ങൾ സംഘടി​പ്പി​ക്കു​ക​യും ബിയർ ഉത്‌പാ​ദ​ന​ശാ​ലകൾ സ്ഥാപി​ക്കു​ക​യും ചെയ്‌തു. പക്ഷേ കാലാ​ന്ത​ര​ത്തിൽ ബൊഹീ​മി​യ​യു​ടെ സമ്പദ്‌വ്യ​വ​സ്ഥ​യ്‌ക്കും സംസ്‌കാ​ര​ത്തി​നും അപചയം സംഭവി​ച്ചു. ഇത്‌ ബിയർ ഉത്‌പാ​ദ​ന​ത്തെ​യും പ്രതി​കൂ​ല​മാ​യി ബാധിച്ചു. പരമ്പരാ​ഗത സാങ്കേ​തി​ക​വി​ദ്യ അവഗണിച്ച്‌ സ്വന്തം നിർമാ​ണ​വി​ധി​കൾ ഉപയോ​ഗി​ച്ചു​കൊണ്ട്‌ അവർ ബിയർ നിർമി​ച്ചു. പക്ഷേ പലപ്പോ​ഴും, സ്വാദി​ല്ലാ​ത്ത​തും എന്തിന്‌, ബിയർ എന്നു വിളി​ക്കാൻ പോലും യോഗ്യ​ത​യി​ല്ലാ​ത്ത​തു​മായ പാനീ​യ​ങ്ങ​ളാ​യി​രു​ന്നു അവ.

ആ സമയത്ത്‌ യൂറോ​പ്പിൽ രണ്ടുതരം ബിയറു​കൾ ഉത്‌പാ​ദി​പ്പി​ക്ക​പ്പെട്ടു. ബൊഹീ​മി​യ​യിൽ വിശേ​ഷി​ച്ചും മുകളിൽ പുളി​പ്പി​ക്കുന്ന ബിയർ പ്രചരി​ച്ച​പ്പോൾ ബവേറി​യ​യിൽ വളരെ കൂടുതൽ മേന്മയുള്ള അടിയിൽ പുളി​പ്പി​ക്കുന്ന ബിയറാണ്‌ പ്രസിദ്ധി നേടി​യത്‌. ബവേറി​യൻ ലേഗറു​ക​ളും പിൽസൻ ബിയറു​ക​ളും തമ്മിൽ വളരെ വ്യത്യാ​സം ഉണ്ടായി​രു​ന്നു.

1839-ൽ ഒരു വഴിത്തി​രി​വു​ണ്ടാ​യി. ഏതു വിധേ​ന​യും സാഹച​ര്യം മെച്ച​പ്പെ​ടു​ത്താൻ പിൽസ​നി​ലെ 200-ഓളം പൗരന്മാർ തീരു​മാ​നി​ച്ചു. അടിയിൽ പുളി​പ്പി​ക്കുന്ന അഥവാ ബവേറി​യൻ രീതി​യിൽ മാത്രം ബിയർ ഉണ്ടാക്കുന്ന ബർഗസ്സ്‌ ബിയർ ഉത്‌പാ​ദ​ന​ശാല അവർ സ്ഥാപിച്ചു. ബിയർ ഉത്‌പാ​ദന രംഗത്ത്‌ പ്രസി​ദ്ധ​നാ​യി​രുന്ന ബവേറി​യ​ക്കാ​ര​നായ യോസഫ്‌ ഗ്രോ​ളി​നെ അവർ ക്ഷണിച്ചു. അദ്ദേഹം പരമ്പരാ​ഗത ബവേറി​യൻ ബിയർ നിർമി​ക്കാൻ പെട്ടെ​ന്നു​തന്നെ ശ്രമം തുടങ്ങി. എന്നാൽ ഫലം വ്യത്യ​സ്‌ത​മാ​യി​രു​ന്നു, പക്ഷേ അദ്ദേഹം പ്രതീ​ക്ഷി​ച്ച​തി​ലും മെച്ചമാ​യി​രു​ന്നു പുതിയ ബിയർ. ഗ്രോ​ളി​ന്റെ പരിച​യ​സ​മ്പ​ത്തും വളരെ മേന്മയുള്ള ചേരു​വ​ക​ളും കൂടെ ആയപ്പോൾ ലോകത്തെ കീഴട​ക്കിയ ഒരു ഉത്‌പ​ന്ന​ത്തി​ന്റെ പിറവി​യാ​യി​രു​ന്നു ഫലം. എന്തു​കൊണ്ട്‌? അതിന്റെ അനന്യ​മായ രുചി​യും നിറവും സുഗന്ധ​വും നിമിത്തം. എന്നിരു​ന്നാ​ലും പിൽസൻ ബിയറി​ന്റെ പ്രശസ്‌തി അതി​ന്റേ​തായ ചില പ്രശ്‌ന​ങ്ങ​ളും സൃഷ്ടിച്ചു. പല ബിയർ ഉത്‌പാ​ദ​ക​രും ഈ പുതിയ സംഭവ​വി​കാ​സ​ത്തിൽനി​ന്നു നേട്ടമു​ണ്ടാ​ക്കാൻ തങ്ങളുടെ ഉത്‌പ​ന്ന​ങ്ങൾക്കും പിൽസ്‌നർ എന്നുതന്നെ പേരിട്ടു. അങ്ങനെ പിൽസ്‌നർ പ്രശസ്‌ത​മാ​യെന്നു മാത്രമല്ല, സുവർണ പാനീ​യ​ങ്ങ​ളിൽ ഏറ്റവു​മ​ധി​കം അനുക​രി​ക്ക​പ്പെട്ട ഒന്ന്‌ ആയിത്തീ​രു​ക​യും ചെയ്‌തു.

[ചിത്രങ്ങൾ]

യോസഫ്‌ ഗ്രോൾ

പിൽസനിലെ ഒരു ബിയർ ഉത്‌പാ​ദ​ന​ശാ​ല​യി​ലെ ജലസം​ഭ​ര​ണി

[കടപ്പാട്‌]

S laskavým svolením Pivovarského muzea v Plzni

[20-ാം പേജിലെ മാപ്പ്‌]

(പൂർണ​രൂ​പ​ത്തിൽ കാണു​ന്ന​തിന്‌ പ്രസി​ദ്ധീ​ക​രണം നോക്കുക)

പിൽസൻ

[20, 21 പേജു​ക​ളി​ലെ ചിത്രം]

റൊട്ടിയും ബിയറും ഉണ്ടാക്കു​ന്നതു ചിത്രീ​ക​രി​ക്കുന്ന ഒരു ഈജി​പ്‌ഷ്യൻ ശിൽപ്പം

[കടപ്പാട്‌]

Su concessione del Ministero per i Beni e le Attività Culturali - Museo Egizio - Torino

[23-ാം പേജിലെ ചിത്രങ്ങൾ]

ഹോപ്പും മാൾട്ടും ഒരു ബിയർ ഉത്‌പാ​ദ​ന​ശാ​ല​യും