വീക്ഷാഗോപുരത്തിന്റെ അടുത്ത കാലത്തെ ലക്കങ്ങൾ നിങ്ങൾ ശ്രദ്ധാ​പൂർവം വായി​ച്ചു​കാ​ണു​മ​ല്ലോ. ഇപ്പോൾ, പിൻവ​രുന്ന ചോദ്യ​ങ്ങൾക്ക്‌ ഉത്തരം നൽകാ​നാ​കു​മോ എന്നു നോക്കുക:

ഇന്നു ദൈവ​ത്തി​ന്റെ സംഘട​ന​യിൽനിന്ന്‌ ഒരു നിർദേശം കിട്ടു​മ്പോൾ സർക്കിട്ട്‌ മേൽവി​ചാ​ര​ക​ന്മാ​രു​ടെ​യും​ സ​ഭാ​മൂ​പ്പ​ന്മാ​രു​ടെയും മനോ​ഭാ​വം എന്തായി​രി​ക്കണം?

പെട്ടെന്ന്‌ അത്‌ അനുസ​രി​ക്കാൻ അവർ ഒരുക്ക​മു​ള്ള​വ​രാ​യി​രി​ക്കണം. തങ്ങളോ​ടു​തന്നെ അവർക്ക്‌ ഇങ്ങനെ ചോദി​ക്കാ​നാ​കും: ‘സഭയിലെ എന്റെ സഹോ​ദ​ര​ങ്ങളെ ആത്മീയ​ത​യു​ള്ള​വ​രാ​യി നിൽക്കാൻ സഹായി​ക്കുന്ന വിധത്തി​ലാ​ണോ എന്റെ പ്രവർത്തനം? ലഭിക്കുന്ന നിർദേ​ശങ്ങൾ ഞാൻ പെട്ടെ​ന്നു​തന്നെ അനുസ​രി​ക്കു​ക​യും അതിനെ പിന്തു​ണ​യ്‌ക്കു​ക​യും ചെയ്യു​ന്നു​ണ്ടോ?’—w16.11, പേ. 11.

എന്നാണു ക്രിസ്‌ത്യാ​നി​കൾ ബാബി​ലോ​ണി​ന്റെ അടിമ​ത്ത​ത്തി​ലാ​യത്‌?

അപ്പോ​സ്‌ത​ല​ന്മാ​രു​ടെ മരണത്തി​നു ശേഷം അധികം വൈകാ​തെ​യാണ്‌ ഇതു സംഭവി​ച്ചത്‌. ആ സമയത്ത്‌ ഒരു പുരോ​ഹി​ത​ഗണം രൂപം​കൊ​ണ്ടു​തു​ടങ്ങി. സഭയും രാഷ്‌ട്ര​വും സത്യ​ക്രി​സ്‌ത്യാ​നി​ത്വ​ത്തി​ലേക്കു തെറ്റായ പഠിപ്പി​ക്ക​ലു​കൾ കൊണ്ടു​വന്നു. അക്കൂട്ടർ ഗോത​മ്പു​തു​ല്യ​രായ ക്രിസ്‌ത്യാ​നി​ക​ളു​ടെ പ്രവർത്ത​നത്തെ ഞെരു​ക്കി​ക്ക​ളഞ്ഞു. എന്നാൽ 1914-നു മുമ്പുള്ള പതിറ്റാ​ണ്ടു​ക​ളിൽ അഭിഷി​ക്തർ അടിമ​ത്ത​ത്തി​ന്റെ ചങ്ങലകൾ പൊട്ടി​ച്ചെ​റി​യാൻ തുടങ്ങി.—w16.11, പേ. 23-25.

‘ജഡത്തിന്റെ കാര്യ​ങ്ങ​ളിൽ മനസ്സു പതിപ്പി​ക്കു​ന്ന​തും’ ‘ആത്മാവി​ന്റെ കാര്യ​ങ്ങ​ളിൽ മനസ്സു പതിപ്പി​ക്കു​ന്ന​തും’ തമ്മിലുള്ള വ്യത്യാ​സം എന്താണ്‌? (റോമ. 8:6)

ആദ്യത്തെ കൂട്ടർ അപൂർണ​മ​നു​ഷ്യർക്കുള്ള അഭിലാ​ഷ​ങ്ങ​ളി​ലും ചായ്‌വു​ക​ളി​ലും ആണ്‌ ശ്രദ്ധ പതിപ്പി​ക്കു​ന്നത്‌. അങ്ങനെ​യുള്ള കാര്യ​ങ്ങ​ളെ​ക്കു​റി​ച്ചാ​യി​രി​ക്കും അവർ എല്ലായ്‌പോ​ഴും സംസാ​രി​ക്കു​ന്നത്‌. അതൊക്കെ വലിയ കാര്യ​ങ്ങ​ളാ​യി അവർ അവതരി​പ്പി​ക്കും. എന്നാൽ രണ്ടാമത്തെ കൂട്ടർ ദൈവ​ത്തെ​യും ദൈവി​ക​ചി​ന്ത​ക​ളെ​യും ചുറ്റി​പ്പ​റ്റി​യാ​യി​രി​ക്കും ജീവി​ക്കു​ന്നത്‌. അങ്ങനെ​യുള്ള ഒരു ക്രിസ്‌ത്യാ​നി​യെ നയിക്കു​ന്നതു പരിശു​ദ്ധാ​ത്മാ​വാ​യി​രി​ക്കും. ജഡത്തെ അനുസ​രിച്ച്‌ ജീവി​ക്കു​ന്നതു മരണത്തി​ലേ​ക്കും ആത്മാവി​നെ അനുസ​രിച്ച്‌ ജീവി​ക്കു​ന്നതു ജീവനി​ലേ​ക്കും സമാധാ​ന​ത്തി​ലേ​ക്കും നയിക്കും.—w16.12, പേ. 15-17.

ഉത്‌കണ്‌ഠ കുറയ്‌ക്കാ​നുള്ള ചില പ്രാ​യോ​ഗി​ക​മാർഗങ്ങൾ ഏതെല്ലാം?

ശരിയായ മുൻഗ​ണ​നകൾ വെക്കുക, ന്യായ​മായ പ്രതീ​ക്ഷകൾ മാത്രം വെക്കുക, ഓരോ ദിവസ​വും സ്വസ്ഥമാ​യി ഇരിക്കാൻ കുറച്ച്‌ സമയം മാറ്റി​വെ​ക്കുക, യഹോ​വ​യു​ടെ സൃഷ്ടികൾ കണ്ട്‌ ആസ്വദി​ക്കുക, നർമ​ബോ​ധ​മു​ണ്ടാ​യി​രി​ക്കുക, പതിവാ​യി വ്യായാ​മം ചെയ്യുക, ആവശ്യ​ത്തിന്‌ ഉറങ്ങുക.—w16.12, പേ. 22-23.

‘ഹാനോ​ക്കി​നെ മരണം കാണാ​തി​രി​ക്കാൻവേണ്ടി മാറ്റി.’ (എബ്രാ. 11:5) എങ്ങനെ?

യഹോവ ഹാനോ​ക്കി​നെ അദ്ദേഹം​പോ​ലും അറിയാ​തെ ജീവനിൽനിന്ന്‌ പതിയെ മരണത്തി​ലേക്കു മാറ്റി​യ​തി​നെ​യാ​കാം ഇതു കുറി​ക്കു​ന്നത്‌.—wp17.1, പേ. 12-13.

എളിമ എന്തു​കൊ​ണ്ടാണ്‌ ഇക്കാല​ത്തും പ്രധാ​ന​മാ​യി​രി​ക്കു​ന്നത്‌?

എളിമ​യുള്ള ഒരു വ്യക്തിക്കു തന്നെക്കു​റി​ച്ചു​തന്നെ ശരിയായ ഒരു കാഴ്‌ച​പ്പാ​ടും സ്വന്തം പരിമി​തി​ക​ളെ​ക്കു​റിച്ച്‌ അറിവും ഉണ്ടായി​രി​ക്കും. നമ്മുടെ പെരു​മാ​റ്റം മറ്റുള്ള​വരെ എങ്ങനെ ബാധി​ക്കും എന്നതി​നെ​ക്കു​റിച്ച്‌ നമ്മൾ ചിന്തയു​ള്ള​വ​രാ​യി​രി​ക്കണം. നമ്മൾ മറ്റുള്ള​വ​രെ​ക്കാൾ ശ്രേഷ്‌ഠ​രാ​ണെന്നു കരുതു​ക​യും അരുത്‌.—w17.01, പേ. 18.

ഇന്നത്തെ ഭരണസം​ഘത്തെ നയിക്കു​ന്ന​തും ഒന്നാം നൂറ്റാ​ണ്ടി​ലെ ഭരണസം​ഘത്തെ നയിച്ച​തും ദൈവ​മാണ്‌ എന്നതിന്‌ എന്തു തെളി​വാ​ണു​ള്ളത്‌?

പരിശു​ദ്ധാ​ത്മാ​വി​ന്റെ സഹായ​ത്താൽ ഒന്നാം നൂറ്റാ​ണ്ടി​ലെ ഭരണസം​ഘ​ത്തി​നു തിരു​വെ​ഴു​ത്തു​സ​ത്യ​ങ്ങൾ മനസ്സി​ലാ​ക്കാൻ കഴിഞ്ഞു. ദൈവ​ദൂ​ത​ന്മാ​രു​ടെ പിന്തു​ണ​യോ​ടെ അവർ പ്രസം​ഗ​പ്ര​വർത്ത​ന​ത്തി​നു മേൽനോ​ട്ടം വഹിച്ചു. മാർഗ​നിർദേ​ശങ്ങൾ കൊടു​ത്ത​പ്പോൾ ദൈവ​വ​ച​നത്തെ അടിസ്ഥാ​ന​മാ​ക്കി​യാണ്‌ അവർ അതു ചെയ്‌തത്‌. ഇന്നും അത്‌ അങ്ങനെ​ത​ന്നെ​യാണ്‌.—w17.02, പേ. 26-28.

മോച​ന​വി​ലയെ അമൂല്യ​മാ​യി കാണാൻ ഏതൊക്കെ കാര്യ​ങ്ങ​ളാ​ണു നമ്മളെ പ്രചോ​ദി​പ്പി​ക്കു​ന്നത്‌?

നാലു കാര്യങ്ങൾ: അത്‌ ആരു തന്നു, അതു തരാൻ കാരണം എന്ത്‌, അതിൽ എന്തെല്ലാം ത്യാഗങ്ങൾ ഉൾപ്പെ​ട്ടി​രു​ന്നു, അത്‌ ഏത്‌ ആവശ്യം നിറ​വേറ്റി. ഈ കാര്യ​ങ്ങ​ളെ​ക്കു​റിച്ച്‌ നമ്മൾ ആഴത്തിൽ ചിന്തി​ക്കണം.—wp17.2, പേ. 4-6.

ക്രിസ്‌ത്യാ​നി ഒരു തീരു​മാ​ന​മെ​ടു​ത്താൽ അതു മാറ്റു​ന്നത്‌ ഉചിത​മാ​ണോ?

നമ്മൾ വാക്കു പാലി​ക്കു​ന്ന​വ​രാ​യി​രി​ക്കണം. എന്നാൽ ചില​പ്പോൾ നമ്മളെ​ടുത്ത ഒരു തീരു​മാ​നം പുനഃ​പ​രി​ശോ​ധി​ക്കേ​ണ്ടി​വ​ന്നേ​ക്കാം. നിനെ​വെ​യി​ലെ ആളുകൾ പശ്ചാത്ത​പി​ച്ച​പ്പോൾ ദൈവം തന്റെ തീരു​മാ​ന​ത്തി​നു മാറ്റം വരുത്തി. ചില​പ്പോൾ, മാറി​വ​രുന്ന സാഹച​ര്യ​ങ്ങ​ള​നു​സ​രി​ച്ചോ പുതിയ വിവരങ്ങൾ ലഭിക്കു​ന്ന​ത​നു​സ​രി​ച്ചോ നമുക്കും തീരു​മാ​നം മാറ്റേ​ണ്ടി​വ​ന്നേ​ക്കാം.—w17.03, പേ. 16-17.

മറ്റുള്ള​വ​രെ​ക്കു​റിച്ച്‌ മോശ​മായ കാര്യങ്ങൾ പറഞ്ഞു​പ​ര​ത്തു​ന്നത്‌ അപകട​ക​ര​മാ​യി​രി​ക്കു​ന്നത്‌ എന്തു​കൊണ്ട്‌?

ന്യായം നമ്മുടെ ഭാഗത്താ​ണെ​ങ്കി​ലും അല്ലെങ്കി​ലും മുറി​പ്പെ​ടു​ത്തുന്ന സംസാരം ഒരിക്ക​ലും പ്രശ്‌ന​ങ്ങൾക്കു പരിഹാ​രമല്ല. അതു പ്രശ്‌നം കൂടുതൽ വഷളാ​ക്കു​കയേ ഉള്ളൂ.—w17.04, പേ. 21.