1. 1 തെസ്സ​ലോ​നി​ക്യർ 5:11 പറയു​ന്ന​ത​നു​സ​രിച്ച്‌ നമുക്ക്‌ എല്ലാവർക്കും എന്തു ചെയ്യാം?

 നിങ്ങളു​ടെ സഭ എപ്പോ​ഴെ​ങ്കി​ലും പുതിയ രാജ്യ​ഹാൾ പണിയു​ക​യോ പഴയതു പുതു​ക്കി​പ്പ​ണി​യു​ക​യോ ചെയ്‌തി​ട്ടു​ണ്ടോ? അതിന്റെ നിർമാ​ണ​പ്ര​വർത്ത​ന​ങ്ങ​ളിൽ നിങ്ങൾ ഉൾപ്പെ​ട്ടി​ട്ടു​ണ്ടോ? പണി​യൊ​ക്കെ കഴിഞ്ഞ്‌ ആദ്യമാ​യി അവിടെ മീറ്റിങ്ങ്‌ കൂടി​യത്‌ നിങ്ങൾ ഇപ്പോ​ഴും ഓർക്കു​ന്നു​ണ്ടാ​കാം. അന്നു നിങ്ങൾക്ക്‌ യഹോ​വ​യോട്‌ ഒരുപാ​ടു നന്ദി തോന്നി. ഒരുപക്ഷേ ആദ്യത്തെ ഗീതം പാടുന്ന സമയത്ത്‌ നിങ്ങൾ സന്തോ​ഷം​കൊണ്ട്‌ കരഞ്ഞി​ട്ടു​ണ്ടാ​കും. മനോ​ഹ​ര​മാ​യി പണിത രാജ്യ​ഹാ​ളു​കൾ യഹോ​വ​യ്‌ക്കു വലിയ മഹത്ത്വം കൊടു​ക്കു​ന്നു. എന്നാൽ ആ ആരാധ​നാ​സ്ഥ​ല​ങ്ങ​ളിൽ കൂടി​വ​രു​ന്ന​വരെ ബലപ്പെ​ടു​ത്തു​ന്നത്‌ യഹോ​വയെ അതിലും അധിക​മാ​യി മഹത്ത്വ​പ്പെ​ടു​ത്തും. നമ്മുടെ ആധാര​വാ​ക്യ​മായ 1 തെസ്സ​ലോ​നി​ക്യർ 5:11-ലെ (വായി​ക്കുക.) വാക്കുകൾ പറഞ്ഞ​പ്പോൾ അപ്പോ​സ്‌ത​ല​നായ പൗലോ​സി​ന്റെ മനസ്സി​ലു​ണ്ടാ​യി​രു​ന്നത്‌ അതാണ്‌.

2. ഈ ലേഖന​ത്തിൽ നമ്മൾ എന്താണു ചർച്ച ചെയ്യാൻപോ​കു​ന്നത്‌?

² സഹാരാ​ധ​കരെ ബലപ്പെ​ടു​ത്തുന്ന കാര്യ​ത്തിൽ അപ്പോ​സ്‌ത​ല​നായ പൗലോസ്‌ ഉത്തമമാ​തൃ​ക​യാണ്‌. മറ്റുള്ള​വ​രു​ടെ പ്രശ്‌നങ്ങൾ പൂർണ​മാ​യി ഉൾക്കൊ​ള്ളാൻ അദ്ദേഹ​ത്തി​നു കഴിഞ്ഞു. (1) പരീക്ഷ​ണങ്ങൾ ഉണ്ടാകു​മ്പോൾ സഹിച്ചു​നിൽക്കാ​നും (2) പരസ്‌പരം സമാധാ​നം നിലനി​റു​ത്താ​നും (3) യഹോ​വ​യി​ലുള്ള വിശ്വാ​സ​ത്തിൽ ശക്തി​പ്പെ​ടാ​നും പൗലോസ്‌ എങ്ങനെ​യാ​ണു സഹോ​ദ​ര​ങ്ങളെ സഹായി​ച്ച​തെന്നു നമ്മൾ ഈ ലേഖന​ത്തിൽ കാണും. കൂടാതെ, പൗലോ​സി​ന്റെ ആ മാതൃക അനുക​രി​ച്ചു​കൊണ്ട്‌ നമുക്ക്‌ എങ്ങനെ സഹോ​ദ​ര​ങ്ങളെ ബലപ്പെ​ടു​ത്താ​മെ​ന്നും പഠിക്കും.—1 കൊരി. 11:1.

3. പൗലോസ്‌ എങ്ങനെ​യാ​ണു ശുശ്രൂ​ഷ​യ്‌ക്കും ജോലി​ക്കും അതി​ന്റേ​തായ പ്രാധാ​ന്യം കൊടുത്ത്‌ പ്രവർത്തി​ച്ചത്‌?

³ പൗലോ​സി​നു സ്വന്തം ജീവി​ത​ത്തിൽ വളരെ​യ​ധി​കം ബുദ്ധി​മു​ട്ടു​ക​ളും പ്രയാ​സ​ങ്ങ​ളും അനുഭ​വി​ക്കേ​ണ്ടി​വ​ന്നി​ട്ടുണ്ട്‌. അതു​കൊണ്ട്‌ സഹാരാ​ധ​കർക്ക്‌ അതു​പോ​ലുള്ള ബുദ്ധി​മു​ട്ടു​കൾ ഉണ്ടായ​പ്പോൾ അതു പൂർണ​മാ​യി ഉൾക്കൊ​ള്ളാ​നും അവരോട്‌ അനുകമ്പ കാണി​ക്കാ​നും പൗലോ​സി​നു കഴിഞ്ഞു. ഒരവസ​ര​ത്തിൽ കൈയി​ലുള്ള പണം തീർന്ന​തു​കൊണ്ട്‌ തന്റെയും കൂടെ​യു​ള്ള​വ​രു​ടെ​യും ആവശ്യങ്ങൾ നിറ​വേ​റ്റാൻ പൗലോ​സി​നു ജോലി ചെയ്യേ​ണ്ട​താ​യി​വന്നു. (പ്രവൃ. 20:34) കൂടാ​ര​പ്പണി അദ്ദേഹ​ത്തി​നു നന്നായിട്ട്‌ അറിയാ​മാ​യി​രു​ന്നു.  കൊരി​ന്തിൽ വന്ന സമയത്ത്‌ അദ്ദേഹം ആദ്യം അക്വി​ല​യു​ടെ​യും പ്രിസ്‌കി​ല്ല​യു​ടെ​യും ഒപ്പം കൂടാ​ര​പ്പണി ചെയ്‌തു. പക്ഷേ അപ്പോ​ഴും അദ്ദേഹം “ശബത്തു​തോ​റും” ജൂതന്മാ​രോ​ടും ഗ്രീക്കു​കാ​രോ​ടും സന്തോ​ഷ​വാർത്ത പ്രസം​ഗി​ച്ചു. പിന്നീട്‌ ശീലാ​സും തിമൊ​ഥെ​യൊ​സും അവിടെ എത്തിയ​പ്പോൾ “പൗലോസ്‌ ദൈവ​വ​ചനം പ്രസം​ഗി​ക്കു​ന്ന​തിൽ മുഴുകി.” (പ്രവൃ. 18:2-5) അതു കാണി​ക്കു​ന്നത്‌ യഹോ​വയെ ആരാധി​ക്കുക എന്ന ഏറ്റവും പ്രധാ​ന​പ്പെട്ട കാര്യ​ത്തിൽനിന്ന്‌ പൗലോ​സി​ന്റെ ശ്രദ്ധ ഒരിക്ക​ലും മാറി​യില്ല എന്നാണ്‌. സ്വന്തം ആവശ്യങ്ങൾ നടത്താ​നും യഹോ​വയെ പൂർണ​ഹൃ​ദ​യ​ത്തോ​ടെ സേവി​ക്കാ​നും പൗലോസ്‌ കഠിനാ​ധ്വാ​നം ചെയ്‌തു. അതു​കൊ​ണ്ടു​തന്നെ അങ്ങനെ ചെയ്യാൻ സഹോ​ദ​ര​ങ്ങളെ പ്രോ​ത്സാ​ഹി​പ്പി​ക്കാ​നും പൗലോ​സി​നാ​കു​മാ​യി​രു​ന്നു. കുടും​ബ​ത്തി​ന്റെ ആവശ്യങ്ങൾ എങ്ങനെ നിറ​വേ​റ്റു​മെന്ന ചിന്തയും മറ്റു ജീവി​ത​പ്ര​ശ്‌ന​ങ്ങ​ളും കാരണം “കൂടുതൽ പ്രാധാ​ന്യ​മുള്ള കാര്യങ്ങൾ,” അതായത്‌ യഹോ​വയെ ആരാധി​ക്കു​ന്ന​തു​മാ​യി ബന്ധപ്പെട്ട കാര്യങ്ങൾ, രണ്ടാം സ്ഥാനത്താ​യി​പ്പോ​കാൻ അനുവ​ദി​ക്ക​രു​തെന്നു പൗലോസ്‌ സഹോ​ദ​ര​ങ്ങളെ ഓർമി​പ്പി​ച്ചു.—ഫിലി. 1:10.

4. ഉപദ്ര​വങ്ങൾ നേരിട്ട സഹാരാ​ധ​കരെ പൗലോ​സും തിമൊ​ഥെ​യൊ​സും എങ്ങനെ​യാ​ണു ബലപ്പെ​ടു​ത്തി​യത്‌?

⁴ തെസ്സ​ലോ​നി​ക്യ​യിൽ സഭ സ്ഥാപി​ത​മാ​യ​തി​നു ശേഷം അധികം വൈകാ​തെ, ആ പുതിയ ക്രിസ്‌തു​ശി​ഷ്യർക്കു കടുത്ത ഉപദ്രവം നേരി​ടേ​ണ്ടി​വന്നു. ഒരവസ​ര​ത്തിൽ കോപാ​കു​ല​രായ ജനക്കൂട്ടം പൗലോ​സി​നെ​യും ശീലാ​സി​നെ​യും കിട്ടാ​തെ​വ​ന്ന​പ്പോൾ അവി​ടെ​യുള്ള “ചില സഹോ​ദ​ര​ന്മാ​രെ നഗരാ​ധി​പ​ന്മാ​രു​ടെ അടു​ത്തേക്ക്‌” ബലമായി കൊണ്ടു​പോ​യി. എന്നിട്ട്‌ “ഇവരൊ​ക്കെ സീസറി​ന്റെ നിയമ​ങ്ങളെ ധിക്കരി​ക്കു​ന്നു” എന്നു വിളി​ച്ചു​പ​റഞ്ഞു. (പ്രവൃ. 17:6, 7) ആ നഗരവാ​സി​ക​ളു​ടെ പെട്ടെ​ന്നുള്ള ഈ ആക്രമ​ണ​വും പെരു​മാ​റ്റ​വും പുതു​താ​യി ക്രിസ്‌തു​ശി​ഷ്യ​രായ ആ സഹോ​ദ​ര​ങ്ങളെ എത്രമാ​ത്രം ഭയപ്പെ​ടു​ത്തി​യി​രി​ക്കണം? ഇതൊക്കെ കാരണം ദൈവ​സേ​വ​ന​ത്തി​ലെ അവരുടെ തീക്ഷ്‌ണത കുറഞ്ഞു​പോ​കാൻ സാധ്യ​ത​യു​ണ്ടാ​യി​രു​ന്നു. എന്നാൽ അവർക്ക്‌ അങ്ങനെ സംഭവി​ക്കാൻ പൗലോസ്‌ ആഗ്രഹി​ച്ചില്ല. അതു​കൊണ്ട്‌ തനിക്കും ശീലാ​സി​നും അവിടം വിട്ട്‌ പോ​കേ​ണ്ടി​വ​ന്നെ​ങ്കി​ലും ആ പുതിയ സഭയെ നന്നായി പരിപാ​ലി​ക്കാൻ വേണ്ട കാര്യ​ങ്ങ​ളൊ​ക്കെ പൗലോസ്‌ ചെയ്‌തു​കൊ​ടു​ത്തു. അദ്ദേഹം തെസ്സ​ലോ​നി​ക്യ​രെ ഇങ്ങനെ ഓർമി​പ്പി​ച്ചു: ‘നമ്മുടെ സഹോ​ദ​ര​നായ തിമൊ​ഥെ​യൊ​സി​നെ അവി​ടേക്ക്‌ അയയ്‌ക്കാൻ ഞങ്ങൾ തീരു​മാ​നി​ച്ചു. നിങ്ങളെ ബലപ്പെ​ടു​ത്തി​യും ആശ്വസി​പ്പി​ച്ചും നിങ്ങളു​ടെ വിശ്വാ​സം ശക്തി​പ്പെ​ടു​ത്താ​നാ​ണു ഞങ്ങൾ അങ്ങനെ ചെയ്‌തത്‌. ഇത്തരം കഷ്ടതക​ളു​ടെ സമയത്ത്‌ ആരും വിശ്വാ​സ​ത്തിൽനിന്ന്‌ ഇളകി​പ്പോ​ക​രു​തെ​ന്നാ​ണു ഞങ്ങളുടെ ആഗ്രഹം.’ (1 തെസ്സ. 3:2, 3) സാധ്യ​ത​യ​നു​സ​രിച്ച്‌ തിമൊ​ഥെ​യൊ​സി​നു തന്റെ സ്വന്തം നാടായ ലുസ്‌ത്ര​യിൽവെച്ച്‌ മുമ്പ്‌ ഉപദ്രവം സഹി​ക്കേ​ണ്ടി​വ​ന്നി​ട്ടുണ്ട്‌. പൗലോസ്‌ എങ്ങനെ​യാ​ണു അവി​ടെ​യുള്ള സഹോ​ദ​ര​ങ്ങളെ ബലപ്പെ​ടു​ത്തി​യ​തെ​ന്നും അദ്ദേഹ​ത്തിന്‌ അറിയാ​മാ​യി​രു​ന്നു. യഹോവ ആ സഹോ​ദ​ര​ങ്ങളെ സഹായി​ച്ചത്‌ കണ്ടറി​ഞ്ഞ​തു​കൊണ്ട്‌ തെസ്സ​ലോ​നി​ക്യ​യി​ലുള്ള ഈ പുതിയ സഹോ​ദ​ര​ങ്ങ​ളെ​യും യഹോവ അതേ വിധത്തിൽ പരിപാ​ലി​ക്കു​മെന്നു തിമൊ​ഥെ​യൊ​സിന്‌ ഉറപ്പോ​ടെ പറയാൻ കഴിയു​മാ​യി​രു​ന്നു.—പ്രവൃ. 14:8, 19-22; എബ്രാ. 12:2.

5. ഒരു മൂപ്പൻ നൽകിയ പ്രോ​ത്സാ​ഹനം ബ്രയന്റിന്‌ എങ്ങനെ പ്രയോ​ജ​ന​പ്പെട്ടു?

⁵ പൗലോസ്‌ സഹവി​ശ്വാ​സി​കളെ ബലപ്പെ​ടു​ത്തിയ മറ്റൊരു വിധം ഏതാണ്‌? ലുസ്‌ത്ര, ഇക്കോന്യ, അന്ത്യോ​ക്യ എന്നിവി​ട​ങ്ങ​ളി​ലേക്കു പൗലോ​സും ബർന്നബാ​സും മടങ്ങി​ച്ചെ​ന്ന​പ്പോൾ അവർ “ഓരോ സഭയി​ലും മൂപ്പന്മാ​രെ നിയമി​ച്ചു.” (പ്രവൃ. 14:21-23) ഇന്നത്തെ മൂപ്പന്മാ​രെ​പ്പോ​ലെ​തന്നെ അവരും സഭയി​ലു​ണ്ടാ​യി​രു​ന്ന​വരെ പ്രോ​ത്സാ​ഹി​പ്പി​ക്കു​ക​യും ബലപ്പെ​ടു​ത്തു​ക​യും ചെയ്‌തി​ട്ടു​ണ്ടെന്ന കാര്യം ഉറപ്പാണ്‌. ബ്രയന്റ്‌ സഹോ​ദരൻ പറഞ്ഞതു ശ്രദ്ധി​ക്കുക: “എനിക്കു 15 വയസ്സു​ള്ള​പ്പോൾ എന്റെ അപ്പൻ ഞങ്ങളെ ഉപേക്ഷി​ച്ചു​പോ​യി. അമ്മയെ സഭയിൽനിന്ന്‌ പുറത്താ​ക്കു​ക​യും ചെയ്‌തു. ഞാൻ ആകെ തകർന്നു. എനിക്ക്‌ ആരും ഇല്ലാത്ത​തു​പോ​ലെ തോന്നി.” ഈ ഒരവസ്ഥ​യിൽ ബ്രയന്റി​നു പിടി​ച്ചു​നിൽക്കാൻ കഴിഞ്ഞത്‌ എങ്ങനെ​യാണ്‌? അദ്ദേഹം പറയുന്നു: “ഞങ്ങളുടെ സഭയിലെ ഒരു മൂപ്പനായ ടോണി സഹോ​ദരൻ, മീറ്റി​ങ്ങി​നു ചെല്ലു​മ്പോ​ഴും അല്ലാത്ത അവസര​ങ്ങ​ളി​ലും എന്നോടു സംസാ​രി​ക്കു​മാ​യി​രു​ന്നു. പ്രയാ​സ​ങ്ങ​ളും ബുദ്ധി​മു​ട്ടു​ക​ളും ഒക്കെ ഉണ്ടായ​പ്പോ​ഴും സന്തോ​ഷ​ത്തോ​ടെ യഹോ​വയെ സേവിച്ച ചില​രെ​ക്കു​റിച്ച്‌ അദ്ദേഹം എന്നോടു പറഞ്ഞു. സങ്കീർത്തനം 27:10 അദ്ദേഹം എനിക്കു കാണി​ച്ചു​തന്നു. കൂടാതെ ഇടയ്‌ക്കി​ടെ ഹിസ്‌കി​യ​യു​ടെ കാര്യ​വും പറയു​മാ​യി​രു​ന്നു. അപ്പൻ മോശം മാതൃ​ക​യാ​യി​രു​ന്നെ​ങ്കി​ലും ഹിസ്‌കിയ യഹോ​വയെ വിശ്വ​സ്‌ത​മാ​യി സേവിച്ചു.” ബ്രയന്റിന്‌ ടോണി​യിൽനിന്ന്‌ ലഭിച്ച ആ സഹായം എങ്ങനെ​യാ​ണു പ്രയോ​ജനം ചെയ്‌തത്‌? ബ്രയന്റ്‌ പറയുന്നു: “ടോണി സഹോ​ദ​രന്റെ പ്രോ​ത്സാ​ഹനം പതിയെ മുഴു​സ​മ​യ​സേ​വ​ന​ത്തി​ലേക്കു വരാൻ എന്നെ സഹായി​ച്ചു.” മൂപ്പന്മാ​രേ, ബ്രയന്റി​നെ​പ്പോ​ലെ സഹായം ആവശ്യ​മു​ള്ള​വരെ കണ്ടെത്തുക. അവരെ ‘നല്ല വാക്കു​കൾകൊണ്ട്‌’ പ്രോ​ത്സാ​ഹി​പ്പി​ക്കുക.—സുഭാ. 12:25.

6. പൗലോസ്‌ എന്തിനാ​ണു സഹോ​ദ​ര​ങ്ങ​ളോ​ടു ദൈവ​ദാ​സ​രു​ടെ ജീവി​ത​ക​ഥകൾ പറഞ്ഞത്‌?

⁶ യഹോവ കൊടുത്ത ശക്തി ഉപയോ​ഗിച്ച്‌  ‘സാക്ഷി​ക​ളു​ടെ വലി​യൊ​രു കൂട്ടത്തിന്‌’ പല ബുദ്ധി​മു​ട്ടു​ക​ളും പ്രയാ​സ​ങ്ങ​ളും സഹിച്ചു​നിൽക്കാൻ കഴിഞ്ഞി​ട്ടു​ണ്ടെന്ന കാര്യം പൗലോസ്‌ സഹവി​ശ്വാ​സി​കളെ ഓർമി​പ്പി​ച്ചു. (എബ്രാ. 12:1) മുൻകാ​ല​ങ്ങ​ളിൽ ജീവി​ച്ചി​രുന്ന ആ വിശ്വസ്‌ത ദൈവ​ദാ​സ​രു​ടെ ജീവി​ത​ക​ഥകൾ സഹോ​ദ​ര​ങ്ങ​ളിൽ ധൈര്യം നിറയ്‌ക്കു​മെ​ന്നും ജീവനുള്ള ‘ദൈവ​ത്തി​ന്റെ നഗരത്തിൽ’ ശ്രദ്ധ കേന്ദ്രീ​ക​രി​ക്കാൻ അവരെ സഹായി​ക്കു​മെ​ന്നും പൗലോ​സിന്‌ അറിയാ​മാ​യി​രു​ന്നു. (എബ്രാ. 12:22) നമ്മുടെ കാര്യ​ത്തി​ലും അത്‌ അങ്ങനെ​ത​ന്നെ​യാണ്‌. ഗിദെ​യോ​നെ​യും ബാരാ​ക്കി​നെ​യും ദാവീ​ദി​നെ​യും ശമു​വേ​ലി​നെ​യും മറ്റു വിശ്വ​സ്‌ത​രെ​യും യഹോവ സഹായി​ച്ച​തി​നെ​ക്കു​റി​ച്ചുള്ള വിവര​ണങ്ങൾ വായി​ക്കു​മ്പോൾ നമുക്കും പ്രോ​ത്സാ​ഹ​ന​വും ബലവും കിട്ടു​ന്നി​ല്ലേ? (എബ്രാ. 11:32-35) ഇന്നത്തെ ദൈവ​ദാ​സ​രു​ടെ അനുഭ​വങ്ങൾ കേൾക്കു​മ്പോ​ഴും നമുക്ക്‌ അങ്ങനെ​ത​ന്നെ​യല്ലേ തോന്നു​ന്നത്‌? സഹോ​ദ​ര​ങ്ങ​ളു​ടെ ജീവി​ത​ക​ഥകൾ വായി​ച്ച​പ്പോൾ തങ്ങൾക്കു വളരെ പ്രോ​ത്സാ​ഹ​ന​വും ബലവും കിട്ടി​യെന്നു പറഞ്ഞു​കൊ​ണ്ടുള്ള ധാരാളം കത്തുകൾ മിക്ക​പ്പോ​ഴും ലോകാ​സ്ഥാ​നത്ത്‌ കിട്ടാ​റുണ്ട്‌.

7. റോമർ 14:19-21-ൽ പൗലോസ്‌ കൊടുത്ത ഉപദേ​ശ​ത്തിൽനിന്ന്‌ നമുക്ക്‌ എന്തു പഠിക്കാം?

⁷ നമ്മൾ പറയു​ന്ന​തും ചെയ്യു​ന്ന​തും ആയ കാര്യ​ങ്ങ​ളി​ലൂ​ടെ സഹോ​ദ​ര​ങ്ങളെ ബലപ്പെ​ടു​ത്താൻ കഴിയും. അതു സഭയിൽ സമാധാ​നം നിലനി​റു​ത്താ​നും സഹായി​ക്കും. നമുക്കി​ട​യി​ലുള്ള അഭി​പ്രാ​യ​വ്യ​ത്യാ​സങ്ങൾ സഭയുടെ സമാധാ​നം തകർക്കാൻ അനുവ​ദി​ക്ക​രുത്‌. തിരു​വെ​ഴു​ത്തു​ത​ത്ത്വ​ങ്ങൾ ലംഘി​ക്ക​പ്പെ​ടു​ന്നി​ല്ലെ​ങ്കിൽ നമുക്കു ചില വിട്ടു​വീ​ഴ്‌ച​ക​ളൊ​ക്കെ ചെയ്യാ​നാ​കും. അതു മനസ്സി​ലാ​ക്കാൻ ഒരു ഉദാഹ​രണം ചിന്തി​ക്കാം. ജൂതമ​ത​ത്തിൽനി​ന്നും മറ്റു മതങ്ങളിൽനി​ന്നും ക്രിസ്‌ത്യാ​നി​ക​ളാ​യി​ത്തീർന്ന​വ​രാ​ണു റോമി​ലെ സഭയി​ലു​ണ്ടാ​യി​രു​ന്നത്‌. മോശ​യി​ലൂ​ടെ കൊടുത്ത നിയമം നീങ്ങി​പ്പോ​യ​തി​നാൽ ചില ഭക്ഷണസാ​ധ​നങ്ങൾ കഴിക്കാൻ പാടി​ല്ലെന്ന വിലക്കു പിന്നീ​ടി​ല്ലാ​യി​രു​ന്നു. (മർക്കോ. 7:19) അതെത്തു​ടർന്ന്‌ ജൂതപ​ശ്ചാ​ത്ത​ല​ത്തിൽപ്പെട്ട ചിലർ എല്ലാ ഭക്ഷണവും കഴിക്കാ​മെന്നു പറഞ്ഞു. എന്നാൽ മറ്റു ചിലർക്ക്‌ അതി​നോ​ടു യോജി​ക്കാൻ കഴിഞ്ഞില്ല. ഇതിന്റെ പേരിൽ അന്നു സഭയിൽ ഒരു ഭിന്നി​പ്പു​ണ്ടാ​യി. സഭയിൽ സമാധാ​നം കാത്തു​സൂ​ക്ഷി​ക്കേ​ണ്ട​തി​ന്റെ പ്രാധാ​ന്യം മനസ്സി​ലാ​ക്കി പൗലോസ്‌ അവരോട്‌ ഇങ്ങനെ പറഞ്ഞു: “മാംസം കഴിക്കു​ന്ന​തു​കൊ​ണ്ടോ വീഞ്ഞു കുടി​ക്കു​ന്ന​തു​കൊ​ണ്ടോ സഹോ​ദരൻ വിശ്വാ​സ​ത്തിൽനിന്ന്‌ വീണു​പോ​കു​മെ​ങ്കിൽ അത്‌ ഒഴിവാ​ക്കു​ന്ന​താ​ണു നല്ലത്‌.” (റോമർ 14:19-21 വായി​ക്കുക.) ഈ വാക്കു​ക​ളി​ലൂ​ടെ ഇതു​പോ​ലുള്ള പ്രശ്‌നങ്ങൾ വ്യക്തി​കൾക്കി​ട​യി​ലെ​യും സഭയി​ലെ​യും സമാധാ​നം നശിപ്പി​ക്കു​മെന്ന കാര്യം പൗലോസ്‌ സഹവി​ശ്വാ​സി​കളെ ഓർമി​പ്പി​ക്കു​ക​യാ​യി​രു​ന്നു. മറ്റുള്ളവർ വിശ്വാ​സ​ത്തിൽനിന്ന്‌ വീണു​പോ​കാ​തി​രി​ക്കാൻ വിട്ടു​വീ​ഴ്‌ചകൾ ചെയ്യാൻ പൗലോ​സും തയ്യാറാ​യി​രു​ന്നു. (1 കൊരി. 9:19-22) നമ്മുടെ ചില ആഗ്രഹ​ങ്ങ​ളും ഇഷ്ടങ്ങളും വേണ്ടെ​ന്നു​വെ​ക്കു​ന്നെ​ങ്കിൽ പൗലോ​സി​നെ​പ്പോ​ലെ സഹോ​ദ​ര​ങ്ങളെ ബലപ്പെ​ടു​ത്താ​നും സഭയിൽ സമാധാ​നം നിലനി​റു​ത്താ​നും നമുക്കും കഴിയും.

8. സഭയുടെ സമാധാ​നം തകർത്തേ​ക്കാ​വുന്ന ഒരു പ്രശ്‌നം ഉണ്ടായ​പ്പോൾ പൗലോസ്‌ എന്തു ചെയ്‌തു?

⁸ പ്രധാ​ന​പ്പെട്ട ചില വിഷയ​ങ്ങ​ളോ​ടുള്ള ബന്ധത്തിൽ സഹോ​ദ​ര​ങ്ങൾക്കി​ട​യിൽ അഭി​പ്രാ​യ​വ്യ​ത്യാ​സം ഉണ്ടാകു​മ്പോൾ സമാധാ​നം നിലനി​റു​ത്താൻ എന്തു ചെയ്യാ​നാ​കു​മെ​ന്ന​തി​നു പൗലോസ്‌ നമുക്ക്‌ നല്ലൊരു മാതൃ​ക​വെ​ച്ചി​ട്ടുണ്ട്‌. ഉദാഹ​ര​ണ​ത്തിന്‌ ഒന്നാം നൂറ്റാ​ണ്ടി​ലെ ക്രിസ്‌തീ​യ​സ​ഭ​യിൽ മറ്റു മതങ്ങളിൽനിന്ന്‌ വന്നവർ പരി​ച്ഛേ​ദ​ന​യേൽക്ക​ണ​മെന്നു ചിലർ നിർബ​ന്ധം​പി​ടി​ച്ചു. ജൂതന്മാ​രു​ടെ വിമർശനം ഉണ്ടാകാ​തി​രി​ക്കാൻവേ​ണ്ടി​യാണ്‌ അവർ അങ്ങനെ പറഞ്ഞത്‌. (ഗലാ. 6:12) എന്നാൽ പൗലോ​സിന്‌ അതി​നോ​ടു ശക്തമായ വിയോ​ജി​പ്പാ​യി​രു​ന്നു. പക്ഷേ തന്റെ അഭി​പ്രാ​യം മറ്റുള്ള​വ​രു​ടെ മേൽ അടി​ച്ചേൽപ്പി​ക്കാൻ പൗലോസ്‌ ശ്രമി​ച്ചില്ല. പകരം അദ്ദേഹം താഴ്‌മ​യോ​ടെ ആ വിഷയ​ത്തെ​ക്കു​റിച്ച്‌ യരുശ​ലേ​മി​ലെ അപ്പോ​സ്‌ത​ല​ന്മാ​രോ​ടും മൂപ്പന്മാ​രോ​ടും അഭി​പ്രാ​യം ചോദി​ച്ചു. (പ്രവൃ. 15:1, 2) പൗലോസ്‌ അങ്ങനെ ചെയ്‌ത​തു​കൊണ്ട്‌ സഹോ​ദ​ര​ങ്ങൾക്കി​ട​യിൽ സന്തോ​ഷ​വും സമാധാ​ന​വും നിലനി​റു​ത്താൻ കഴിഞ്ഞു.—പ്രവൃ. 15:30, 31.

9. നമുക്ക്‌ എങ്ങനെ പൗലോ​സി​ന്റെ മാതൃക അനുക​രി​ക്കാം?

⁹ ഗുരു​ത​ര​മായ ഒരു പ്രശ്‌നം ഉയർന്നു​വ​രു​ക​യാ​ണെ​ങ്കിൽ സമാധാ​നം നിലനി​റു​ത്താൻ നമുക്ക്‌ എന്തു ചെയ്യാൻ കഴിയും? സഭയെ പരിപാ​ലി​ക്കു​ന്ന​തി​നു​വേണ്ടി യഹോവ ചിലരെ നിയമി​ച്ചി​ട്ടുണ്ട്‌. നമുക്ക്‌ അവരുടെ സഹായം തേടാം. മിക്ക​പ്പോ​ഴും നമ്മൾ നേരി​ടുന്ന പ്രശ്‌ന​ത്തി​നുള്ള പരിഹാ​രം, ബൈബി​ളി​നെ അടിസ്ഥാ​ന​മാ​ക്കി തയ്യാറാ​ക്കി​യി​ട്ടുള്ള പ്രസി​ദ്ധീ​ക​ര​ണ​ങ്ങ​ളി​ലൂ​ടെ​യോ മറ്റു രീതി​യി​ലോ സംഘടന തന്നിട്ടു​ണ്ടാ​കും. അതു​കൊണ്ട്‌ നമ്മുടെ അഭി​പ്രാ​യ​ങ്ങ​ളാ​ണു ശരി​യെന്നു സ്ഥാപി​ക്കാൻ ശ്രമി​ക്കു​ന്ന​തി​നു പകരം അത്തരം നിർദേ​ശങ്ങൾ അനുസ​രി​ക്കുക. അപ്പോൾ സഭയിൽ സമാധാ​നം നിലനി​റു​ത്താൻ നമുക്കാ​കും.

10. സഭയിൽ സമാധാ​ന​മു​ണ്ടാ​യി​രി​ക്കാൻ പൗലോസ്‌ മറ്റെന്തും​കൂ​ടെ ചെയ്‌തു?

¹⁰ സഹോ​ദ​ര​ങ്ങ​ളു​ടെ മോശം സ്വഭാ​വങ്ങൾ ശ്രദ്ധി​ക്കു​ന്ന​തി​നു പകരം അവരുടെ നല്ല ഗുണങ്ങൾ എടുത്തു​പ​റ​ഞ്ഞു​കൊണ്ട്‌  പൗലോസ്‌ സഭയിൽ സമാധാ​നം നിലനി​റു​ത്താൻ ശ്രമിച്ചു. ഉദാഹ​ര​ണ​ത്തിന്‌ അദ്ദേഹം റോമി​ലു​ള്ള​വർക്ക്‌ എഴുതിയ കത്തിന്റെ അവസാ​ന​ഭാ​ഗത്ത്‌ പലരു​ടെ​യും പേരുകൾ എടുത്തു​പ​റ​ഞ്ഞി​രി​ക്കു​ന്നതു നമുക്കു വായി​ക്കാൻ കഴിയും. മിക്കവ​രു​ടെ​യും കാര്യ​ത്തിൽ അവരുടെ ഏതെങ്കി​ലും നല്ല ഗുണവും മറ്റും പറഞ്ഞി​ട്ടുണ്ട്‌. പൗലോ​സി​നെ​പ്പോ​ലെ നമുക്കും സഹോ​ദ​ര​ങ്ങ​ളു​ടെ നല്ല ഗുണങ്ങ​ളെ​ക്കു​റിച്ച്‌ എടുത്തു​പ​റ​യാം. നമ്മൾ അങ്ങനെ ചെയ്യു​മ്പോൾ സഹോ​ദ​ര​ങ്ങൾക്കി​ട​യി​ലെ അടുപ്പം കൂടും. മാത്രമല്ല സഭയിൽ സ്‌നേ​ഹ​വും സമാധാ​ന​വും ഉണ്ടായി​രി​ക്കു​ക​യും ചെയ്യും.

11. അഭി​പ്രാ​യ​വ്യ​ത്യാ​സങ്ങൾ ഉണ്ടാകു​മ്പോൾ നമുക്ക്‌ എങ്ങനെ സമാധാ​നം വീണ്ടെ​ടു​ക്കാൻ കഴിയും?

¹¹ ചില സമയങ്ങ​ളിൽ അനുഭ​വ​പ​രി​ച​യ​മുള്ള സഹോ​ദ​ര​ങ്ങൾക്കി​ട​യിൽപ്പോ​ലും അഭി​പ്രാ​യ​വ്യ​ത്യാ​സ​ങ്ങ​ളും തർക്കങ്ങ​ളും ഉണ്ടാ​യേ​ക്കാം. പൗലോ​സി​നും ഉറ്റസു​ഹൃ​ത്തായ ബർന്നബാ​സി​നും അങ്ങനെ സംഭവി​ച്ചു. അവരുടെ അടുത്ത മിഷന​റി​യാ​ത്ര​യിൽ മർക്കോ​സി​നെ കൂട്ടണോ വേണ്ടയോ എന്ന കാര്യ​ത്തിൽ അവർക്കു രണ്ടു പേർക്കും രണ്ട്‌ അഭി​പ്രാ​യ​മാ​യി​രു​ന്നു. അതിന്റെ പേരിൽ അവർ തമ്മിൽ “വലി​യൊ​രു വഴക്ക്‌ ഉണ്ടായി,” രണ്ടു പേരും രണ്ടു വഴിക്കു പോയി. (പ്രവൃ. 15:37-39) എന്നാൽ പൗലോ​സും ബർന്നബാ​സും മർക്കോ​സും വീണ്ടും പഴയതു​പോ​ലെ സ്‌നേ​ഹ​ത്തി​ലാ​യി. സഭയുടെ സമാധാ​ന​ത്തി​നും ഐക്യ​ത്തി​നും ആണ്‌ അവർ ഏറ്റവും പ്രാധാ​ന്യം കൊടു​ത്തി​രു​ന്ന​തെന്ന്‌ അവരുടെ ആ പ്രവൃ​ത്തി​ക​ളി​ലൂ​ടെ നമ്മൾ മനസ്സി​ലാ​ക്കു​ന്നു. പൗലോസ്‌ ബർന്നബാ​സി​നെ​യും മർക്കോ​സി​നെ​യും കുറിച്ച്‌ പിന്നീട്‌ വളരെ സ്‌നേ​ഹ​ത്തോ​ടെ സംസാ​രി​ക്കു​ന്ന​താ​യി നമുക്കു കാണാൻ കഴിയും. (1 കൊരി. 9:6; കൊലോ. 4:10) നമുക്കും അതു​പോ​ലെ, സഭയിലെ ആരെങ്കി​ലു​മാ​യി അഭി​പ്രാ​യ​വ്യ​ത്യാ​സ​ങ്ങ​ളോ ഭിന്നത​ക​ളോ ഉണ്ടെങ്കിൽ പെട്ടെ​ന്നു​തന്നെ അവ പരിഹ​രി​ക്കാൻ ശ്രമി​ക്കാം, സഹോ​ദ​ര​ങ്ങ​ളു​ടെ നല്ല ഗുണങ്ങൾ ശ്രദ്ധി​ക്കാം. അങ്ങനെ ചെയ്യു​മ്പോൾ നമ്മൾ സഭയുടെ സമാധാ​ന​വും ഐക്യ​വും നിലനി​റു​ത്താൻ പ്രവർത്തി​ക്കു​ക​യാണ്‌.—എഫെ. 4:3.

12. നമ്മുടെ സഹോ​ദ​രങ്ങൾ നേരി​ടുന്ന ചില ബുദ്ധി​മു​ട്ടു​കൾ എന്തൊ​ക്കെ​യാണ്‌?

¹² യഹോ​വ​യി​ലുള്ള വിശ്വാ​സം ശക്തി​പ്പെ​ടു​ത്താൻ സഹോ​ദ​ര​ങ്ങളെ സഹായി​ക്കു​ന്ന​തി​ലൂ​ടെ​യും നമ്മൾ അവരെ ബലപ്പെ​ടു​ത്തു​ക​യാണ്‌. ചിലർക്കു വിശ്വാ​സ​ത്തിൽ ഇല്ലാത്ത കുടും​ബാം​ഗ​ങ്ങ​ളു​ടെ​യോ സഹജോ​ലി​ക്കാ​രു​ടെ​യോ സഹപാ​ഠി​ക​ളു​ടെ​യോ പരിഹാ​സം നേരി​ടേ​ണ്ടി​വ​രു​ന്നു. മറ്റു ചിലർക്കു ഗുരു​ത​ര​മായ ആരോ​ഗ്യ​പ്ര​ശ്‌ന​ങ്ങ​ളുണ്ട്‌. വേറെ ചിലരാ​ണെ​ങ്കിൽ മറ്റുള്ളവർ വിഷമി​പ്പി​ച്ച​തി​ന്റെ വേദന സഹിക്കു​ന്ന​വ​രാണ്‌. ഇനി, സ്‌നാ​ന​മേ​റ്റി​ട്ടു വർഷങ്ങ​ളായ ചില ക്രിസ്‌ത്യാ​നി​കൾ ഈ ദുഷിച്ച ലോക​ത്തി​ന്റെ അവസാനം കാണാൻ ഏറെക്കാ​ല​മാ​യി കാത്തി​രി​ക്കു​ന്നു. ഇത്തരം സാഹച​ര്യ​ങ്ങൾ ഇന്നത്തെ ക്രിസ്‌ത്യാ​നി​കൾക്കു വിശ്വാ​സ​ത്തി​ന്റെ ഒരു പരി​ശോ​ധ​ന​യാ​യേ​ക്കാം. ഒന്നാം നൂറ്റാ​ണ്ടി​ലെ ക്രിസ്‌ത്യാ​നി​കൾക്കും ഇതു​പോ​ലുള്ള സാഹച​ര്യ​ങ്ങൾ നേരി​ടേ​ണ്ടി​വന്നു. അവരെ ശക്തി​പ്പെ​ടു​ത്താൻ പൗലോസ്‌ എന്താണു ചെയ്‌തത്‌?

13. വിശ്വാ​സ​ത്തി​ന്റെ പേരിൽ പരിഹാ​സം നേരി​ടേ​ണ്ടി​വന്ന സഹോ​ദ​ര​ങ്ങളെ പൗലോസ്‌ എങ്ങനെ​യാ​ണു സഹായി​ച്ചത്‌?

¹³ സഹോ​ദ​ര​ങ്ങ​ളു​ടെ വിശ്വാ​സം ബലപ്പെ​ടു​ത്തു​ന്ന​തി​നു പൗലോസ്‌ തിരു​വെ​ഴു​ത്തു​കൾ ഉപയോ​ഗി​ച്ചു. ഉദാഹ​ര​ണ​ത്തിന്‌ അന്നത്തെ ജൂത​ക്രി​സ്‌ത്യാ​നി​കൾക്ക്‌ ഇങ്ങനെ ഒരു പ്രശ്‌നം നേരി​ട്ടി​രി​ക്കാം: ജൂതമതം ക്രിസ്‌ത്യാ​നി​ത്വ​ത്തെ​ക്കാൾ ഉയർന്ന​താ​ണെന്ന്‌ അവിശ്വാ​സി​ക​ളായ കുടും​ബാം​ഗങ്ങൾ വാദി​ച്ച​പ്പോൾ അതിനു കൃത്യ​മായ ഉത്തരം കൊടു​ക്കാൻ അവർക്കു കഴിഞ്ഞി​ട്ടു​ണ്ടാ​കില്ല. എന്നാൽ പൗലോസ്‌ എബ്രാ​യ​ക്രി​സ്‌ത്യാ​നി​കൾക്ക്‌ എഴുതിയ കത്ത്‌ അവർക്കു വളരെ പ്രയോ​ജ​ന​പ്പെട്ടു. (എബ്രാ. 1:5, 6; 2:2, 3; 9:24, 25) വ്യക്തവും കൃത്യ​വും ആയ തെളി​വു​കൾ ഉപയോ​ഗിച്ച്‌ അവിശ്വാ​സി​ക​ളായ കുടും​ബാം​ഗ​ങ്ങൾക്കു നല്ലൊരു വിശദീ​ക​രണം കൊടു​ക്കാൻ ആ ക്രിസ്‌ത്യാ​നി​കൾക്കു കഴിഞ്ഞു. ഇന്നും നമ്മുടെ പല സഹോ​ദ​ര​ങ്ങൾക്കും വിശ്വാ​സ​ത്തി​ന്റെ പേരിൽ കളിയാ​ക്ക​ലു​കൾ സഹി​ക്കേ​ണ്ടി​വ​രു​ന്നുണ്ട്‌. നമ്മൾ വിശ്വ​സി​ക്കുന്ന കാര്യങ്ങൾ കാര്യ​കാ​ര​ണ​സ​ഹി​തം മറ്റുള്ള​വ​രോ​ടു വിശദീ​ക​രി​ക്കാ​നുള്ള വിവരങ്ങൾ ബൈബിൾപ്ര​സി​ദ്ധീ​ക​ര​ണ​ങ്ങ​ളി​ലുണ്ട്‌. അതു കണ്ടെത്താൻ നമുക്ക്‌ അവരെ സഹായി​ക്കാം. ഇനി, സൃഷ്ടി​യിൽ വിശ്വ​സി​ക്കു​ന്ന​തി​ന്റെ പേരിൽ നമ്മുടെ പല ചെറു​പ്പ​ക്കാർക്കും പരിഹാ​സങ്ങൾ നേരി​ടേ​ണ്ടി​വ​രു​ന്നുണ്ട്‌. ജീവൻ സൃഷ്ടി​ക്ക​പ്പെ​ട്ട​തോ? (ഇംഗ്ലീഷ്‌), ജീവന്റെ ഉത്ഭവം—പ്രസക്ത​മായ അഞ്ചു ചോദ്യ​ങ്ങൾ എന്നീ ലഘുപ​ത്രി​ക​ക​ളി​ലെ വിവരങ്ങൾ ഉപയോ​ഗി​ച്ചു​കൊണ്ട്‌ അവർ എന്തു​കൊണ്ട്‌ അതു വിശ്വ​സി​ക്കു​ന്നു എന്നതി​നെ​ക്കു​റിച്ച്‌ കൃത്യ​മായ ഒരു വിശദീ​ക​രണം കൊടു​ക്കാൻ നമുക്ക്‌ അവരെ സഹായി​ക്കാൻ കഴിയും.

14. പ്രസം​ഗി​ക്കു​ക​യും പഠിപ്പി​ക്കു​ക​യും ചെയ്യു​ന്ന​തിൽ തിരക്കു​ണ്ടാ​യി​രു​ന്നെ​ങ്കി​ലും പൗലോസ്‌ വേറെ എന്തുകൂ​ടെ ചെയ്‌തു?

¹⁴ “നല്ല കാര്യങ്ങൾ” ചെയ്‌തു​കൊണ്ട്‌ പരസ്‌പരം സ്‌നേ​ഹി​ക്കാൻ പൗലോസ്‌ സഹോ​ദ​ര​ങ്ങളെ പ്രോ​ത്സാ​ഹി​പ്പി​ച്ചു. (എബ്രാ. 10:24) വാക്കി​ലൂ​ടെ മാത്രമല്ല പ്രവൃ​ത്തി​യി​ലൂ​ടെ​യും പൗലോസ്‌ സഹോ​ദ​ര​ങ്ങളെ സഹായി​ച്ചു. ഉദാഹ​ര​ണ​ത്തിന്‌ യഹൂദ​യിൽ  ക്ഷാമം ഉണ്ടായ സമയത്ത്‌ അവി​ടെ​യുള്ള സഹോ​ദ​ര​ങ്ങൾക്ക്‌ ആവശ്യ​മായ സഹായം എത്തിച്ചു​കൊ​ടു​ക്കാൻ വേണ്ട കാര്യങ്ങൾ പൗലോസ്‌ ചെയ്‌തു. (പ്രവൃ. 11:27-30) പ്രസം​ഗി​ക്കു​ക​യും പഠിപ്പി​ക്കു​ക​യും ചെയ്യുന്ന കാര്യ​ത്തിൽ പൗലോ​സി​നു തിരക്കു​ണ്ടാ​യി​രു​ന്നെ​ങ്കി​ലും പാവപ്പെട്ട സഹോ​ദ​ര​ങ്ങളെ സഹായി​ക്കാൻ എന്തു ചെയ്യാ​മെ​ന്നും അദ്ദേഹം എപ്പോ​ഴും ശ്രദ്ധി​ച്ചി​രു​ന്നു. (ഗലാ. 2:10) അങ്ങനെ ചെയ്‌ത​തി​ലൂ​ടെ, ഏതൊക്കെ സാഹച​ര്യ​ങ്ങ​ളി​ലൂ​ടെ കടന്നു​പോ​യാ​ലും യഹോവ തങ്ങൾക്കു​വേണ്ടി കരുതു​മെന്ന സഹോ​ദ​ര​ങ്ങ​ളു​ടെ വിശ്വാ​സം ശക്തമാ​ക്കാൻ പൗലോ​സി​നു കഴിഞ്ഞു. ഇന്നു നമുക്കും നമ്മുടെ സമയവും കഴിവു​ക​ളും അധ്വാ​ന​വും ഒക്കെ ദുരി​താ​ശ്വാ​സ​പ്ര​വർത്ത​ന​ങ്ങൾക്കു​വേണ്ടി ഉപയോ​ഗി​ക്കാ​നുള്ള അവസര​മുണ്ട്‌. അങ്ങനെ ചെയ്യു​മ്പോൾ സഹോ​ദ​ര​ങ്ങ​ളു​ടെ വിശ്വാ​സം ബലപ്പെ​ടു​ത്താൻ നമുക്കു കഴിയും. ലോക​വ്യാ​പക വേലയ്‌ക്കു​വേണ്ടി പതിവാ​യി സംഭാ​വ​നകൾ ചെയ്യു​മ്പോ​ഴും നമ്മൾ അതുത​ന്നെ​യാ​ണു ചെയ്യു​ന്നത്‌. ഈ വിധത്തി​ലും മറ്റു പല വിധങ്ങ​ളി​ലും നമ്മൾ സഹോ​ദ​ര​ങ്ങളെ സഹായി​ക്കു​മ്പോൾ യഹോവ തങ്ങളെ ഒരിക്ക​ലും ഉപേക്ഷി​ക്കി​ല്ലെന്ന്‌ അവർക്കു കൂടുതൽ ഉറപ്പാ​കും.

15-16. വിശ്വാ​സ​ത്തിൽ പുറ​കോ​ട്ടു​നിൽക്കു​ന്ന​വരെ നമുക്ക്‌ എങ്ങനെ ബലപ്പെ​ടു​ത്താൻ കഴിയും?

¹⁵ വിശ്വാ​സ​ത്തിൽ പുറ​കോ​ട്ടു​നിൽക്കു​ന്ന​വരെ പൗലോസ്‌ വിട്ടു​ക​ള​ഞ്ഞില്ല. അദ്ദേഹം അവരോട്‌ അനുകമ്പ കാണിച്ചു. സ്‌നേ​ഹ​ത്തോ​ടെ, അവരെ ബലപ്പെ​ടു​ത്തുന്ന വിധത്തിൽ സംസാ​രി​ച്ചു. (എബ്രാ. 6:9; 10:39) ഉദാഹ​ര​ണ​ത്തിന്‌, എബ്രാ​യർക്ക്‌ എഴുതിയ കത്തിൽ പൗലോസ്‌ മിക്ക​പ്പോ​ഴും “നമ്മൾ,” “നമുക്ക്‌” എന്ന വാക്കു​ക​ളൊ​ക്കെ ഉപയോ​ഗി​ച്ചി​ട്ടുണ്ട്‌. അതിലൂ​ടെ, എഴുതി​യി​രി​ക്കുന്ന കാര്യങ്ങൾ താനും അനുസ​രി​ക്കേ​ണ്ട​താ​ണെന്ന്‌ അദ്ദേഹം കാണിച്ചു. (എബ്രാ. 2:1, 3) വിശ്വാ​സ​ത്തിൽ പുറ​കോ​ട്ടു​നിൽക്കു​ന്ന​വരെ പ്രോ​ത്സാ​ഹി​പ്പി​ക്കാൻ പൗലോ​സി​നെ​പ്പോ​ലെ നമുക്കും ശ്രമി​ക്കാം. അവരുടെ കാര്യ​ത്തിൽ നമുക്ക്‌ ആത്മാർഥ​മായ താത്‌പ​ര്യം കാണി​ക്കാം. അപ്പോൾ അവരെ​ക്കു​റിച്ച്‌ നമുക്കു ചിന്തയു​ണ്ടെന്ന്‌ അവർക്കു കൂടുതൽ ഉറപ്പാ​കും. നമ്മൾ സ്‌നേ​ഹ​ത്തോ​ടെ​യും ദയയോ​ടെ​യും ആണ്‌ അവരോ​ടു സംസാ​രി​ക്കു​ന്ന​തെ​ങ്കിൽ നമ്മൾ പറയുന്ന കാര്യങ്ങൾ അവരെ കൂടുതൽ സ്വാധീ​നി​ക്കും.

¹⁶ സഹോ​ദ​രങ്ങൾ ചെയ്‌ത നല്ല പ്രവൃ​ത്തി​കൾ യഹോവ മറന്നു​ക​ള​ഞ്ഞി​ട്ടി​ല്ലെന്നു പൗലോസ്‌ അവരെ ഓർമി​പ്പി​ച്ചു. (എബ്രാ. 10:32-34) വിശ്വാ​സ​ത്തിൽ പുറ​കോ​ട്ടു​നിൽക്കു​ന്ന​വരെ സഹായി​ക്കു​ന്ന​തി​നു​വേണ്ടി അതു​പോ​ലെ ചില കാര്യങ്ങൾ നമുക്കും ചെയ്യാൻ കഴിയും. നമുക്കു വേണ​മെ​ങ്കിൽ അവർ എങ്ങനെ​യാ​ണു സത്യത്തി​ലേക്കു വന്നതെന്നു ചോദി​ക്കാം. അല്ലെങ്കിൽ യഹോവ അവർക്കു വേണ്ട സഹായങ്ങൾ  നൽകിയ ഏതെങ്കി​ലും അവസര​ങ്ങ​ളെ​ക്കു​റിച്ച്‌ ഓർത്തെ​ടു​ക്കാൻ അവരെ പ്രോ​ത്സാ​ഹി​പ്പി​ക്കാം. ഇനി, യഹോ​വ​യോ​ടുള്ള സ്‌നേ​ഹ​ത്താൽ മുമ്പ്‌ അവർ ചെയ്‌ത കാര്യങ്ങൾ യഹോവ മറക്കി​ല്ലെ​ന്നും യഹോവ അവരെ ഒരിക്ക​ലും ഉപേക്ഷി​ക്കി​ല്ലെ​ന്നും ഉള്ള ഉറപ്പും അവർക്കു കൊടു​ക്കാൻ കഴിയും. (എബ്രാ. 6:10; 13:5, 6) ഇതു​പോ​ലുള്ള സംഭാ​ഷ​ണങ്ങൾ യഹോ​വ​യു​ടെ സേവന​ത്തിൽ സന്തോ​ഷ​ത്തോ​ടെ തുടരാൻ ആ പ്രിയ​പ്പെ​ട്ട​വരെ സഹായി​ക്കും.

17. ഏതൊക്കെ കഴിവു​കൾ മെച്ച​പ്പെ​ടു​ത്തു​ന്ന​തിൽ നമ്മൾ ശ്രദ്ധി​ക്കണം?

¹⁷ വർഷങ്ങൾ കഴിയും​തോ​റും ഒരു കെട്ടി​ട​നിർമാണ തൊഴി​ലാ​ളി​യു​ടെ കഴിവു​കൾ മെച്ച​പ്പെ​ടു​ന്നു. അതു​പോ​ലെ സഹോ​ദ​ര​ങ്ങളെ ബലപ്പെ​ടു​ത്താ​നുള്ള കഴിവു​കൾ നമുക്കും മെച്ച​പ്പെ​ടു​ത്താം. പരീക്ഷ​ണങ്ങൾ ഉണ്ടാകു​മ്പോൾ അതു സഹിച്ചു​നിൽക്കാൻ വേണ്ട കരുത്ത്‌ നേടാൻ നമുക്കു മറ്റുള്ള​വരെ സഹായി​ക്കാൻ കഴിയും. അതിനു​വേണ്ടി മുൻകാ​ല​ങ്ങ​ളിൽ പ്രയാ​സ​ങ്ങ​ളും ബുദ്ധി​മു​ട്ടു​ക​ളും അനുഭ​വി​ച്ച​പ്പോൾ സഹിച്ചു​നി​ന്ന​വ​രു​ടെ മാതൃ​കകൾ നമുക്ക്‌ ഉപയോ​ഗി​ക്കാം. മറ്റുള്ള​വ​രു​ടെ നന്മ എടുത്തു​പ​റ​ഞ്ഞു​കൊണ്ട്‌ നമുക്കു സമാധാ​നം വളർത്താം. സമാധാ​നം നഷ്ടപ്പെ​ടാൻ സാധ്യ​ത​യുള്ള അവസര​ങ്ങ​ളിൽ അതു നിലനി​റു​ത്താൻവേണ്ടി നമുക്കു പരമാ​വധി ശ്രമി​ക്കാം. അഭി​പ്രാ​യ​വ്യ​ത്യാ​സങ്ങൾ ഉണ്ടായാൽ സമാധാ​നം വീണ്ടെ​ടു​ക്കാൻ നമുക്കു പരി​ശ്ര​മി​ക്കാം. പ്രധാ​ന​പ്പെട്ട ബൈബിൾസ​ത്യ​ങ്ങ​ളെ​ക്കു​റിച്ച്‌ സംസാ​രി​ച്ചു​കൊ​ണ്ടും ആവശ്യ​മായ സഹായങ്ങൾ ചെയ്‌തു​കൊ​ടു​ത്തു​കൊ​ണ്ടും ദൈവ​സേ​വ​ന​ത്തിൽ പുറ​കോ​ട്ടു​നിൽക്കു​ന്ന​വരെ പ്രോ​ത്സാ​ഹി​പ്പി​ച്ചു​കൊ​ണ്ടും നമുക്കു സഹോ​ദ​ര​ങ്ങ​ളു​ടെ വിശ്വാ​സം ബലപ്പെ​ടു​ത്താം.

18. നിങ്ങൾ എടുത്തി​രി​ക്കുന്ന ഉറച്ച തീരു​മാ​നം എന്താണ്‌?

¹⁸ രാജ്യ​ഹാ​ളി​ന്റെ​യും മറ്റും നിർമാ​ണ​പ്ര​വർത്ത​ന​ങ്ങ​ളിൽ പങ്കെടു​ത്തി​ട്ടു​ള്ള​വർക്കു സന്തോ​ഷ​വും സംതൃ​പ്‌തി​യും തോന്നു​ന്നു. സഹോ​ദ​ര​ങ്ങ​ളു​ടെ വിശ്വാ​സം ബലപ്പെ​ടു​ത്താൻ ശ്രമി​ക്കു​മ്പോൾ അതു​പോ​ലൊ​രു സന്തോ​ഷ​വും സംതൃ​പ്‌തി​യും നമുക്ക്‌ അനുഭ​വി​ക്കാ​നാ​കും. നമ്മൾ പണിത കെട്ടി​ടങ്ങൾ ഒരിക്കൽ നശിക്കും. എന്നാൽ സഹോ​ദ​ര​ങ്ങളെ ബലപ്പെ​ടു​ത്താൻവേണ്ടി നമ്മൾ ചെയ്‌ത കാര്യങ്ങൾ അവർക്ക്‌ എന്നെന്നും പ്രയോ​ജനം ചെയ്യും. അതു​കൊണ്ട്‌ നമുക്കു “പരസ്‌പരം പ്രോ​ത്സാ​ഹി​പ്പി​ക്കു​ക​യും ബലപ്പെ​ടു​ത്തു​ക​യും” ചെയ്യാൻ ഉറച്ച തീരു​മാ​ന​മെ​ടു​ക്കാം.—1 തെസ്സ. 5:11.