ആ ഉടമ്പടി​യി​ലെ വ്യവസ്ഥ​ക​ള​നു​സ​രിച്ച്‌ ഒരു പുതിയ സംഘടന രൂപീ​ക​രി​ച്ചു, സർവരാ​ജ്യ സഖ്യം. “സാർവ​ദേ​ശീയ സഹകരണം ഉറപ്പാ​ക്കാ​നും സാർവ​ദേ​ശീയ സമാധാ​ന​വും സുരക്ഷി​ത​ത്വ​വും കൈവ​രി​ക്കാ​നും” ആയിരു​ന്നു അതു ലക്ഷ്യം വെച്ചത്‌. ക്രൈ​സ്‌ത​വ​ലോ​ക​ത്തി​ലെ പല മതങ്ങളും ആ സംഘട​നയെ പിന്താങ്ങി. അമേരി​ക്ക​യി​ലെ ക്രൈ​സ്‌ത​വ​സ​ഭ​ക​ളു​ടെ കൗൺസിൽ “ദൈവ​രാ​ജ്യ​ത്തെ പ്രതി​നി​ധീ​ക​രി​ക്കുന്ന ഭൂമി​യി​ലെ രാഷ്ട്രീ​യ​സം​ഘടന” എന്നു വിളി​ച്ചു​കൊണ്ട്‌ ആ സംഘട​നയെ പുകഴ്‌ത്തി. കൂടാതെ, പാരീസ്‌ സമാധാ​ന​സ​മ്മേ​ള​ന​ത്തി​നു പ്രതി​നി​ധി​കളെ അയച്ചു​കൊണ്ട്‌ ഈ കൗൺസിൽ സർവരാ​ജ്യ​സ​ഖ്യ​ത്തോ​ടുള്ള പിന്തുണ തെളി​യി​ച്ചു. ഈ സമ്മേളനം “ലോക​ച​രി​ത്ര​ത്തിൽ ഒരു പുതിയ യുഗത്തി​നു തുടക്കം കുറിച്ചു” എന്ന്‌ ആ പ്രതി​നി​ധി​ക​ളിൽ ഒരാൾ പറഞ്ഞു.

1919-ൽ ഒരു പുതിയ യുഗം പിറക്കു​ക​യാ​യി​രു​ന്നു. എന്നാൽ അത്‌ ആ സമാധാ​ന​സ​മ്മേ​ള​ന​ത്തിൽ പങ്കുപ​റ്റിയ ആളുക​ളു​ടെ ശ്രമഫ​ല​മാ​യിട്ട്‌ അല്ലായി​രു​ന്നു. പകരം, അതു പ്രസം​ഗ​പ്ര​വർത്ത​ന​ത്തി​ന്റെ ചരി​ത്ര​ത്തി​ലെ ഒരു പുതു​യു​ഗ​ത്തി​ന്റെ പിറവി​യാ​യി​രു​ന്നു. മുമ്പൊ​രി​ക്ക​ലും നടന്നി​ട്ടി​ല്ലാ​ത്ത​തു​പോ​ലെ​യുള്ള പ്രസം​ഗ​പ്ര​വർത്ത​ന​ത്തിന്‌ യഹോവ തന്റെ ജനത്തെ ശക്തി​പ്പെ​ടു​ത്തി. എന്നാൽ അതിന്‌ ആദ്യം, ബൈബിൾവി​ദ്യാർഥി​ക​ളു​ടെ അപ്പോ​ഴത്തെ സാഹച​ര്യ​ത്തിന്‌ ഒരു മാറ്റം ആവശ്യ​മാ​യി​രു​ന്നു.

വാച്ച്‌ടവർ ബൈബിൾ ആന്റ്‌ ട്രാക്‌റ്റ്‌ സൊ​സൈ​റ്റി​യു​ടെ ഡയറക്ടർമാ​രു​ടെ വാർഷിക തെര​ഞ്ഞെ​ടുപ്പ്‌ 1919 ജനുവരി 4, ശനിയാഴ്‌ച നടത്താ​നാ​ണു തീരു​മാ​നി​ച്ചി​രു​ന്നത്‌. ആ സമയത്ത്‌ യഹോ​വ​യു​ടെ ജനത്തിന്റെ നേതൃ​ത്വം വഹിച്ചി​രുന്ന ജോസഫ്‌ എഫ്‌. റഥർഫോർഡ്‌ സഹോ​ദരൻ ഐക്യ​നാ​ടു​ക​ളി​ലെ ജോർജി​യ​യി​ലുള്ള അറ്റ്‌ലാ​ന്റാ​യിൽ വേറെ ഏഴു പേരു​ടെ​കൂ​ടെ അന്യാ​യ​മാ​യി തടവി​ലാ​യി​രു​ന്നു. സംശയം ഇതായി​രു​ന്നു: ജയിലിൽ കിടക്കുന്ന സഹോ​ദ​ര​ങ്ങളെ വീണ്ടും തെര​ഞ്ഞെ​ടു​ക്ക​ണോ? അതോ അവർക്കു പകരം വേറെ ആളുകളെ എടുക്ക​ണോ?

ജയിലിൽ കഴിഞ്ഞി​രുന്ന റഥർഫോർഡ്‌ സഹോ​ദരൻ സംഘട​ന​യു​ടെ ഭാവി ഓർത്ത്‌ ആകുല​പ്പെട്ടു. മറ്റൊ​രാ​ളെ പ്രസി​ഡ​ന്റാ​ക്കു​ന്നതു നല്ലതാ​യി​രി​ക്കും എന്നു ചില സഹോ​ദ​ര​ങ്ങൾക്ക്‌ അഭി​പ്രാ​യ​മു​ണ്ടെന്നു റഥർഫോർഡ്‌ സഹോ​ദരൻ അറിഞ്ഞു. ഈ അഭി​പ്രാ​യം മാനിച്ച്‌ അദ്ദേഹം മീറ്റി​ങ്ങി​നു വന്നവർക്ക്‌ ഇവാൻഡർ ജെ. കോവാർഡ്‌ സഹോ​ദ​രനെ പ്രസി​ഡന്റ്‌ സ്ഥാന​ത്തേക്കു ശുപാർശ ചെയ്‌ത്‌ കത്ത്‌ അയച്ചു. ആ കത്തിൽ കോവാർഡ്‌ സഹോ​ദ​രനെ “ശാന്തൻ,” “വിവേ​ച​ന​യു​ള്ളവൻ,” “കർത്താ​വി​നോ​ടു വിശ്വ​സ്‌തൻ” എന്നൊ​ക്കെ​യാ​ണു റഥർഫോർഡ്‌ സഹോ​ദരൻ വിശേ​ഷി​പ്പി​ച്ചി​രു​ന്നത്‌. എന്നാൽ ധാരാളം സഹോ​ദ​ര​ങ്ങൾക്കു വേറൊ​രു അഭി​പ്രാ​യ​മാണ്‌ ഉണ്ടായി​രു​ന്നത്‌. അതായത്‌, തെര​ഞ്ഞെ​ടുപ്പ്‌ ആറു മാസ​ത്തേക്കു മാറ്റി​വെ​ക്കുക. തടവി​ലു​ണ്ടാ​യി​രുന്ന സഹോ​ദ​ര​ങ്ങൾക്കു​വേണ്ടി പ്രവർത്തി​ച്ചി​രുന്ന അഭിഭാ​ഷ​ക​രും ഇതി​നോ​ടു യോജി​ച്ചു. ചർച്ചകൾ പുരോ​ഗ​മി​ക്കും​തോ​റും സഹോ​ദ​ര​ങ്ങ​ളു​ടെ പിരി​മു​റു​ക്ക​വും വർധി​ച്ചു​വന്നു.

 അവിടെ കൂടിവന്ന സഹോ​ദ​ര​ങ്ങ​ളു​ടെ കലങ്ങി​മ​റിഞ്ഞ മനസ്സുകൾ ശാന്തമാ​ക്കിയ ഒരു കാര്യം സംഭവി​ച്ചു. കൂടിവന്ന സഹോ​ദ​ര​ങ്ങ​ളിൽ ഒരാൾ ഇങ്ങനെ പറഞ്ഞു: “ഞാൻ ഒരു നിയമ​വി​ദ​ഗ്‌ധനല്ല. പക്ഷേ സാഹച​ര്യ​ത്തി​ന്റെ നിയമ​വ​ശ​ങ്ങ​ളെ​ക്കു​റിച്ച്‌ പറയാ​നാ​ണെ​ങ്കിൽ വിശ്വ​സ്‌ത​രു​ടെ നിയമ​ത്തെ​ക്കു​റിച്ച്‌ ഞാൻ ഒരു കാര്യം പറയാം. ദൈവം ആവശ്യ​പ്പെ​ടു​ന്നതു വിശ്വ​സ്‌ത​ത​യാണ്‌. തെര​ഞ്ഞെ​ടുപ്പ്‌ നടത്തി റഥർഫോർഡ്‌ സഹോ​ദ​രനെ പ്രസി​ഡ​ന്റാ​യി വീണ്ടും തെര​ഞ്ഞെ​ടു​ക്കുക. ഇപ്പോൾ ദൈവ​ത്തോ​ടു വിശ്വ​സ്‌തത കാണി​ക്കാ​നുള്ള ഏറ്റവും നല്ല മാർഗം അതാണ്‌.”—സങ്കീ. 18:25.

റഥർഫോർഡ്‌ സഹോ​ദ​ര​ന്റെ​കൂ​ടെ ജയിലി​ലു​ണ്ടാ​യി​രുന്ന എ. എച്ച്‌. മാക്‌മി​ല്ലൻ സഹോ​ദരൻ പിറ്റേ ദിവസം നടന്ന സംഭവം ഓർക്കു​ന്നു. റഥർഫോർഡ്‌ സഹോ​ദരൻ മാക്‌മി​ല്ലൻ സഹോ​ദ​രന്റെ മുറി​യു​ടെ ഭിത്തി​യിൽ തട്ടിവി​ളിച്ച്‌ ഇങ്ങനെ പറഞ്ഞു: “കൈ പുറ​ത്തേക്കു നീട്ട്‌.” റഥർഫോർഡ്‌ സഹോ​ദരൻ അദ്ദേഹ​ത്തി​ന്റെ കൈയി​ലേക്ക്‌ ഒരു കത്തു വെച്ചു​കൊ​ടു​ത്തു. തെര​ഞ്ഞെ​ടു​പ്പി​ന്റെ ഫലത്തെ​ക്കു​റിച്ച്‌ സഹോ​ദ​ര​ന്മാർ റഥർഫോർഡ്‌ സഹോ​ദ​രന്‌ അയച്ചു​കൊ​ടു​ത്ത​താ​യി​രു​ന്നു അത്‌. ആ ചെറിയ സന്ദേശം മാക്‌മി​ല്ലൻ സഹോ​ദരൻ വായിച്ചു, പെട്ടെ​ന്നു​തന്നെ അതിന്റെ അർഥം മനസ്സി​ലാ​ക്കു​ക​യും ചെയ്‌തു. സന്ദേശം ഇങ്ങനെ​യാ​യി​രു​ന്നു: “റഥർഫോർഡ്‌ വൈസ്‌ വാൻ ബാർബർ ആൻഡേ​ഴ്‌സൺ ബുള്ളി സ്‌പിൽ ഡയറക്ടർ ആദ്യത്തെ മൂന്ന്‌ ഓഫീ​സർമാർ എല്ലാവർക്കും സ്‌നേഹം.” എല്ലാ ഡയറക്ടർമാ​രെ​യും വീണ്ടും തെര​ഞ്ഞെ​ടു​ത്തെ​ന്നും റഥർഫോർഡ്‌ സഹോ​ദ​ര​നെ​യും വില്യം വാൻ ആംബർഗ്‌ സഹോ​ദ​ര​നെ​യും ഓഫീ​സർമാ​രാ​യി തെര​ഞ്ഞെ​ടു​ത്തെ​ന്നും ആയിരു​ന്നു ആ വാക്കു​ക​ളു​ടെ അർഥം. അങ്ങനെ റഥർഫോർഡ്‌ സഹോ​ദരൻ വീണ്ടും പ്രസി​ഡ​ന്റാ​യി.

എട്ടു സഹോ​ദ​രങ്ങൾ തടവി​ലാ​യി​രുന്ന സമയത്ത്‌ വിശ്വ​സ്‌ത​രായ ബൈബിൾവി​ദ്യാർഥി​കൾ അവരുടെ മോച​ന​ത്തി​നു​വേണ്ടി ഒരു നിവേ​ദനം തയ്യാറാ​ക്കി അതിൽ ഒപ്പു ശേഖരി​ക്കാൻ തുടങ്ങി. ധീരരായ ആ സഹോ​ദ​രീ​സ​ഹോ​ദ​ര​ന്മാർ 7,00,000-ത്തിലധി​കം ഒപ്പുക​ളാ​ണു ശേഖരി​ച്ചത്‌. നിവേ​ദനം സമർപ്പി​ക്കു​ന്ന​തി​നു മുമ്പ്‌ 1919 മാർച്ച്‌ 26, ബുധനാഴ്‌ച റഥർഫോർഡ്‌ സഹോ​ദ​ര​നെ​യും ഉത്തരവാ​ദി​ത്വ​ങ്ങൾ വഹിച്ചി​രുന്ന മറ്റു സഹോ​ദ​ര​ങ്ങ​ളെ​യും ജയിലിൽനിന്ന്‌ വിട്ടു.

തന്നെ തിരികെ സ്വാഗതം ചെയ്‌ത സഹോ​ദ​ര​ങ്ങ​ളോ​ടു നടത്തിയ പ്രസം​ഗ​ത്തിൽ റഥർഫോർഡ്‌ സഹോ​ദരൻ പറഞ്ഞു: “നമ്മൾ എല്ലാവ​രും കടന്നു​പോയ ഈ അനുഭവം കൂടുതൽ ദുഷ്‌ക​ര​മായ സമയത്തി​നു​വേണ്ടി നമ്മളെ ഒരുക്കു​ന്ന​തി​നാ​ണെന്ന്‌ എനിക്ക്‌ ഉറപ്പാണ്‌. . . . നിങ്ങളു​ടെ സഹോ​ദ​ര​ങ്ങളെ ജയിലിൽനിന്ന്‌ മോചി​പ്പി​ക്കാ​ന​ല്ലാ​യി​രു​ന്നു നിങ്ങളു​ടെ പോരാ​ട്ടം. അതല്ലാ​യി​രു​ന്നു നിങ്ങളു​ടെ ശ്രമങ്ങ​ളു​ടെ പ്രധാന ഉദ്ദേശ്യം. സത്യത്തി​നു​വേണ്ടി സാക്ഷി നിൽക്കുക എന്നതാ​യി​രു​ന്നു നിങ്ങളു​ടെ പോരാ​ട്ട​ത്തി​ന്റെ ലക്ഷ്യം. അതു ചെയ്‌ത​വർക്ക്‌ അത്ഭുത​ക​ര​മായ അനു​ഗ്രഹം ലഭിക്കു​ക​യും ചെയ്‌തു.”

ഒരുപക്ഷേ യഹോവ കാര്യ​ങ്ങളെ വഴി നയി​ച്ചെന്നു സഹോ​ദ​ര​ങ്ങ​ളു​ടെ വിചാ​ര​ണ​യു​മാ​യി ബന്ധപ്പെട്ട സംഭവങ്ങൾ കാണി​ച്ചു​ത​രു​ന്നു. 1919 മെയ്‌ 14-ന്‌ അപ്പീൽക്കോ​ടതി ഇങ്ങനെ വിധിച്ചു: “ഈ കേസിന്റെ പ്രതി​സ്ഥാ​നത്ത്‌ നിൽക്കു​ന്ന​വർക്ക്‌ . . . അവർ അർഹി​ക്കുന്ന നിഷ്‌പ​ക്ഷ​മായ ഒരു വിചാരണ ലഭിച്ചി​ട്ടില്ല. അതു​കൊ​ണ്ടു​തന്നെ ആദ്യത്തെ വിധി അസാധു​വാ​ക്കി​യി​രി​ക്കു​ന്നു.” വളരെ ഗുണം ചെയ്യുന്ന ഒരു വിധി​യാ​യി​രു​ന്നു അത്‌. എന്തു​കൊണ്ട്‌? കാരണം ഗൗരവ​മുള്ള കുറ്റങ്ങ​ളു​ടെ പേരി​ലാ​യി​രു​ന്നു സഹോ​ദ​ര​ങ്ങളെ ശിക്ഷി​ച്ചി​രു​ന്നത്‌. ആ കുറ്റങ്ങൾ ക്ഷമിച്ചു​കൊ​ടു​ക്കു​ക​യോ ശിക്ഷയിൽ ഇളവ്‌ വരുത്തു​ക​യോ മാത്രം ചെയ്‌തി​രു​ന്നെ​ങ്കിൽ അവരുടെ രേഖക​ളിൽ എന്നും ആ കുറ്റങ്ങൾ കാണു​മാ​യി​രു​ന്നു. അവരുടെ പേരിൽ മറ്റു കുറ്റങ്ങ​ളൊ​ന്നും ചുമത്തി​യു​മില്ല. അതിന്റെ ഫലമായി, റഥർഫോർഡ്‌ സഹോദരന്‌ a ഐക്യ​നാ​ടു​ക​ളി​ലെ സുപ്രീം കോട​തി​യിൽ യഹോ​വ​യു​ടെ ജനത്തി​നു​വേണ്ടി വാദി​ക്കാ​നുള്ള നിയമ​പ​ര​മായ യോഗ്യ​തകൾ നിലനി​റു​ത്താൻ കഴിഞ്ഞു. മോച​ന​ത്തി​നു ശേഷം  പലവട്ടം സഹോ​ദരൻ ദൈവ​ജ​ന​ത്തി​നു​വേണ്ടി വാദി​ക്കു​ക​യും ചെയ്‌തു.

മാക്‌മി​ല്ലൻ സഹോ​ദരൻ ഓർമി​ക്കു​ന്നു: “ഞങ്ങൾ അലസരാ​യി സമയം കളയു​ക​യോ കർത്താവ്‌ ഉടനെ ഞങ്ങളെ സ്വർഗ​ത്തി​ലേക്ക്‌ എടുക്കു​മെന്നു പറഞ്ഞ്‌ വെറു​തേ​യി​രി​ക്കു​ക​യോ ചെയ്‌തില്ല. കർത്താ​വി​ന്റെ ഇഷ്ടം എന്താ​ണെന്നു മനസ്സി​ലാ​ക്കു​ന്ന​തിന്‌ എന്തെങ്കി​ലും ചെയ്യാൻ ഞങ്ങൾ തീരു​മാ​നി​ച്ചു.”

എന്നാൽ ലോകാ​സ്ഥാ​നത്തെ സഹോ​ദ​ര​ങ്ങൾക്കു വർഷങ്ങ​ളാ​യി അവർ ചെയ്‌തു​കൊ​ണ്ടി​രുന്ന ജോലി വീണ്ടും തുടങ്ങാൻ എളുപ്പ​മാ​യി​രു​ന്നില്ല. എന്തായി​രു​ന്നു കാരണം? പ്രസി​ദ്ധീ​ക​ര​ണങ്ങൾ അച്ചടി​ക്കാൻ ഉപയോ​ഗി​ച്ചി​രുന്ന പ്ലെയ്‌റ്റു​ക​ളെ​ല്ലാം അവർ ജയിലി​ലാ​യി​രുന്ന സമയത്ത്‌ നശിപ്പി​ച്ചി​രു​ന്നു. ഇത്‌ അവരുടെ മനസ്സി​ടി​ച്ചു. പ്രസം​ഗ​പ്ര​വർത്തനം അവസാ​നി​ച്ചോ എന്നു​പോ​ലും ചില സഹോ​ദ​രങ്ങൾ ചിന്തി​ച്ചു​പോ​യി.

ബൈബിൾവി​ദ്യാർഥി​കൾ പ്രസം​ഗി​ക്കുന്ന രാജ്യ​സ​ന്ദേ​ശ​ത്തിൽ താത്‌പ​ര്യ​മുള്ള ആരെങ്കി​ലും ഇനിയു​മു​ണ്ടോ? ആ ചോദ്യ​ത്തിന്‌ ഉത്തരം കിട്ടാൻ റഥർഫോർഡ്‌ സഹോ​ദരൻ ഒരു പ്രസംഗം നടത്താൻ തീരു​മാ​നി​ച്ചു. പൊതു​ജ​ന​ങ്ങളെ അതിനു ക്ഷണിക്കാ​നാ​യി​രു​ന്നു തീരു​മാ​നം. മാക്‌മി​ല്ലൻ സഹോ​ദരൻ പറഞ്ഞു: “മീറ്റി​ങ്ങിന്‌ ആരും വന്നി​ല്ലെ​ങ്കിൽ അതിന്റെ അർഥം പ്രസം​ഗ​പ്ര​വർത്തനം ഇനി ചെയ്യേണ്ടാ എന്നാണ്‌.”

1919 മെയ്‌ 4 ഞായറാ​ഴ്‌ച​യാ​യി​രു​ന്നു പ്രസംഗം നിശ്ചയി​ച്ചത്‌. കടുത്ത രോഗ​മാ​യി​രു​ന്നി​ട്ടും കാലി​ഫോർണി​യ​യി​ലെ ലോസ്‌ ആഞ്‌ജ​ലി​സിൽവെച്ച്‌ റഥർഫോർഡ്‌ സഹോ​ദരൻ “ക്ലേശമ​നു​ഭ​വി​ക്കുന്ന മനുഷ്യ​വർഗ​ത്തി​നു പ്രത്യാശ” എന്ന പ്രസംഗം നടത്തി. ഏതാണ്ട്‌ 3,500 പേർ പ്രസം​ഗ​ത്തി​നു ഹാജരാ​യി. സ്ഥലമി​ല്ലാ​തി​രു​ന്നതു കാരണം നൂറു​ക​ണ​ക്കിന്‌ ആളുകൾക്കു തിരി​ച്ചു​പോ​കേ​ണ്ടി​വന്നു. പിറ്റേ ദിവസം, 1,500 പേർ പങ്കെടു​ത്തു. സഹോ​ദ​ര​ന്മാർക്ക്‌ അവരുടെ സംശയ​ത്തിന്‌ ഉത്തരം കിട്ടി—ആളുകൾക്കു രാജ്യ​സ​ന്ദേ​ശ​ത്തിൽ താത്‌പ​ര്യ​മുണ്ട്‌!

സഹോ​ദ​ര​ങ്ങൾ പിന്നീടു ചെയ്‌ത കാര്യങ്ങൾ യഹോ​വ​യു​ടെ സാക്ഷി​ക​ളു​ടെ ഇന്നോ​ള​മുള്ള പ്രസം​ഗ​പ്ര​വർത്ത​ന​ത്തിന്‌ വഴി തെളിച്ചു.

1919 സെപ്‌റ്റം​ബ​റി​ന്റെ തുടക്ക​ത്തിൽ ഒഹാ​യോ​യി​ലെ സീഡാർ പോയി​ന്റിൽവെച്ച്‌ ഒരു കൺ​വെൻ​ഷൻ നടക്കു​മെന്ന്‌ ആ വർഷത്തെ ആഗസ്റ്റ്‌ 1 ലക്കം വീക്ഷാ​ഗോ​പു​രം (ഇംഗ്ലീഷ്‌) അറിയി​ച്ചു. മിസൂ​റി​യിൽനി​ന്നുള്ള കാറൻസ്‌ ബി. ബീറ്റി എന്ന ചെറു​പ്പ​ക്കാ​ര​നായ ബൈബിൾവി​ദ്യാർഥി ഓർക്കു​ന്നു: “ആ കൺ​വെൻ​ഷൻ കൂടാൻ എല്ലാവർക്കും  ആകാം​ക്ഷ​യാ​യി.” 6,000-ത്തിലധി​കം സഹോ​ദ​രീ​സ​ഹോ​ദ​ര​ന്മാ​രാണ്‌ ആ കൺ​വെൻ​ഷനു വന്നത്‌. അത്രയും പേർ വരു​മെന്ന്‌ ആരും പ്രതീ​ക്ഷി​ച്ചില്ല. അടുത്തുള്ള എറീ തടാക​ത്തിൽ 200-ലധികം പേർ സ്‌നാ​ന​പ്പെ​ട്ടതു സഹോ​ദ​ര​ങ്ങ​ളു​ടെ ആവേശം വർധി​പ്പി​ച്ചു.

കൺ​വെൻ​ഷ​ന്റെ അഞ്ചാം ദിവസം, അതായത്‌ 1919 സെപ്‌റ്റം​ബർ 5-ന്‌, “സഹജോ​ലി​ക്കാ​രെ അഭിസം​ബോ​ധന ചെയ്യുന്നു” എന്ന പ്രസം​ഗ​ത്തിൽ റഥർഫോർഡ്‌ സഹോ​ദരൻ സുവർണയുഗം b എന്ന പുതിയ മാസിക പ്രസി​ദ്ധീ​ക​രി​ക്കാൻപോ​കുന്ന വിവരം അറിയി​ച്ചു. ഈ മാസി​ക​യിൽ, “പ്രധാ​ന​പ്പെട്ട ചില ആനുകാ​ലി​ക​സം​ഭ​വ​ങ്ങ​ളും ഇങ്ങനെ​യുള്ള സംഭവങ്ങൾ നടക്കു​ന്ന​തി​നു തിരു​വെ​ഴു​ത്തു​കൾ പറയുന്ന കാരണ​വും വിശദീ​ക​രി​ക്കു​മാ​യി​രു​ന്നു.”

ഈ പുതിയ പ്രസി​ദ്ധീ​ക​ര​ണ​വു​മാ​യി ധൈര്യ​ത്തോ​ടെ പ്രസം​ഗ​പ്ര​വർത്തനം നടത്താൻ എല്ലാ ബൈബിൾവി​ദ്യാർഥി​ക​ളെ​യും പ്രോ​ത്സാ​ഹി​പ്പി​ച്ചു. എങ്ങനെ​യാ​ണു പ്രവർത്തനം നടത്തേ​ണ്ട​തെന്നു വിശദീ​ക​രി​ക്കുന്ന ഒരു കത്തിൽ ഇങ്ങനെ പറഞ്ഞു: “സമർപ്പി​ത​നായ (സ്‌നാ​ന​മേറ്റ) ഓരോ അംഗവും ശുശ്രൂഷ ഒരു വലിയ പദവി​യാ​ണെന്ന്‌ ഓർക്കണം. ലോക​ത്തി​നു മഹത്തായ സാക്ഷ്യം നൽകാ​നുള്ള ഈ അവസരം എല്ലാവ​രും എത്തിപ്പി​ടി​ക്കു​ക​യും അതിൽ പങ്കെടു​ക്കു​ക​യും വേണം.” അതിനു ലഭിച്ച പ്രതി​ക​രണം അതിശ​യി​പ്പി​ക്കു​ന്ന​താ​യി​രു​ന്നു! ഡിസം​ബ​റാ​യ​പ്പോ​ഴേ​ക്കും, പുതിയ മാസി​ക​യു​ടെ 50,000-ത്തിലധി​കം വരിസം​ഖ്യ​ക​ളാ​ണു തീക്ഷ്‌ണ​ത​യുള്ള രാജ്യ​പ്ര​ചാ​രകർ ശേഖരി​ച്ചത്‌.

1919-ന്റെ അവസാ​ന​ത്തോ​ടെ യഹോ​വ​യു​ടെ ജനം വീണ്ടും സംഘടി​ത​രാ​യി. അവർ പുത്തൻ ഊർജ​ത്തോ​ടെ പ്രവർത്തി​ക്കാൻ തുടങ്ങി. കൂടാതെ, അവസാ​ന​കാ​ല​ത്തെ​ക്കു​റി​ച്ചുള്ള ചില പ്രധാ​ന​പ്പെട്ട പ്രവച​നങ്ങൾ നിറ​വേ​റി​ക്ക​ഴി​ഞ്ഞി​രു​ന്നു. മലാഖി 3:1-4-ൽ മുൻകൂ​ട്ടി​പ്പ​റ​ഞ്ഞി​രുന്ന ദൈവ​ജ​ന​ത്തി​ന്റെ പരി​ശോ​ധ​ന​യും അവരുടെ ശുദ്ധീ​ക​ര​ണ​വും പൂർത്തി​യാ​യി. ‘ബാബി​ലോൺ എന്ന മഹതി​യു​ടെ’ ആലങ്കാ​രി​ക​മായ അടിമ​ത്ത​ത്തിൽനിന്ന്‌ യഹോ​വ​യു​ടെ ജനം മോചി​ത​രാ​യി. അതു​പോ​ലെ, യേശു ‘വിശ്വ​സ്‌ത​നും വിവേ​കി​യും ആയ അടിമയെ’ നിയമി​ച്ചു. c (വെളി. 18:2, 4; മത്താ. 24:45) യഹോവ ബൈബിൾവി​ദ്യാർഥി​കൾക്കാ​യി കരുതി​വെ​ച്ചി​രുന്ന പ്രവർത്ത​ന​ത്തിന്‌ അവർ ഇപ്പോൾ സജ്ജരായി.